5.  Микел Артета 

 
2011 йили “Арсенал” “Эвертон”дан Испаниялик марказий ярим ҳимоячини 10 млн.  евро эвазига сотиб олди.  Микел Лондонликларнинг ўйин услубига тезда мослашиб кетди У дастлабки 3 мавсумда жамоанинг асосий футболчиларидан бири бўлди.  Бироқ ўтган мавсумда Артетага жароҳатлар панд берди ва кўпинча у майдондан ташқарида юрди.  Артета ҳозирга қадар Венгер қўл остида 141 учрашувда 16 гол уриб 8 та голли узатмани амалга оширди.  Жамоа билан бига эса 2 мартадан Англия кубоги ва суперкубогида зафар қучди.  

4.  Мануэль Алмуня 

 
Алмунянинг “Арсенал”даги фаолияти 2004-2011 йилларда кечди.  У бу давр оралиғида “канонирлар” сафида 175 та учрашувда иштирок этиб,  бир марта Англия кубогида зафар қучди ва бир бора Чемпионлар лигасининг кумуш медалларини қўлга киритди.  Мануел 2008-2010 йилларда Лондонликларнинг асосий дарвозабони бўлган. 

3.  Хосе Антонио Рейес 

 
Рейес “Арсенал”да 2003-2006 йилларда Анри билан ажойиб ҳужум тандемини яратган эди.  Ҳужумкор ярим ҳимоячи Лондонликлар сафида 110 ўйинда рақиблар посбонларини 23 марта ранжитган.  У “канонирлар” билан бир мартадан чемпионат,  кубок ва суперкубок ғолиби бўлган.  Рейес 2006-йили “Арсенал”ни тарк этиб,  Мадриднинг “Реал” жамоасига йўл олди. 

2. Санти Касорла 

 
2012-йили “Арсенал” “Малага”дан 28 ёшли иқтидорли ярим ҳимоячини сотиб олди.  Санти клуб таркибидаги дебют мавсумидаёқ Премьер лигада ўз ҳисобига 12 та гол ёзидириб қўйиб,  жамоанинг энг омадли трансферларидан бирига айланди.  Касорла ҳозирга қадар “канонирлар” учун 159 ўйинда иштирок этиб 27 гол киритган.  У ҳам Артета сингари икки мартадан кубок ва суперкубок ғолиблиги бўлди. 

1. Франсеск Фабрегас 

 
2003-йили Лондонликлар “Барселона”нинг 17 ёшли тарбияланувчисини қўлга киритишди.  Фабрегас Венгер қўл остида тўп сурган энг яхши ярим ҳимоячилардан бири бўлди.  У 2003-2011 йиллар оралиғида Лондонликлар таркибида 303 та учрашувда 57 та голга муаллифлик қилди.  Афсуски у қўлга киритган совринлари борасида мақтана олмайди.  Сеск фақатгина бир мартадан кубок ва суперкубок соҳиби бўлди.  Шундан сўнг ярим ҳимоячи 2011-йилда “Барселона”га қайтди.