Англия премьер лигасининг 23-тури бу сафар ҳам ғаройиботу ажойиботларга тўла бўлди. Бу турда “Манчестер Юнайтед”, “Арсенал”, “Ньюкасл” жамоалари ғалаба қозонишди. “Саутгемптон” эса ўз уйида мағлуб бўлди. "Челси" ва “Манчестер Сити” дуранг ўйнади.

Марказий ўйинда яна муроса

23-турда “Манчестер Сити” сафарда “Челси” клуби меҳмони бўлди ва дуранг ўйнади. Биринчи таймда ҳар икки жамоа ҳам қийин аҳволда қолишди. Аслида мана шу биринчи бўлим ўйин тақдирини белгилаб берди. Ҳар икки жамоа ҳам биринчи даврадаги каби яна муроса кўчасини танлашди.

31 январь. Лондон. “Стэмфорд Бриж” стадиони, 41620 томошабин.
Ҳакам: Марк Клаттенбург (Ньюкасл-апон-Тайн).
“Челси” – “Манчестер Сити” - 1:1 (1:1)
Голлар: Реми, 41 (1:0). Давид Сильва, 45 (1:1).

“Арсенал” йирик ҳисобда ғалаба қозонди

“Эмирейтс” стадионида “тўпчилар” “Астон Вилла” устидан йирик ҳисобда ғалаба қозонишди. Бу ўйинда жароҳатидан фориғ бўлиб, майдонда ўз формасини қайта тиклаётганлар анча фаоллик кўрсатишди.

1 февраль. Лондон. “Эмирейтс” стадиони, 59958 томошабин.
Ҳакам: Энтони Тейлор (Манчестер).
“Арсенал” – “Астон Вилла” - 5:0 (1:0)
Голлар: Жиру, 8 (1:0). Ўзил, 56 (2:0). Уолкотт, 63 (3:0). Санти Касорла, 75 – пенальтидан (4:0). Бельерин, 90+2 (5:0).

“Ливерпуль” музаффариятда давом этади

“Ливерпуль” жамоаси ўз уйида “Вест Хэм”ни қабул қилиб, хотиржам тарзда ғалаба қозонди. Шу куни мерсисайдликлар анча яхши ҳаракат қилишди. Айниқса, анча танаффусдан кейин захирадан майдонга тушган Старриж қайтишини гол билан нишонлади.

31 январь. Ливерпуль. “Энфилд” стадиони, 44718 томошабин.
Ҳакам: Андре Марринер (Бирмингем).
“Ливерпуль” – “Вест Хэм” - 2:0 (0:0)
Голлар: Стерлинг, 51 (1:0). Старриж, 80 (2:0).

“Манчестер Юнайтед” бу сафар ғалаба қозонди

“Лестер Сити”ни ўз уйига меҳмонга чақирган “Манчестер Юнайтед” ишончли ғалабага эришди. Айтиш керакки, бу ўйиннинг тақдири биринчи бўлимдаёқ ҳал бўлганди. Йирик ҳисобдаги ғалабада ван Перси, Фалькао ва айниқса, Блинднинг ҳиссалари катта бўлди.

31 январь. Манчестер. “Олд Траффорд” стадиони, 75329 томошабин.
Ҳакам: Мартин Аткинсон (Лидс).
“Манчестер Юнайтед” – “Лестер Сити” - 3:1 (3:0)
Голлар: ван Перси, 27 (1:0). Фалькао, 32 (2:0). Морган, 44 – ўз дарвозасига (3:0). Василевски, 80 (3:1).

“Тоттенхем” сафарда йирик ғалабага эришди

Вест Бромвич шаҳрида меҳмон бўлган “Тоттенхем” мезбонларни йирик ҳисобда мағлубиятга учратди. Алоҳида эътироф этиш керакки, меҳмонлар ғалаба учун ҳақли ҳаракат қилишди. Айниқса, шу куни Кейн жаноблари фойдали ўйин намойиш этди.

31 январь. Вест Бромвич. “Хауторнс” стадиони, 25079 томошабин.
Ҳакам: Кевин Френд (Лестершир).
“Вест Бромвич” – “Тоттенхэм” - 0:3 (0:2)
Голлар: Эриксен, 6 (0:1). Кейн, 15 (0:2). Кейн, 64 – пенальтидан (0:3).

“Саутгемптон” кичик ҳисобда ютқазди

“Саутгемптон” жамоаси ўз уйида “Суонси”ни қабул қилди ва кичик ҳисобда мағлуб бўлди. Алоҳида қайд этиш керакки, шу куни ҳар икки жамоа учун ҳам ўйин осон кечмади. Лекин меҳмонларнинг сўнгги дақиқаларда киритган голи муҳим 3 очкони “Суонси”га тақдим этди.

1 февраль. Саутгемптон. “Сент-Мэрис” стадиони, 30943 томошабин.
Ҳакам: Майкл Оливер (Нортумберленд).
“Саутгемптон” – “Суонси Сити” - 0:1 (0:0)
Гол: Шелви, 83 (0:1).

Қолган-қутганлар

Турнинг бошқа ўйинлари ҳам қизиқарли тус олди. Масалан, “Халл Сити” – “Ньюкасл” ўйинида меҳмонлар йирик ҳисобда ғалаба қозонишди. Шунингдек, “Эвертон” “Кристал Пэлас” устидан ғалаба қозонди. “Сток Сити” ҳужумчиси Уолтерснинг хет-трики “КПР” устидан ажойиб ғалабани тақдим этди.

