Bosh sahifa » 2016 » Dekabr » 20 » Месут Озил: «Бошқалардан ажраб туришни истамайман» (тўлиқ интервью)

---

08:50 Месут Озил: «Бошқалардан ажраб туришни истамайман» (тўлиқ интервью)

Лондоннинг «Арсенал» клуби ва Германия терма жамоаси ярим ҳимоячиси Месут Озил Испаниянинг Marca нашрига интервью бериб, суҳбат чоғида «Реал»ни ҳамон соғинишини билдирди. - «Арсенал»га ўтганингиздан кейин ўзгардингизми? - Олдин қандай бўлсам, шундайлигимча қолганман, деб ўйлайман. Ҳамиша фаолиятим қандай бошланганини эслаб юраман. Албатта, Мадридда ўтказган даврларимни унута олмайман. Англияга кўчиб ўтганимга уч йил бўлди, лекин ҳамон «Реал»ни хотирлайман. - Футболдаги кумирингиз ким? - Зайниддин Зидан. Ҳамиша унга ўхшашни истаганман. - «Реал»даги фаолиятингизга қандай баҳо берасиз? - Аъло. Испания чемпионатида энг юқори савиядаги футболчилар билан ўйнашга эришдим. Мадридда дўстларим кўп. Шунингдек, мухлислар ҳам менга яхши муносабатда бўлишган. Ҳозиргача аксарият ишқибозлар қайтишимни сўраб СМСлар ёзишади. - Уларга қандай жавоб берасиз? - Эътибор учун миннатдорчилик билдираман. Ҳозир «Арсенал»да ўйнаяпман, лекин мухлисларим оғир кунларимда ҳам қўллаб туришади. Улардан ҳар доим миннатдорман. - «Реал»га қайтишингиз мумкинми? - Ҳеч қачон келажакда нима бўлишини билмайсиз. Бу - футбол. Ундан ҳар нарса кутиш мумкин. Умуман олганда, «Арсенал»да бахтлиман ва бу ерда ўйнаётганимдан хурсандман. - Зидан кумирим, дедингиз. Ундан нималарни ўргангансиз? - Болалигимда франциялик футболчи иштирокидаги ҳар бир учрашувни томоша қилардим. Ҳозир ҳам унга ўхшаб ўйнашга ҳаракат қиламан. Зиданни Мадридда илк бор кўрганимда жуда ҳаяжонланганман, у эса мени тинчлантириб, ўз кучимга ишонишим кераклигини уқтирган. Ўзаро муносабатларимиз яхши. - Зиданнинг мураббийлик фаолиятига қандай баҳо берасиз? - Менимча, у ажойиб мутахассис. Биринчи мавсумдаёқ Чемпионлар Лигасида ғолиб чиқишдан яхшиси бўлмаса керак. Зиданнинг имкониятлари юқори. Келгуси фаолиятида унга омад тилайман. - Ҳозир ҳам «Реал»га мухлислик қиласизми? - Албатта. Мадридликлар ЕЧЛда ғолиб чиқишганда жуда хурсанд бўлгандим. Зидан жамоаси мағлубиятга учраганда эса қайғуга ботаман. - Тўғрисини айтинг, бўш вақтингизда Мадридга борасизми? - Бу шаҳарни соғинаман, у ер ҳамиша қуёшли. Юқорида айтганимдек, «Реал»га бўлган муносабатим бошқача. Аммо ҳозир «Арсенал» ўйинчисиман. - «қироллик клуби»дан кетганингизга афсусланасизми? - Хатога йўл қўйдим, деб ўйламайман. Ҳаммаси шундай бўлганидан хурсандман. Англия чемпионатида ўйнаш - ҳақиқий саргузашт. - Мадриддан кетгач, ўйинингиз кучайдими? - Тажрибам ошди. Лекин менимча, ҳамиша юқори савияда тўп сурганман. Энг муҳими, ҳамон футбол ўйнаётганимдан бахтлиман. Савиямни янада ошириш учун ҳали вақтим бор, деб ўйлайман. - Сизнингча, индивидуал совринни қўлга киритиш истаги жамоага зарар келтириши мумкинми? - Бу саволни гол уришни яхши кўрадиган футболчиларга бериш лозим. Мен жамоавий ўйинчиман. Ҳеч қачон бошқалардан ажраб туришни истамаганман. Ўзимнинг кучли тарафларимни биламан. Масалан, голли пасларни ажойиб тарзда узатаман (кулади). Албатта, рақиб дарвозасини ишғол қилишни ёқтираман. Аммо тўғрисини айтиш керак, кучли тарафларим бошқа. - ЕЧЛда «Лудогорец» дарвозасига қойилмақом гол урдингиз... - Фаолиятим давомида кўп бор тўп киритганман, лекин бу гол барибир, ўзгача. - Энг ёрқин дамларни бошдан кечираётганингизга ишонасизми? - Футболчи сифатида кўплаб қувончли онлар гувоҳига айланганман. Ҳозир фаолиятимдаги энг яхши эмас, балки буюк даврни ўтказяпман. - Совринлар ютиш учун «Арсенал»га нима етишмаяпти? - Менимча, омад. Чемпионлар Лигасидек турнирларда эса омаднинг ўзи камлик қилади. Масалан, «Бавария»га қарши ўйинни эслайлик. Ўшанда бизга ишонч етишмаганди. - «Арсенал»нинг ЕЧЛда ғолиб чиқишига ишонасизми? - Бунга умид қиламан. Жамоамиз ҳар қандай рақиб билан курашишга қодир. Олдин айтганимдек, шунчаки, омадимиз келмаяпти.

1 2 3 4 5 O'qildi: 658 | Kiritdi: Granit_Xhaka29 | Reyting: 0.0/0

Вarcha fikrlar: 6
Порядок вывода комментариев: По умолчанию Сначала новые Сначала старые 0Спам 6 arsenalmax9045 • 19:38, 20-Dek-16 Ozil qosa unda Kasorlaga ohshidigan sentiri ushab turadigan oyinchi topish kere Jaka mosir 0Спам 5 iwobearsenal • 15:30, 20-Dek-16 Ozil super qosin 0Спам 4 Месут-Озил • 14:40, 20-Dek-16 Nimaga daf bul 0Спам 3 Koselni • 11:58, 20-Dek-16 Özili gaplaridan payqaw qiyin emas o'lganini kunidan yuribdi Arsenalda 0Спам 2 arsenalmax9045 • 11:39, 20-Dek-16 Tezro dab bol Ozil 0Спам 1 FC_Arsenal • 09:28, 20-Dek-16 Granit_Xhaka29 charchamang mexnatlariz taxsinga loyiq