Bosh sahifa » 2014 » Noyabr » 22 » “Арсенал” – “МЮ” ёхуд “жароҳатлар оламига” хуш келибсиз.

---

13:25 “Арсенал” – “МЮ” ёхуд “жароҳатлар оламига” хуш келибсиз.

Англия Премьер-лигаси. 12-тур “Арсенал” – “Манчестер Юнайтед” Бошланиш вақти: 22:30 (Тошкент вақти) Майдон: “Эмирейтс” Бош ҳакам: Майк Дин Бугун Англия чемпионати марказий учрашувида “Арсенал” футболчилари ўз майдонида “Манчестер Юнайтед”ни қабул қилишади. Мазкур учрашувнинг қизиқарли томони шундаки, ҳар иккала жамоа мавқеига яраша ўйин намойиш қилмаяпти. Ундан ташқари, ҳар иккала клуб сафида бир қатор асосий таркиб ўйинчилари жароҳати туфайли ўйинни ўтказиб юборишади. Хўш, қийин аҳволда қолган мураббийлар бугун қандай йўл тутишади? Келинг, аввал клубларнинг турнир жадвалидаги ҳолатига эътибор қаратсак. “Арсенал” 11 тур давомида 17 очко тўплаб, ҳозирча 6-ўринни эгаллаб турибди. Клуб лазаретида анчадан буён жой эгаллаб турган Диаби ҳамда Оливье Жирунинг асосий таркибда йўқлиги “тўпчиларнинг” барқарор ўйин кўрсатишига имконият бермаяпти. “Арсенал” мухлисларининг бахтига Жиру бугун майдонга қайтиши кутилмоқда. Бироқ, “ярадорлар” сафида “Арсенал”нинг янги хариди Месут Ўзил ҳам бор. Умуман олганда, Арсен Венгер шогирдлари жароҳат олиш бўйича Премьер-лигада доим биринчи ўринни эгаллаб келган. “Манчестер Юнайтед”нинг аҳволига ҳам ҳавас қилиб бўлмайди. Луи ван Гал муваффақиятига улкан умид боғлаган мухлислар очиғи, голландиялик мутахассисдан бутунлай бошқа натижа кутишган бўлса ажаб эмас. “Қизил иблислар” 11-турдан сўнг 16 очко билан “Арсенал”ни таъқиб қилиб келмоқда. “Ўлган устига тепган” деганларидек, ҳимоядаги муаммоларни ҳал қилиб улгурмаган ван Гал “Ман Сити”га қарши ўйинда, аввал Маркос Роходан, сўнгра Евро-2016 турнирига саралаш баҳсида ватандоши Дэйли Блинддан “айрилди”. Устига-утсак, ўртоқлик учрашувида жамоа етакчисига айланиб улгурган Анхель Ди Мария ҳам енгил бўлса-да, жароҳат олди. Қилар ишни қилиб қўйган Херардо Мартино ҳам ўзини айбдор ҳис қилган шекилли, “Ди Марияга ҳеч нима қилмаган” дея, барчани ишонтиришга ҳаракат қилди. Умид қиламизки, аргентиналик ярим ҳимоячи бугун майдонда ҳаракат қила олади. “МЮ”нинг яна би умидли ўйинчиси Радамель Фалькао ҳам марказий учрашувга тайёр эмас. Қисқа қилиб айтганда, “МЮ”ни янги харидлари муҳим учрашувни ўтказиб юборишади (Ди Мариянинг майдонга тушиш-тушмаслиги ҳозирча номаълум) Ўйин олдидан йўқотишлар: “Арсенал” сафида Диаби, Дебюши, Гнабри, Месут Ўзил, Лоран Косьельни ҳамда Оспина ўйинда иштирок эта олишмайди. Маркос Рохо, Рафаэль, Радамель Фалькао, Фил Жонс, Эшли Янг, Даррен Флетчер ҳамда Дэйли Блинд бугун “Манчестер Юнайтед” шарафини ҳимоя қила олишмайди. Анхель Ди Мариянинг майдонга тушиши ҳамон сўроқ остида турибди. Жамоалар ўртасида қайд этилган 5 учрашув натижалари: 22.01.2012. “Арсенал” – “МЮ” – 1:2 03.11.2012. “МЮ” – “Арсенал” – 2:1 28.04.2013. “Арсенал” – “МЮ” – 1:1 10.11.2013. “МЮ” – “Арсенал” – 1:0 12.02.2014. “Арсенал” – “МЮ” – 0:0 Юқорида келтирилган барча учрашувлар Англия Премьер-лигаси доирасида ўтказилган. Бугунги кунга қадар, ушбу жамоалар барча турнирларни ҳисобга олганда жами 218 маротаба юзма-юз келишган. 92 учрашувда “МЮ”, 78 тасида “Арсенал” ғалаба қозонган. 48 та ўйинда эса жамоалар ғолиб номини аниқлай олишмаган. Қизиқарли фактлар: Дэнни Уэлбек фаолияти давомида биринчи бор “МЮ”га қарши майдонга тушади; Аарон Рэмзи бугун “Арсенал” сафида 200-ўйинини ўтказади; “МЮ” аъзолари Маруан Феллайни (27 ёш) ҳамда Крис Смоллинг (25 ёш) бугун яна бир ёшга улғайишди; Ван Перси “Арсенал”га қарши сўнгги тўрт учрашувда 3 маротаба собиқ жамоасини ранжитган; Уэйн Руни бугун гол киритса “Арсенал” даврозасига энг кўп гол киритган футболчига айланади; Жамоалар ўртасида қайд этилган энг йирик ҳисоб: “МЮ” – “Арсенал” 8:2. Таҳминий таркиблар “Арсенал”: Шчесни – Чемберс, Мертесакер, Монреаль, Гиббс – Артета, Уилшер, Рэмзи, Касорла – Санчес, Уэлбек “Манчестер Юнайтед”: Де Хеа – Блэккет, Смоллинг, Макнейр, Шоу – Кэррик, Феллайни, Янузай, Мата – Руни, ван Перси Мазкур учрашув бугун, Тошкент вақти билан 22:30да бошланади.

1 2 3 4 5 O'qildi: 1001 | Kiritdi: ARSENCHIK | Reyting: 0.0/0

Вarcha fikrlar: 2
Порядок вывода комментариев: По умолчанию Сначала новые Сначала старые 0Спам 2 ARSENCHIK • 17:54, 22-Noy-14 yutamiz 0 1 ЛУЧШИЙ-КАНОНИР • 15:21, 22-Noy-14 Ютса булади бизда кучли таркиб бор