Bosh sahifa » 2016 » Dekabr » 17 » «Арсенал»нинг қўрқинчли ҳафтаси

---

17:57 «Арсенал»нинг қўрқинчли ҳафтаси

Душанба: чемпионлар лигаси 1/8 финалига қуръа ташланди ва лондонликлар «Бавария»га қарши ўйнайдиган бўлишди. Сешанба: эҳтиросларга бой ўйинда «Эвертон»га ютқазишди. Чоршанба: «канонирлар»нинг барча рақобатчилари ғалабага эришишди. Бу ҳаммаси эмас, Арсен Венгер шогирдлари якшанба куни Пеп Гвардиола бошчилигидаги «Манчестер Сити»га қарши майдонга тушишади. Тарихга назар солсак, мазкур икки мутахассислар қарама-қаршилигида Венгернинг имконияти пастроқ: Гвардиола «Барселона» ва «Бавария» билан уч маротаба «Арсенал»ни турнирдан чиқариб юборган. Бир йил олдин эса гуруҳ босқичида, мюнхенликлар ва лондонликлар ўз майдонларида бир-бирларини мағлуб этишган (Мюнхенда – 5:1, Лондонда – 2:0). Қуръа натижаларидан сўнг Арсен Венгер Библияни ёдга олиб қуйидаги гапларни айтиб ўтганди: «Биз кетма-кет олти марта 1/8 финал босқичида турнирдан чиқиб кетдик, аммо яратган дунёни 7 кунда барпо қилган. Айтмоқчиманки, еттинчи уриниш бизники бўлади». «Манчестер Сити»га қарши баҳс ҳафтанинг еттинчи кунига тўғри келади. Балки бу белгидир...

1 2 3 4 5 O'qildi: 706 | Kiritdi: Arsenal49 | Reyting: 0.0/0

Вarcha fikrlar: 0