Bosh sahifa » 2016 » Avgust » 5 » Тьерри Анри: «Мураббийларни ҳурмат қилишни ўргандим»

---

20:32 Тьерри Анри: «Мураббийларни ҳурмат қилишни ўргандим»

«Арсенал» афсонаси Тьерри Анри Sun Sport нашрига берган интервьюсида мураббийликни орзу қилиши ва у билан шартномани узайтиришни истамаган «канонирлар»дан хафа эмаслигини тан олди. Анрининг фикрича, жорий мавсум «Арсенал»да чемпион бўлиш учун имкон бор экан. Франциялик футболчининг айтишича, Пеп Гвардиола, Антонио Конте, Жозе Моуриньо ва Юрген Клопплар янги жойларига ҳали мослашиб олишлари лозим. Демак, Арсен Венгер кейинги 13 йилдаги биринчи чемпионлигини қўлга киритиши мумкин. - «Арсенал» ҳамиша юрагимда яшайди. Бу жамоага фақат ғалабалар тилайман,-деб гап бошлади. Анри. - «Арсенал»га бўлган муносабатимни ҳеч нима ўзгартира олмайди. Жамоадан кетишим ҳақида гапирадиган бўлсам, мен ҳаттоки, клуб ишчиси ҳам бўлмаганман. Менга мураббийликни ўзлаштиришим учун бироз ишлашга имкон беришди. Ўтган мавсумда U-18 жамоаси билан фаолият олиб бордим. Бир неча ой олдин жамоадан кетишим аниқ бўлганди. Фақат бу хабарлар эндигина авжига чиқиб кетди. ***** - Ўзингизга маълум, доимий иш жойига эгаман. Бўш вақтимда эса ёшларга сабоқ беришни истагандим. Шу билан бирга мураббийлик лицензиясини олишга ҳаракат қиляпман. ***** - Кетишдан бошқа чорам йўқ эди. Лекин бир нарсага ҳайронман. Ҳеч қайси чемпионатда матбуотнинг футболчилардан кўра мураббийларга кўпроқ эътибор берганини кўрмаганман. Ҳамма Пеп Гвардиола ва Жозе Моуриньонинг тўқнашуви, Клоппнинг нималарга қодирлиги, Контенинг бу сафар қандай каромат кўрсатишини кутишяпти. Лекин Арсенни эсдан чиқармаслик лозим. Айни пайтда бир клубда энг кўп иш олиб бораётган у бўлади. Венгер бундан унумли фойдаланиб қолиши мумкин. ***** - Клубдаги ишим орқали кўп нарса ўргандим. Энди Арсен ва ўзим билан бирга ишлаган мураббийларни яхшироқ тушуна бошлаяпман. Бугунги ижтимоий тармоқларни инобатга оладиган бўлсак, бу осон иш эмас. Чунки сайтларда ҳар қандай инсон сизни танқид қилиб, ўз фикрини билдириши мумкин. Эндиликда мураббийларни ҳурмат қилишни ўргандим. Олдинлари машғулотга келардим, уни ўтаб бўлгач, уйга кетардим. Бошқаси менга умуман қизиқ эмасди. Ўйиндан сўнг мухлислар биринчи ўринда мураббийни муҳокама қилишади. Ҳеч ким унинг соғлиғи билан қизиқмайди. U-18 билан ишлаб, шу жиҳатларни тушуна бошладим. Мураббий бўлишни истайман. Аммо бунга бироз вақт лозим. Энг аввало, лицензия олишим керак. Уёғини эса вақт кўрсатади. Бугунги «Арсенал» ҳақида гапирсам, Жиру шериги бўлган пайтларда яхши ўйин намойиш қилади. Унинг Европа чемпионатида Гризманн қандай тўп сурганини эсланг. Санчес Чили терма жамоаси сафида олдинги чизиқда ўйнайди. Агар Алексис Жиру билан ёнма-ён ўйнаганида икки футболчига ҳам фойда бўларди. ***** Барча Гарет Бэйл ҳақида гапиряпти. Тортишмайман, у ажойиб футболчи. Лекин Аарон Рэмси Евро-2016да ундан ёмон ўйнамади. У «Арсенал»га майдон марказида нимадир бера олишини кўрсатди. Бироқ Месут Озил ва Санти Касорлалар туфайли у «канонирлар»нинг марказий ярим ҳимоясида ўйнай олмайди.

1 2 3 4 5 O'qildi: 744 | Kiritdi: ARSAMAN | Reyting: 0.0/0

Вarcha fikrlar: 2
Порядок вывода комментариев: По умолчанию Сначала новые Сначала старые 0Спам 2 arsenalmax9045 • 21:35, 05-Avg-16 Taktikani ozgartirsa albata chenpiyon boladi demohchi bu gapi bilan ( Jiru . Sanches) 0Спам 1 Padishakh_Arsenal • 20:48, 05-Avg-16 Arsaga murabiy bolish niyatim bordi bo'ldi