Англия премьер лигасининг 8-тури бу сафар ғаройиботу ажойиботларга тўла бўлди. Масалан, “Саутгемтон”ни олайлик.

Манаман деган рақибларга ҳам жиддий қаршилик кўрсатадиган “Сандерленд” клубини, қўпол қилиб айтганда, ер битта қилиб юборди, мураббий эса бу натижадан қониқмаганини таъкидлаб турибди. Ёки “Манчестер Сити” жамоасининг ажойиб ҳужумчиси Серхио Агуэронинг покери ҳақида гаплашамизми?

Э, бугун ҳаммаси ҳақида гурунглашамиз. Қани, кетдик!

Тур ўйини: Агуэро – “Тоттенхем” 4:1

8-турнинг марказий учрашувларидан бири, албатта, Манчестер шаҳрида бўлиб ўтди. Унда “шаҳарликлар” “тақачилар”ни қабул қилди ва йирик ҳисобда ғалаба қозонди. Энг қизиғи, Агуэро аталмиш ўзга сайёралик футболчи покерга эришди (флешга озгина қолди). Ундан ҳам қизиғи, бош ҳакам дарвозаларга нақд тўрт марта пенальти белгилади. Энг ва энг қизиғи, бу пенальтиларнинг иккитаси аниқ, иккитаси ноаниқ. Дарвозабонларга қойил!

18 октябрь. Манчестер. “Этихад” стадиони, 45549 томошабин.
Ҳакам: Жонатан Мосс (Йоркшир).
“Манчестер Сити” – “Тоттенхэм” - 4:1 (2:1)
Голлар: Агуэро, 13 (1:0). Эриксен, 15 (1:1). Агуэро, 20 – пенальтидан (2:1). Агуэро, 68 – пенальтидан (3:1). Агуэро, 75 (4:1).
Ноаниқ пенальтилар: Агуэро, 32 (дарвозабон) .Сольдадо, 62 (дарвозабон).

Тур сенсацияси: гол иштаҳа очар...

Саутгемптон шаҳрида шу куни ёмғир ёғди. Табиат ҳукми ила ёғадиган ёмғир эмас, аксинча, голлар “ёмғири” мухлисларни шодон этди. “Саутгемптон” клуби ўз уйида “Сандерленд”ни том маънода “тиз чўктирди” — 8:0. Пелле иккита урди, “Сандерленд” ўзига иккита урди, қолганлар биттадан уришди. Етади-да шунча гол.

18 октябрь. Саутгемптон. “Сент-Мэрис” стадиони, 29615 томошабин.
Ҳакам: Андре Марринер (Бирмингем).
“Саутгемптон” – “Сандерленд” - 8:0 (3:0)
Голлар: Вергини, 12 – ўз дарвозасига (1:0). Пелле, 18 (2:0). Корк, 37 (3:0). Бридкатт, 63 – ўз дарвозасига (4:0). Пелле, 69 (5:0). Тадич, 78 (6:0). Ваньяма, 79 (7:0). Мане, 86 (8:0).

Костасиз ҳам ютиш мумкин экан

Лондон дербиси деб аталган ўйинда “Кристал Пэлас” клуби ўз уйида яққол пешқадамга айланаётган “Челси”ни қабул қилди. Ўйин жуда кескин тарзда ўтганини иккита қизил карточка ҳам исботлаб турибди. Диего Коста майдонга туша олмади, натижада ягона тўпурар мақомидан ажралиб қолди.

18 октябрь. Лондон. “Селхерст Парк” стадиони, 24451 томошабин.
Ҳакам: Крэйг Поусон (Лондон).
“Кристал Пэлас” – “Челси” - 1:2 (0:1)
Голлар: Оскар, 6 (0:1). Фабрегас, 51 (0:2). Кэмпбелл, 90 (1:2).

“Бу ўзимизнинг Элбек-да, ўзбек-да у”

“Эмирейтс” стадионига йиғилган 60000 мухлис кўз ўнгида “Арсенал” клуби “Халл Сити”га мағлуб бўлишига бир баҳя қолди. Агарда Дониёров Элбек бўлмаганида (Данни Уэлбек, ўзбекчалаштирдик, бугун тил байрами, бир сафарга майли) дурангга ҳам эриша олмасди.

