Ertadan Angliya premyer ligasi jamoalari kuzdagi o'yinlarni boshlashadi. Bizning sevimli jamoamiz Arsenal o'z maydonida Stok siti jamoasini qabul qiladi. Tabiiyki bu o'yinga kimlar qay darajada tayyor ekanligi har birimizni qiziqtirmasdan qolmaydi. Bugun o'yindan oldin o'tkazilgan Press-Konferensiyada Arsen Venger ertangi baxsda qatnasha olmaydigan va qatnashishi mavhum bo'lib turgan o'yinchilar haqida ma'lumot berib o'tdi. Denni Welbeck- to'g'risi bu futbolchi maydonga qachon qaytishini bilmayman. Meni bilgan birgina narsam shu-ki Welbeckning davolanishiga ko'p vaqt ketadiganga o'xshaydi, lekin yangi yilgicha qaytishiga umid qilaman. Tomas Rositskiy- bu futbolchi ham Welbeckka o'xshab qattiq jarohat olganga o'xshaydi, lekin bu hali aniq bo'lib ulgurmagan. Wilshere- Wilshere sekin asta tiklanib bormoqda, yaqin kunlarda safga qaytishiga ishonchim komil. Mertasaker- bu futbolchi 18 kun davomida mashg'ulotlarda qatnasha olmadi, lekin hozir unda hammasi joyida. Koselniy- o'zini ancha yaxshi his qilmoqda, Stokka qarshi o'ynaydi degan umiddaman. Qolgan futbolchilarimiz terma jamoalardan sog' salomat qaytib kelishdi.

Manba: Arsenal.com