Bosh sahifa » 2017 » Mart » 12 » Арсен Венгер: “Гап-сўзларга эътибор қилмасдан майдонда ўзимизни кўрсатишимиз лозим”

---

12:56 Арсен Венгер: “Гап-сўзларга эътибор қилмасдан майдонда ўзимизни кўрсатишимиз лозим”

“Арсенал” устози Арсен Венгер жамоасининг Англия кубоги чорак финалида “Линкольн Сити” устидан (5:0) қозонилган ғалабадан кейин ўйин ҳақидаги фикрлари билан ўртоқлашди. “Биз яқиндагина мухлисларимизни қаттиқ ранжитдик. Шу сабаб яна “Уэмбли”га бориб, ғалаба қозониш ниятидамиз. Чемпионлар лигасидаги мағлубиятдан кейин руҳий томонлама ўзимизга келиб олишимиз осон эмасди. Келинг мен ҳақимда гаплашмайлик, чунки охирги кунларда бу ҳақда кўп гапирилди. Мен бутун умрим мобайнида ушбу клубга боримни бериб ишлаб келдим. Бу қанча вақт давом этади? Ҳозирча буни билмайман. Жамоамга борлиғимни бахш этганман. Мен ўз ишимга эътиборлиман ва бошқаларга ишимни баҳолашга имкон бераман. Дам олиш ҳақида кўп ўйламайман, чунки бир ўйин тугаши билан хаёлим кейинги учрашувда бўлади. Бизни хавотирга солган жиҳат шундаки, бугунги рақибимиз “Бернли”, “Ипсвич” ва “Брайтон” сингари жамоаларни кубок баҳсларидан чиқариб юборишга эришганди. Шу сабаб уларга ҳурмат билан қараш лозим эди. Иккинчи бўлимда ташаббус тўлиқ биз томонда бўлди. Аммо рақибни кубок баҳсларининг ушбу босқичига етиб келганига юқори баҳо бериш лозим. Бизга охирги учрашувдаги натижадан кейин бироз ишонч етишмади. Жамоа ўз кучига ишона бошлагач, ўйин сифати ҳам ўсди. Одамлар гапиради, гапираверади. Бу улар ҳақиқатни гапиради, дегани эмас. Биз бунга кўникишимиз ва майдонга чиқиб, ўз ишимизни қилишимиз лозим. Майлига инсонлар бизни муҳокама қилишсин, биз эса яшил майдонда ўз “юзимиз”ни намойиш этайлик. “Линкольн Сити” - жуда уюшқоқ жамоа. Улар нима қилиш лозимлигини жуда яхши тушуниб туришганди. Ўйиндан кейин мураббийнинг футболчиларга бўлган муносабатини шунчаки олқишлаш лозим. У жуда яхши ишламоқда. Қачонки бизда муаммолар юзага чиқа бошласа, мен уларни бартараф этиш устида бош қотираман. Мен хар доим курашга чанқоқман ва муаммоларни ҳал қилишга уринаман”, дейди Венгер.

1 2 3 4 5 O'qildi: 511 | Kiritdi: Месут-Озил | Reyting: 0.0/0

Вarcha fikrlar: 2
Порядок вывода комментариев: По умолчанию Сначала новые Сначала старые 0Спам 2 walcott • 17:45, 12-Mar-17 Нима эмиш, качонки бизда муаммолар юзага келса эмиш. шунча муаммо кузинга куринмаяптими 0Спам 1 arsenalmax9045 • 15:19, 12-Mar-17 Malades Venger hech bolmasa shu kubikni bizga olib ber