18 октябрь. Лондон. “Эмирейтс” стадиони, 60004 томошабин.
Ҳакам: Рожер Ист (Уилтшир).
“Арсенал” – “Халл Сити” - 2:2 (1:1)
Голлар: Санчес, 13 (1:0). Диаме, 17 (1:1). Эрнандес, 46 (1:2). Уэлбек, 90+1 (2:2).

Тур сенсацияси: “Ливерпуль” ғалаба қозонди

Бу сафар Лондонга сафар уюштирган мерсисайдликлар ниҳоят яна ғалаба қозонишди. “Ливерпуль” битта гол уриб, 3:2 ҳисобида ғалаба қилиш мумкинлигини исботлаб берди. Яхшиям, Коутиньо гол урди, мезбонлар эса сўнгги дақиқаларда ҳисобни тенглаштириб, қўшимча дақиқаларда ғалабани меҳмонларга тортиқ қилиб юборишди.

19 октябрь. Лондон. “Лофтус Роуд” стадиони, 18069 томошабин.
Ҳакам: Фил Дауд (Стэффордшир).
“КПР” – “Ливерпуль” - 2:3 (0:0)
Голлар: Данн, 67 – ўз дарвозасига (0:1). Варгас, 87 (1:1). Коутиньо, 89 (1:2). Варгас, 90+2 (2:2). Кокер, 90+5 – ўз дарвозасига (2:3).

Рунисиз “МЮ” бир амаллаяпти

“Вест Бромвич” – “Манчестер Юнайтед” клублари ўртасидаги баҳсда 2:2 ҳисоби қайд этилган бўлса-да, лекин мухлислар чиройли голлар гувоҳи бўлишди. Ҳужумчи ван Перси эплолмаётган ишларни бошқалар ёпиб кетишга мажбур бўлмоқда. Шу жумладан, Маруан Феллайни ва Дейли Блинд.

20 октябрь. Вест Бромвич. “Хауторнс” стадиони, 25794 томошабин.
Ҳакам: Майк Дин (Хесволл).
“Вест Бромвич” – “Манчестер Юнайтед” - 2:2 (1:0)
Голлар: Сессеньон, 8 (1:0). Феллаини, 48 (1:1). Берахино, 65 (2:1). Блинд, 87 (2:2).

Қолган-қутганлар

Турнинг бошқа ўйинлари ҳам қизиқарли тус олди. Масалан, “Ньюкасл” жамоаси кичик ҳисобда бўлса-да, ниҳоят ғалаба қозонди. “Эвертон” эса ўз уйида йирик ҳисобдаги ғалабани расмийлаштирди.

18 октябрь. Бернли. “Терф Мур” стадиони, 18936 томошабин.
Ҳакам: Кевин Френд (Лестершир).
“Бернли” – “Вест Хэм” - 1:3 (0:0)
Голлар: Сахо, 49 (0:1). Валенсия, 54 (0:2). Бойд, 60 (1:2). Коул, 70 (1:3).

18 октябрь. Ливерпуль. “Гудисон Парк” стадиони, 39505 томошабин.
Ҳакам: Энтони Тейлор (Манчестер).
“Эвертон” – “Астон Вилла” - 3:0 (1:0)
Голлар: Жагиелка, 18 (1:0). Лукаку, 48 (2:0). Коулмен, 76 (3:0).

18 октябрь. Ньюкасл. “Спортс Директ Арена” стадиони, 51886 томошабин.
Ҳакам: Мартин Аткинсон (Лидс).
“Ньюкасл” – “Лестер Сити” - 1:0 (0:0)
Гол: Обертан, 71 (1:0).

19 октябрь. Сток-он-Тренте. “Британниа” стадиони, 27017 томошабин.
Ҳакам: Майкл Оливер (Нортумберленд).
“Сток Сити” – “Суонси Сити” - 2:1 (1:1)
Голлар: Бони, 34 – пенальтидан (0:1). Адам, 43 – пенальтидан (1:1). Уолтерс, 76 (2:1).

Тур жазолари: шафқатсиз ҳакамлар

АПЛ 8-турида ҳам ҳакамлар кескин чоралар кўришди. Ҳакамлар томонидан футболчиларга жами 35 марта сариқ карточка, 3 марта қизил карточка (2таси тўғридан-тўғри) кўрсатилди. Шунингдек, бу тур пенальтиларга бой бўлди. Ҳакамлар томонидан жами 6 марта пенальти белгиланди, шундан иккитаси дарвозабонлар томонидан қайтарилди.

