28-август куни Монакода ЕЧЛ гурух босқичига қура ташлаш маросими бўлиб ўтди. Қурага кўра Лондонинг Арсенал клуби D гурухидан жой олди. Канонирлар билан бир гурухда «Боруссия»,  «Галатасарой» ва «Андерлехт» клублари жой олишди. Ха бу гурухга анчагина тенг кучли клублар тушди. «Арсенал» гурух босқичига саралаш ўйинлари орқали ўтди. Лондонликлар саралашда «Бешиктош»ни мағлубиятга учратди. Хозир биз гурухдаги рақиблар билан яхшилаб танишиб чиқамиз.

Боруссия Дортмунд

Бу клуб бизга нотаниш эмас. Ха биз улар билан ўтган йили бир гурухдан жой олгандик. Арсенал шу пайтгача Боруссия билан 6 маротаба куч синашган. Шу ўйинларнинг 3 тасида канонирлар ғалаба қозонишган. 2 та ўйинда Боруссиянинг қўли баланд келган. Қолган 1 та ўйинда дуранг қайд этилган.Боруссиянинг мавсум олди ўйинларини кўриб шу нарсага иқрор бўлдим:  Юрген Клопп шогирдлари бу йилги мавсумга анчагина яхши тайёргарлик кўришган. Бунга битта мисол қилиб Германия суперкубогида Клопп шогирдлари  Баварияни 2-0 хисобида мағлубиятга учратганини олишимиз мумкин. Бу ёзги трансфер ойнасида Дортмундликлар ўзининг асосий хужумчиси бўлган Роберт Левандовскини Баварияга сотди. Робертни трансферидан келган пулга улар Торинодан Чиро Имобилени харид қилишди. Чиро ўтган йили Торино сафида Италия чемпионатининг энг яхши тўпурари бўлди. У мавсумни 22 та гол билан якунлади. Мана сизга Робертни ўрнига ўринбосар. Яна битта маълумот клубнинг юраги бўлган Марко Ройс сафга қайтган.У хозир ўзининг оптимал формасида. Демак шундан кўриниб турибдики бу сафарги Боруссия олдингисидан кучлироқ. Дортмундликлар Бундеслиганинг 1-турини ўз уйида ўтказди ва Ливеркузеннинг Байерига 2-0 хисобида мағлубиятга учради.

Галатасарой

Турклар хам бизни клубга унчалик бегона эмас. Ўтган йилги ЕЧЛ саралашда Фенербахче. Бу йилги саралашда эса Бешиктош. Гурух босқичида эса Галатасарой. Эътибор берадиган бўлсак клубимиз ўтган йилдан бери Туркиянинг гранд клублари билан ўйнамоқда. Бу Арсенал учун фойдага ишлайди. Лекин Галатасарой бу қарама-қаршиликда устунликга эга. Улар шу пайтгача Арсенал билан 2 маротаба ўйнаган. 1 та ўйинда Галатасаройни қўли баланд келган, 1 тасида эса дуранг кайд этилган. Бу йил турклар таркибига анча ўзгартиришлар киритди. Клуб асосий хужумчиси Диде Дрогба билан хайрлашди. У Челсига қайтди. Клубнинг бош мураббий хам ўзгарди. Манчини ўз жойини ватандоши Чезаре Пранделлига бўшатиб берди. Пранделли ЖЧ да Италия терма жамоаси билан яхши натижа кўрсата олмади. Шунинг учун у истефога чиқарилди. Турклар учун бу мураббий яхши танлов. Пранделлини қандай тажрибага эга эканлигини хаммамиз яхши биламиз. Клуб Дрогбани жойини Пандев билан тўлдирди. Македонялик ўйинчи турклар билан 1 йиллик шартнома имзолади. Галатасарой Наполидан яна бир ўйинчини харид қилди. Бу Блерим Жемайли. Туркияликлар Блерим билан 3 йиллик шартнома имзолашди. Снайдерни хам эсдан чиқармасдик керак.Уесли хам хозирда яхши формада. Бу ўйинчилар клубни кучайтиришига шубха йўқ. Туркия чемпионатининг 1-турида Галатасарой Бурсаспор мехмони бўлди ва сафардан 2-0 хисобидаги мухим ғалаба билан қайтди.

Андерлехт

Арсенал шу пайтгача Андерлехт клуби билан 3 маротаба тўқнаш келган. Бу тўқнашувларнинг 2 тасида Лондонликлар ғалаба қозонишган, 1 та ўйинда эса Андерлехтни қўли баланд келган. Бу клуб хар йили ЕЧЛ да қатнашиб келади. Бу сафарги кура Белгияликлар учун унчалик омадли келмади назаримда. Менимча Андерлехт даражасидаги клублар Арсенал, Боруссия ва Галатасарой клублари билан ўйнашни албатта хохламайди. Белгияликлар учун ўтган йилги рақиблар бу йилгисидан анча осонроқ эди. Улар гурух босқичида ПСЖ, Олимпикос ва Бенфика клублари билан тўқнаш келганди.Бу йил Белгияликлар учун ўтган йилги ПСЖ ролини Арсенал , Олимпикос ролини Боруссия, Бенфика ролини Галатасарой ўйнайди. Клуб бу ёзда Портудан ярим химоячи Стивен Дефурни харид қилди. Бельгиялик футболчи "Андерлехт" билан 2019 йилгача шартнома тузди. Андерлехт бу йилги биринчи расмий ўйинини Бельгия Суперкубоги учун баҳсда ўтказди. Финалда «Андерлехт» «Локерен»ни 2:1 ҳисобида мағлуб этди. Бу «Андерлехт» учун кетма-кет учинчи Суперкубок бўлди. Клуб ўз тарихида 12-бор ушбу совринни қўлга киритган. Бу суперкубок Андерлехт учун яхши старт. Белгия чемпионатининг 6-турида Андерлехт сафарда Брюгге билан ўйнади. Ўйин 2-2 хисобида якунланди.

«Арсенал» гурух босқичидаги биринчи ўйинини 16-сентабр куни «Сигнал Идуна Парк» стадионида «Боруссия»га қарши ўтказади.

Манба: uff.uz сайти

«Канонирлар»  блоги

livermore