Гранит Жака: «АПЛ футболи мутлақо маъқул» - 8 Августа 2016 - ARSAMAN.UZ | Arsenal Fan-klubi sayti

Sayt xaritasi

Anons

07-May-17	APL
Arsenal 2:0 Manchester Yunayted

10-May-17	APL
Sautgempton 0:2 Arsenal

13-May-17	APL
Stok Siti 1:4 Arsenal

16-May-17	APL
Arsenal 2:0 Sanderlend

21-May-17	APL
Arsenal 3:1 Everton

27-May-17	FA CUP
Arsenal 2:1 Chelse

Mini CHAT

So'rovnoma

Statistika

Saytda: 51

Mehmonlar: 51

Fanatlar: 0

Hamkorlar

Ijtimoiy tarmoqlar

Vkontakte

Twitter

Твиты от https://twitter.com/arsaman_uz/lists/arsenal

Bosh sahifa » » Гранит Жака: «АПЛ футболи мутлақо маъқул»

20:17 Гранит Жака: «АПЛ футболи мутлақо маъқул»
«Арсенал» фанатлари 25 май санаси хурсандчилик қилиш учун алоҳида баҳона топишди - клуб раҳбарияти шу куни Гранит Жака трансфери бўйича келушувга эришилганини эълон қилди. Ҳа, «канонирлар» бу масалада анча оператив иш олиб боришди. Мухлисларнинг ушбу хариддан ниҳоятда мамнун эканликлари бежиз эмас, албатта. Зеро, 23 ёшли Жака ҳозирдан етакчилик хусусиятларини баралла намойиш этяпти ва ҳақли равишда ўз позицияси бўйича Европадаги энг салоҳияти баланд иқтидорлардан бири саналмоқда. «Гранит - ажойиб ёш футболчи. ЧЛ ва бундеслигада ўйнаш тажрибасининг ўзи кўп нарсадан далолат, - деди Арсен Венгер трансфер расмийлаштирилишидан олдин. - Биз Жакани етарлича кузатдик ва ўз билимимга таяниб айта оламанки, у жамоамиз ўйинини кучайтиришга қодир». Хўш, швейцариялик футболчини янги жамоада қандай қабул қилишди? Унинг илк таассуротлари ижобийми? Клубнинг расмий сайти Гранитни суҳбатга чорлаб, аввало, шу масалалар билан қизиқди. - Гранит, «Арсенал»га хуш келибсиз. Илк таассуротлар қандай? - Бу ерда эканлигимдан бағоят бахтиёрман. Айтишим мумкинки, шу трансфер орқали орзум амалга ошди. - Дарҳақиқат, аввалдан айнан Англияда ўйнашни исташингизни айтгансиз. Ўзи сизда салоҳиятингизни шу ерда синаб кўриш хоҳиши қачон туғилган? - Болалигимда биринчи марта футбол томоша қилганим ҳамон ёдимда - бу премьер-лига доирасидаги ўйин эди. Шу-шу Англияда тўп суришни орзу қила бошлаганман. Мана, ҳозир АПЛдаман ва ўз тақдиримдан ниҳоят хурсандман. - Қизиқ, «Арсенал»да сизга энг маъқул тушгани нима? - Бу ерда барчаси ёқяпти. Асосийси, премьер-лигада қўлланиладиган футбол усули, айниқса, фаоллик ва ҳаракатчанлик маъқул. Хусусан, «Арсенал»нинг ўйин услубини мақташим мумкин. «Канонирлар»нинг ўзига хос футболга таянишлари кўпчиликка маълум. Бу услуб бошқа мамлакатлардагидан кескин фарқланади. Муҳими, томошабопликка катта урғу берилади. - Ҳаракат ва фаоллик хусусида гапирдингиз. Премьер-лигадаги ҳар бир ўйин тўхтовсиз кураш эканлигини ҳам унутмаслик керак... - Ҳа, бу лига чинакам кураш майдони. Шу ҳолат ҳам футболчини юқори даражада руҳлантиради. Лекин қайтараман, «Арсенал» шунинг баробарида чиройли футболни ўз ўрнига қўядиган жамоа. - Премьер-лига ва бундеслига ўртасида ўхшаш томонлари кўпми? - Йўқ, ўхшашлик