8-тур: “энг, энг, энг...”

8-турда “энг, энг, энг” номинацияси бўйича ғолибларни аниқлаймиз. Демак, бу турда энг кўп гол урган футболчидан бошлаймиз.

Энг йирик ҳисоб
“Саутгемптон” – “Сандерленд” - 8:0

Энг кўп гол урган футболчи
Серхио Агуэро – 4та (“Манчестер Сити”)

Энг кўп томошабин
“Эмирейтс” стадиони — 60004 томошабин

Энг кам томошабин
“Лофтус Роуд” стадиони — 18069 томошабин

Энг кўп сариқ карточка кўрсатган ҳакамлар
Фил Дауд – 5та (“КПР” – “Ливерпуль”)
Майкл Оливер – 5та (“Сток Сити” – “Суонси Сити”)

Энг кам сариқ карточка кўрсатган ҳакам
Кевин Френд – 1та (“Бернли” – “Вест Хэм”)

Тўпурарлар

9та
Серхио Агуэро (“Манчестер Сити”, 2)
Диего Коста (“Челси”)

6та
Грациано Пелле (“Саутгемптон”)
Саидо Берахино (“Вест Бромвич”, 2)

5та
Леонардо Ульоа (“Лестер Сити”, 1)

Автоголурарлар

Сантьяго Вергини, Лайам Бридкатт (“Сандерленд”)
Ричард Данн, Стивен Кокер, Недум Онуоха (“КПР”)
Эляким Мангалья, Пабло Сабалета (“Манчестер Сити”)
Кёртис Дэйвис (“Халл Сити”)
Харри Кэйн (“Тоттенхэм”)
Жон Терри (“Челси”)
Шеймус Коулмен (“Эвертон”)
Али Сиссоко (“Астон Вилла”)

8-тур рамзий терма жамоаси (uff.uz версияси)

Жо Харт (“Манчестер Сити”, 1) – Шеймус Коулмэн (“Эвертон”, 2), Жозе Фонте (“Саутгемптон”, 1), Фил Жагиелка (“Эвертон”, 2), Лейтон Бэйнс (“Эвертон”, 1) – Алексис Санчес (“Арсенал”, 2), Муҳаммад Диаме (“Халл Сити”, 1), Сеск Фабрегас (“Челси”, 2), Душан Тадич (“Саутгемптон”, 2) – Грациано Пелле (“Саутгемптон”, 2), Серхио Агуэро (“Манчестер Сити”, 1).

8-турнинг энг яхши футболчиси (uff.uz версияси)

8-турнинг энг яхши футболчиси деб, шубҳасиз, Серхио Агуэро топилди. Чунки айнан Агуэро “Манчестер Сити”ни ғалабасини таъминлади. У “Сити” учун 58-голини урди. Карлос Тевес ўз вақтида бир мавсумда 61та гол урганини ҳисобга олсак, Агуэрода бу мавсум рекордлар учун яхшигина имконият бор. “Тоттенхем”га қарши ўйинда у янада кўпроқ уриши мумкин эди, лекин покер ҳам ёмон натижа эмас.

9-тур ўйинлари: грандлар учрашуви

АПЛнинг 9-тур учрашувлари 25-26-27 октябрь кунлари бўлиб ўтади. Ушбу турда ҳам бир қатор қизиқарли тўқнашувлар кузатилади. Масалан, “Олд Траффорд”да “Челси” меҳмон бўлади. Луи ван Гаалнинг “Челси” етиб олиш борасидаги гапларининг исботини мана шу ўйинда кўрамиз.

25 октябрь, шанба
“Вест Хем” – “Манчестер Сити” (16:45)
“Ливерпуль” – “Халл Сити” (19:00)
“Саутгемптон” – “Сток Сити” (19:00
“Сандерленд” – “Арсенал” (19:00)
“Вест Бромвич” – “Кристал Пелас” (19:00)
“Суонси Сити” – “Лестер Сити” (21:30)

26 октябрь, якшанба
“Бернли” –“Эвертон” (17:30) 
“Тоттенхем” – “Ньюкасл” (17:00)
“Манчестер Юнайтед” – “Челси” (20:00)

28 октябрь, сешанба
“КПР” – “Астон Вилла” – (00:00)

Манба: www.uff.uz