Bosh sahifa » 2016 » Dekabr » 14 » Куман Венгерга изтеҳзо қилди: «Бизни кечиринг, сизни ҳакам ёрдамида енгдик»

---

18:02 Куман Венгерга изтеҳзо қилди: «Бизни кечиринг, сизни ҳакам ёрдамида енгдик»

«Эвертон» жамоаси бош мураббийи Роналд Куман «Арсенал» устидан қозонилган ғалаба ҳақидаги фикрларини баён этди. У рақиб жамоа бош мураббийи Арсен Венгернинг шикоятига муносабатини билдириб ўтган. «Бошида 20 дақиқа жуда қийналдик. Бу даҳшатли даражада эди. Биз асабийлашган ҳолатда ҳаракат қилиб, ўзимизга ишончсиз эдик. Олдинга силжий олмай қолдик, тўплар ортга қайтаверди. Лекин кўп ўтмай ғалабага бўлган қаттиқ хоҳишимиз ва иродамизни намоён этдик ва камбэк амалга оширдик. Ўйин якунида ажойиб футбол намойиш этдик. Бунда «Гудисон»га йиғилган мухлисларнинг қўллаб-қувватлови катта аҳамиятга эга бўлди. Баъзида нега ўйинни яхши бошлай олмасликни тушуниб бўлмайди. Бу ўзингга бўлган ишонч етарли даражада эмаслиги билан боғлиқ. Лекин ўз футболда характерингни кўрсатишинг талаб қилинади ва биз буни уддаладик. Биз икки ёқлама ўйин кўрсатдик. Биринчи томондаги ўйинимиз фақатгина нафратга сазовор, биз асабий эдик. Лекин бундай ўйинларда ютқазиш мумкин эмас. Венгернинг сўзлари ҳақида сўрайсизми? Биласизми, бу мени ҳайратга солмай қўйган. Мен «Арсенал»ни учинчи марта уй ўйинида енгаяпман, у эса учинчи сафар ҳам ҳакамларни айбламоқда. «Арсенал», бизни кечир, биз ҳакамлар ёрдамида енгдик. Душанба куни «Ливерпуль»га қарши муҳим ўйин кутмоқда, бу бутунлай бошқача ўйин бўлади. Лекин биз бу ўйинга ҳам 3 очкога эга бўлиш мақсадида тушамиз. Биз ўз майдонимиздаги ўйинларда ютқазавермаймиз. Бугунгидек эҳтирос ва иштиёқ билан ўйнашда давом этсак, барчаси яхши бўлади», — дея Куманнинг сўзларини келтирган ВВС.

1 2 3 4 5 O'qildi: 677 | Kiritdi: Granit_Xhaka29 | Reyting: 0.0/0

Вarcha fikrlar: 0