даражаси анча паст. Дейлик, Германияда сал тажовузкорроқ ҳаракатлансанг, ҳакам дарров ҳуштак чалиб, қоида бузилганини кўрсатади. Англиядаги ёндашув эса мутлақо бошқача ва бу мен учун айни муддао. - Хўш, ўз ўйин услубингизни қандай тавсифлаб берасиз? - Асосийси - футбол жону-дилим. Табиатан тажовузкорроқ футболчиман, шунинг баробарида етакчилик қилишни хуш кўраман. Ҳозир атиги 23 ёшдаман, лекин Германияда яхшигина жамоага сардорлик қилишга улгурдим. - Оттмар Хитцфельд сизни Бастиан Швайнштайгернинг ёшлигига қиёслаганди... - Агар Оттмар Хитцфельд шундай деган бўлса, бу катта мақтов. Умуман, у ажойиб мураббий ва чинакам олижаноб инсондир. Швайнштайгернинг ёшлик даврига нечоғли ўхшашимни эса билмайман. Мен бошқа футболчиман - Гранит Жака. - Айтингчи, «Боруссия»да сардорлик вазифаси етакчилик хусусиятларини кучайтиришингизга қандай ёрдам берди? - Болалигимда ота-онам уй калитини доимо менга бериб кетишарди, ваҳоланки, акам ҳам бор эди. Етакчиликка интилиш ўша муносабат ўлароқ, шаклланган бўлса, ажабмас. Табиийки, «Боруссия» сардорлик боғичи ҳам ўз кучимга ишонч ҳиссини анча оширди. - «Арсенал» ўтган мавсум финишга иккинчи ўринда етиб келди. Жамоа буюк ғалабалар остонасида турганини ҳис қиляпсизми? - Албатта. Олдинлари ҳам ҳар дам олиш кунлари жамоа ўйинларини кузатардим. Хуллас, катта клуб сафига қўшилганимни яхши тушунаман. Ҳа, «Арсенал» аввалги мавсумда иккинчи ўринни эгаллади, муҳими, бутун чемпионат давомида жонли футбол намойиш қилди. - Навбатдаги мавсумда биринчи бўлиш вазифаси уддасидан чиқармикинсизлар? - Шундан умидворман! - Гранит, «Боруссия»да сиз билан бирга ўйнаган Хавард Нордвейт «Арсенал»да ҳам фаолият юритган. У билан янги клубингиз ҳақида гаплашдингизми? - Ҳа. У «Арсенал»нинг клубдан кўра, аҳил оилага кўпроқ ўхшашини алоҳида таъкидлади. Хуллас, якуний қарор қабул қилишимда Нордвейтнинг гаплари ҳам муҳим роль ўйнади. - Йоан Журу ва Филипп Сендерос - булар «Арсенал»да ўйнаган швейцарияликлар... - Филипп билан терма жамоада бирга ўйнаганмиз. Ундан ҳам, Йоандан ҳам «Арсенал» ҳақида кўп яхши гапларни эшитдим. - Мисол учун. - Ҳар иккиси аввало, «Арсенал»нинг катта клуб эканлигини айтди. Бу қандайдир кичик жамоа эмас, балки катта оилани эслатувчи йирик клуб. Умумий ҳолат мен учун жуда яхши. Зеро, ўз оиламни қаттиқ севаман ва яна бир аҳил давранинг зарари йўқ. - «Арсенал» ярим ҳимоясида «Базел»нинг икки собиқ футболчиси ўйнаши мумкин - сиз ва Муҳаммад ал Нени. Уни яхши билсангиз керак... - Бу футболчининг исм-шарифи менга таниш, бироқ у «Базель» сафига мен Менхенгладбахга кўчиб ўтганимдан сўнг қўшилган. Акам эса Муҳаммад билан бирга ўйнаган ва «Арсенал»га келишимдан олдин у ҳақда илиқ гаплар эшитганман. - Умуман, премьер-лигада швейцарияликлар кўп - Инлер, Бехрами, Шакири... Демакки, Швейцария футболи кўтарилиш даврида. - Ҳа, мамлакатимизда ёш ва истеъдодли йигитлар етарли ва уларнинг кўплари