“Арсенал” бош мураббийи Арсен Венгер Чемпионлар Лигаси гуруҳ босқичи 1-турида Дортмунднинг “Боруссия” клубидан қабул қилинган мағлубиятни (0:2) изоҳлаб ўтди.

“Оқшом биз учун оғир зтди, лекин “Боруссия”ни табриклашим мумкин, чунки жамоа жуда яхши ўйнади. Мен биз кўрсатган ўйиндан норозиман. Бизда ҳисобни очиш учун иккита яхши вазият бўлди, бироқ кейин қарши ҳужумларда ҳаракат қилишга ўтдик.

Биз тўпни ўз дарвозамиздан 80 метр узоқликда йўқотдик, ҳимояда ҳужумнинг бир вакилига қарши учта ҳимоячимиз бор эди. Бу вазиятда барибир қандай қилиб гол ўтказиб юборганимизни тушуниб бўлмаяпти.

Бугун дортмундликлар майдон марказида кучли ўйин намойиш қилишди. Биздан яхши ўйнашди. Биз жамоа сифатида улар савиясига мос эмасдик”, – дейди Венгер.

Манба: www.sports.ru, arena.uz