Mana bugun biz sevib tomosha qiladigan Angliya Premier Ligasi yakuniga yetdi. Kuchli 4 likni Chelsi, Man Siti, Arsenal va Man Yu klublari band qilishdi. 

Umuman olganda bu mavsum avvalgilaridan ajralib turdi. Yangi kashfiyotlar, tezkor futbol, chiroyli gollar va albatta jiddiy raqobat bilan. Bu mavsum ayniqsa Kanonirlar uchun o'zgacha bo'ldi. Chunki Arsenal o'z an'anasidan voz kechdi, ya'ni yetakchilarni klubda saqlab qoldi. Aksincha yetakchi futbolchilarni sotib oldi. Bu esa o'z mevasini bermay qo'ymadi.

Chempionat davomida eng chiroyli va inglizcha futbolnamoyish etgan klub, bu Arsenal desak hechkim shubha qilmasa kerak. To'g'ri Arsenal chempion bo'lmadi, lekin o'zlarining betakror o'yinlari bilan ko'plab muhlislar orttirishdi va Angliyada tengsiz ekanliklarini isbotlashdi. Angliya azaldan chiroyli futboli bilan qadrlangan. Aynan shu futbolni Arsenal to'lig'icha namoyish eta oldi. 

Bu mavsum Arsenal uchun olg'a tashlangan qadam bo'ldi deyishimiz mumkin. Chunki klub bu mavsumda tarkibni ancha kuchaytirib oldi. Keyingi mavsumda biz bemalol chempionlik uchun kurasha olamiz. Men o'ylaymanki Arsenal keyingi mavsumda bundanda chiroyli, bundanda kuchli va bundanda tezkor o'yin namoyish etadi. 

Keyingi mavsumda biz chempion bo'lib boshimizni baland ko'tarib yurishimizga men aslo shubha qilmayman. Barchasi uchun RAXMAT senga ARSENAL. Chiroyli o'yinlaring, tezkor hujumlaring, chiroyli gollaring va irodali g'alabalaring uchun. Mag'lubiyat-u galabangda doimo biz sen bilanmiz. Biz shunday klub fanatlari ekanimizdan FAXRLANAMIZ !!!