Bosh sahifa » 2017 » Fevral » 6 » Диего Форлан: Арсен Венгер кетмас экан, «Арсенал» совринга даъво қила олмайди

---

23:16 Диего Форлан: Арсен Венгер кетмас экан, «Арсенал» совринга даъво қила олмайди

Уругвай терма жамоаси собиқ ҳужумчиси Диего Форлан "Арсенал" ва унинг бош мураббийи Арсен Венгер ҳақида фикр билдирди. "Мен "Арсенал" мухлисларининг аламини тушунаман. Улар 2004 йилдан буён чемпион бўла олмаяптилар. "Арсенал" улкан клуб, бу жамоа ҳар ҳафта Лондондаги ажойиб стадионда, 60 минг мухлис қаршисида ўйнайди. "Арсенал" улкан тарихга эга, мен Англияда ўйнаган вақтларда чемпионатнинг энг яхши клуби эди. Ҳатто "Манчестер Юнайтед"нинг баъзи футболчилари "Арсенал" кучлироқ эканини тан олардилар. "МЮ" "Арсенал"га қарши кечадиган ўйинларда эхтиёткорлик билан, ҳимоядан ўйнашга мажбур эди. Бундай жамоалар эса кўп эмас. Аммо орадан кўп вақт ўтди, Венгер эса ҳамон бош мураббий бўлиб турибди. Тарих уни буюк мураббий сифатида эслаб қолади. Венгер ажойиб мураббий, мен унинг "Арсенал"да узоқ вақт ишлаганидан ҳайратдаман. Аммо клубнинг ишлари барибир у қадар яхши эмаслиги ҳам ҳақиқат. Токи Венгер кетмас экан, "Арсенал" жиддий совринга даъво қила олмайди. Клубда энг аввало менталитет ўзгариши лозим ва барчасини мураббийдан бошлаш керак", - дейди Форлан. Манба: www.championat.com

1 2 3 4 5 O'qildi: 587 | Kiritdi: Месут-Озил | Reyting: 0.0/0

Вarcha fikrlar: 0