Bosh sahifa » 2017 » Mart » 4 » «Ливерпуль» «Энфилд»да «Арсенал» устидан ишончли ғалабага эришди

---

00:46 «Ливерпуль» «Энфилд»да «Арсенал» устидан ишончли ғалабага эришди

Англия чемпионатининг 27-туридан ўрин олган “Ливерпуль” – “Арсенал” учрашуви ўз ниҳоясига етди. Унда 3:1 ҳисоби қайд этилиб, мерсисайдликларнинг ғалабаси билан якунланди. “Ливерпуль“ одатдагидек мусобақа жадвалининг юқори қисмидаги рақибга қарши кучли ўйин намойиш этди. Илк дақиқаларданоқ мерсисайдликлар Чех дарвозаси олдидан жиддий вазиятлар яратишди. Шундай ҳужумлардан бири, 9-дақиқадаёқ Роберто Фирминонинг голи билан якун топди. Биринчи бўлимнинг охирги беш дақиқасида Садьо Мане “Ливерпуль”нинг ажойиб комбинациясини, Фирминонинг қойилмақон пасидан сўнг, тўпни деярли дарвозабон билан яккама-якка вазиятда қабул қилиб, уни дарвоза тўрига жойлади. Иккинчи бўлимда ўйин анча тенглашди ва “Арсенал“да вазиятлар пайдо бўла бошлади. 57-дақиқага келиб, Данни Уэлбек Санчеснинг пасидан сўнг, Миньоле билан бирга-бир вазиятга чиқди ва бельгиялик посбонни доғда қолдирди – 2:1. Шундай сўнг, “Арсенал“ босимни анча камайтирди ва бу “Ливерпуль“га жуда хуш келди. Клопп шогирдлари сўнгги дақиқаларгача ўйинни ўз назоратлари остида ушлашди ва иккинчи бўлимга қўшиб берилган вақтда Жоржиньо Вейналдум жамоасининг ўта тезкор қарши ҳужумини гол билан якунлаб, ўйинга нуқта қўйди – 3:1. Шу тариқа, “Ливерпуль” “Энфилд”да “Арсенал” устидан ишончли ғалабага эришди. Англия чемпионати, 27-тур Ливерпуль – Арсенал 3:1 (2:0, 1:1) Голлар: 1:0 – 9 Фирмино, 2:0 – 40 Мане, 2:1 – 57 Уэлбек, 3:1 – 90 Вейналдум. Ливерпуль – Миньоле, Клаван, Матип, Клайн, Коутиньо (Ориги, 80), Вейналдум, Фирмино, Лаллана (Лейва, 90), Мане (Александер-Арнолд, 90), Жан, Милнер. Арсенал – Чех, Мустафи, Монреаль, Бельерин, Косьельни, Джака, Коклен (Санчес, 46), Окслейд-Чемберлен, Ивоби, Жиру (Перес, 74), Уэлбек (Уолкотт, 74). Огоҳлантиришлар: Коклен (34), Жан (68), Джака (78). Манба: www.uff.uz

1 2 3 4 5 O'qildi: 470 | Kiritdi: Месут-Озил | Reyting: 0.0/0

Вarcha fikrlar: 0