Англияга талпинишмоқда. Бу Швейцария футболи учун катта плюс. - Энди футболга боғлиқ илк хотираларингиз билан ўртоқлашсангиз. - Табиийки, футболчи бўлиш мен учун олий орзу эди. Мақсад йўлида ҳар куни кичик бир жамоада терга ботиб ишлаганман. Мана, меҳнатларим самараси ўлароқ, «Арсенал» аъзосига айландим. Бошқа яна нимадир дейишим қийин, ахир орзум рўёбга чиқди. - Ёшлигингизда қайси футболчиларга ҳавас билан боққансиз? Яъни кимга кумир сифатида қарагансиз? - Ўйлашимча, Зиданга. У мукаммал футболчи эди. Яна Патрик Виейрани тилга олишим мумкин. У ҳам афсона ва идеал ўйинчи. - Зидан ва Виейранинг қайси хусусиятларини алоҳида ўргангансиз? - Иккиси ҳам барқарор тарзда ўта сифатли футбол кўрсатарди. Эҳтимол, Виейра ўта тажовузкорлиги билан ажралиб тургандир, бирор жуда яхши ижрочи эди, барибир. Зидан эса майдонда чинакам жентльмен бўлган. - Фаолиятингиздаги қайси лаҳзани энг яхшиси, деб биласиз? - Менимча, Базелда «Манчестер Юнайтед»га қарши кечган ўйинимизни айтсам бўлади. Манчестерда 3:3 ҳисобини қайд этгандик ва уйда 2:1 кўринишида ғалаба қозониб, «МЮ»ни турнирдан чиқариб юборганмиз. Тўғри, бу ягона ёрқин хотира эмас. Дейлик, Бразилия мундиалидаги иштирокимиз ҳам унутилмас воқеадир. Ахир бу шахсан мен учун илк ЖЧ эди. - «МЮ»га қарши ўша ўйиндан сўнг нималарни ҳис қилгандингиз? - Барчаси қойилмақом бўлганди. «Базель» грандларга нисбатан олганда, анча камтарин клуб ва «Юнайтед»дек рақибни мағлуб этиш шунчаки, ажойиб ҳиссиётларни тақдим этганди. - Ўз ҳақингизда мухлислар билмайдиган ниманидир айтиб бера оласизми? - Анча ёш бўлсамда, оилали йигитман. Хуллас, кўнгилхушликка мойил кишилар тоифасидан эмасман. Зеро, битта оила бошлиғиман. Яқинларимни ҳаддан зиёд яхши кўраман. Энг яқин дўстим сифатида эса акамни айтаман. - Футболни ҳисобга олмаганда, яна қайси соҳада яхшисиз? - Дейлик, пинг-понг (стол тенниси) устасиман. Очиғи, Германияда менга муносиб рақиб йўқ эди, балки «Арсенал»да топилиб қолар... - Болалик йиллари асосан нима билан шуғуллангансиз? - Акам билан фақат футбол ўйнардим. Тан оламан, у мендан кучлироқ эди. Бироқ ўйлайманки, ҳозир ундан яхшироқ ўйнайман. - «Канонирлар» билан стол теннисида баҳслашишга тайёрмисиз? - Менга рақиб топилса, бас.
1 2 3 4 5 O'qildi: 800 \| Kiritdi: ARSAMAN \| Reyting: 0.0/0

Вarcha fikrlar: 5
Порядок вывода комментариев: 0Спам 5 Padishakh_Arsenal • 23:26, 09-Avg-16 Qogan Futboll chilaga o'xshab puli hisob kitob qimadin Arsenalga o'taman didin o'tdin Mujik shunaqa boladi bitta gapli boladi Omad Sanga Jaka 0Спам 4 Padishakh_Arsenal • 23:24, 09-Avg-16 Omadini bersin Granit 0 3 azikooo21 • 22:37, 08-Avg-16 malades manam hudo hohlasa yaqin yillar ichida ukamdan shunaqa intervyu oqiman dib umit qilaman inshallox jakagayam omat intervyuga gap yo 0Спам 2 Arslantica01 • 22:17, 08-Avg-16 Mujik gap yo o'yininggayam o'zinggayam. 0Спам 1 Emirater • 20:31, 08-Avg-16 intervyuga gap yoq