“Арсенал” бош мураббийи Арсен Венгер Англия чемпионатининг 19- туридан жой олган “Вест Хэм”га (2:1) қарши ўйинда ҳисоб 0:0 бўлган вақтда рақиб ўйинчиси урган гол нима сабабдан инобатга олинмаганига хайрон қолганини билдирди. Француз мутахассисининг сўзларига қараганда, ўйиннинг охирги ярим соати қийин кечган. – Биз ақл билан ўйнадик, майдонда жамоавий руҳиятни ташкил этдик, – деб “СЭ” BBC нашрига таяниб Венгер сўзларидан келтиради. – Шесни бир неча яхши сэйвлар қилди. “Иккинчи қаватда” яхши ўйнаш кераклигини билардик. Нима сабабдан Алекс Сонгнинг бизга урган голини ҳисоблашмаганини билмайман. Биз иккинчи голни яхши урдик, орадаги фарқни оширишга имкониятлар бўлди. Аммо уришнинг иложи бўлмади, 2:1 ҳисоб кетаётганида охирги ярим соат қийин кечди.