Ўзбекистон U-23 ҳимоячиси
Максимилиан Фомин кеча Ироққа
қарши ўйиндаги мағлубиятдан
кейин Фейсбукдаги ўз саҳифасида
мухлисларга нисбатан ҳақорат
сўзлар ишлатилган мурожаатни
қолдирди.

Мурожаатда Фомин қуйидагича
ёзади:

“Биз қанчалик ёмон футболчилар
эканлигимиз ҳақида комментларда
ёзаётганлар ва постлар
қолдираётганлар, чакагангизни
ёпинг! Сиз ўзи кимсизлар? Ҳаётда
ҳеч нарсага эришолмаган, ҳеч
нарсани кўрмаганларсиз.
Қиладиган ишингиз мониторнинг у
тарафида ўтириб, бировларнинг
устидан мағзава ағдаришдан
иборат.
Ҳақиқий мухлис биринчи имконият
пайдо бўлиши билан жамоасига
лой чаплайдиганлар эмас,
мағлубиятда ҳам, ғалабада ҳам
охиригача жамоани қўллаб-
қувватлаб, футболчилар билан
бирга бўладиганлардир. Сиз эса
ўзингизни аблаҳлардек
тутяпсизлар! Футболни озгина
тушунганларингизда эди, унинг
оддий ўйин эканини, бу ўйинда
ҳар доим ҳам ўйлаган нарсангиз
амалга ошавермаслигини билган
бўлардингиз. Шу сабабли бирор
нарса ёзишдан олдин каллангиз
билан ўйлаб кўринг. Одамийликни
сақлаб қолинг!”
Максимилиан Фомин Фейсбукдаги
саҳифасига машҳур украиналик
мураббий Валерий
Лобановскийнинг суратини
жойлаб, мутахассиснинг қуйидаги
фикрларидан иқтибос келтириб
ўтгани ҳам эътиборга молик:
“Футбол учрашуви ҳақида фақат
профессионаллар таҳлил
қилишлари ва ўйинга баҳо
беришлари мумкин. Яна бир бор
қайтараман, фақат
профессионаллар ўйинга баҳо
беришлари мумкин, ҳаваскорлар
эмас... ”