Бугун Англия Премер лигасининг 6-турига "старт" берилади. Бу турда мухлисларни бир-биридан қизиқарли ўйинлар кутиб турипти. Шулардан бири " Эмиратес "да ўтказиладиган Арсенал ва Тоттенҳем ўйинидир. Бу жамоалар шу вақтга қадар ҳамма турнирларда 154 та ўйин ўтказишган. Шулардан 64 тасида Арсенал, 49 тасида Тоттенҳем ғалаба қозонган бўлса, 41 та ўйинда томон муроса кўчасини танлашган. Бу икки жамоанинг ўзаро биринчи норасмий учрашувлари 1887-йилда бўлган, ўшанда "Шпорлар" кичик хисобда ғалаба қозонишган. Бу иккала жамоанинг биринчи расмий учрашувларида Арсенал ғалабани қўлга киритган. Бу ўйинда кўпчилик Арсенални ғалабасини тахмин қилмоқда. Биринчидан Арсенал ўз майдонида ўйнаса, иккинчидан Тоттенҳем бу йилги мавсумни жуда ҳам ёмон бошлади. Тоттенҳем жамоаси мавсумни сўнгги 20 йил давомида бундай натижалар билан бошламаган экан. Бугунги "шимолий" Лондон дербисини Майкл Оливер бошқариб боради. Иккала жамоа ҳам сўнгги ўйинни Англия Лига кубиги доирасида ўтказишди. Деярли ёшлар билан ҳаракат қилган Арсенал ўз майдонида Саутгемптонга мағлуб бўлган бўлса, Тоттенҳем ўз майдонида Ноттенгем Форест жамоасини 3-1 хисобида ютиб Англия лига Кубигининг кейинги босқичига йўл олди. Англия премер лигасида эса иккала жамоанинг ўйинлари Астон вилла 0-3 Арсенал, Тоттенҳем 0-1 Вест Бромвич. Мавсум бошидан бери танқидларга учраб келаётган Месут Ўзил Астон Виллага қарши ўзининг энг яхши ўйинларидан бирини ўтказди. Бугунги ўйинда ҳам у ўзини яхши томондан кўрсатиб мухлисар олдидаги мавқеини яна тиклаб олиши мумкин. Арсеналдан Кирон Гиббс, Пер Мертасакер ва Фламинилар жароҳатларидан қутилишган. Дебюши, Уолкотт, Монреал, Гнабри ва Жиру ҳамон даволанишмоқда. Тоттенҳемда жароҳат олган футболчилар деярли йўқ. Тоттенҳемдан фақатгина Кайл Уокер майдонга туша олмаслиги мумкин.