31 январь. Кингстон-апон-Халл. “Кингстон Коммьюникейшн” стадиони, 23925 томошабин.
Ҳакам: Фил Дауд (Стэффордшир).
“Халл Сити” – “Ньюкасл” - 0:3 (0:1)
Голлар: Кабелля, 40 (0:1). Амеоби, 50 (0:2). Гуффран, 78 (0:3).

31 январь. Лондон. “Селхерст Парк” стадиони, 25197 томошабин.
Ҳакам: Рожер Ист (Уилтшир).
“Кристал Пэлас” – “Эвертон” - 0:1 (0:1)
Гол: Лукаку, 2 (0:1).

31 январь. Сток-он-Тренте. “Британниа” стадиони, 27512 томошабин.
Ҳакам: Майк Дин (Хесволл).
“Сток Сити” – “КПР” - 3:1 (2:1)
Голлар: Уолтерс, 21 (1:0). Уолтерс, 34 (2:0). Краньчар, 36 (2:1). Уолтерс, 90+2 (3:1).

31 январь. Сандерленд. “Стадиум оф Лайт” стадиони, 44022 томошабин.
Ҳакам: Ли Мэйсон (Болтон).
“Сандерленд” – “Бернли” - 2:0 (2:0)
Голлар: Уикхэм, 20 (1:0). Дефо, 34 (2:0).

Тур жазолари: раҳмдил ҳакамлар

АПЛ 23-турида ҳакамлар шафқатсиз чоралар кўришмади. Ҳакамлар томонидан футболчиларга жами 27 марта сариқ карточка, 1 марта қизил карточка (тўғридан-тўғри) кўрсатилди.

23-тур: “энг, энг, энг...”

23-турда “энг, энг, энг” номинацияси бўйича ғолибларни аниқлаймиз. Демак, бу турда энг кўп гол урган футболчидан бошлаймиз.

Энг кўп гол урган футболчи
Жонатан Уолтерс – 3та (“Сток Сити”)

Энг тез урилган гол
Ромелу Лукаку, 2-дақиқа (“Эвертон”)

Энг йирик ҳисоб
“Арсенал” – “Астон Вилла” 5:0

Энг кўп томошабин
“Олд Траффорд” стадиони — 75329 томошабин

Энг кам томошабин
“Кингстон Коммьюникейшн” стадиони — 23925 томошабин

Энг кўп сариқ карточка кўрсатган ҳакам
Фил Дауд – 5та сариқ (“Халл Сити” – “Ньюкасл”)

Энг кам сариқ карточка кўрсатган ҳакам
Мартин Аткинсон – 1та (“Манчестер Юнайтед” – “Лестер Сити”)

Тўпурарлар

17та
Диего Коста (“Челси”)

14та
Серхио Агуэро (“Манчестер Сити”, 2)

13та
Чарли Остин (“КПР”, 3)

12та
Алексис Санчес (“Арсенал”)

10та
Харри Кейн (“Тоттенхем”, 1)

Автоголурарлар

Симон Миньоле (“Ливерпуль”)
Киран Гиббс (“Арсенал”)
Эстебан Камьбяссо, Уэсли Морган – 2 (“Лестер Сити”)
Уэсли Браун, Сантьяго Вергини, Лайам Бридкатт (“Сандерленд”)
Ричард Данн, Стивен Кокер, Недум Онуоха (“КПР”)
Эляким Мангалья, Пабло Сабалета, Мартин Демичелис (“Манчестер Сити”)
Кёртис Дэйвис (“Халл Сити”)
Харри Кэйн (“Тоттенхэм”)
Жон Терри (“Челси”)
Шеймус Коулмен, Ромелу Лукаку (“Эвертон”)
Али Сиссоко (“Астон Вилла”)
Марк Ноубл (“Вест Хэм”)
Пол Дамметт (“Ньюкасл”)
Жонжо Шелви (“Суонси Сити”)

23-тур рамзий терма жамоаси (uff.uz версияси)

Уго Льорис (“Тоттенхэм”, 2) - Эктор Бельерин (“Арсенал”, 2), Фил Жагиелка (“Эвертон”, 3), Курт Зума (“Челси”, 1), Массадио Айдара (“Ньюкасл”, 1) - Фелиппе Коутиньо (“Ливерпуль”, 1), Дэйли Блинд (“Манчестер Юнайтед”, 1), Санти Касорла (“Арсенал”, 4), Месут Ўзил (“Арсенал”, 2) - Харри Кейн (“Тоттенхэм”, 2), Жонатан Уолтерс (“Сток Сити”, 1).

Тур қаҳрамони — Дейли Блинд (uff.uz версияси)

23-турнинг энг яхши футболчиси “Манчестер Юнайтед” хавбеки Дейли Блинд бўлди. Айни шу куни Блинд ишончли ҳаракат қилди. У шу куни нафақат 90 дақиқалик фойдали ўйини билан, балки голли вазиятларни яратиши билан ҳам эсда қолди. У ван Персига голли пас берди ва унинг оширган тўпини Морган ўз дарвозасига жойлаб қўйди.

24-тур ўйинлари

АПЛнинг 24-тур учрашувлари 7-8 февраль кунлари бўлиб ўтади. Унда ҳам марказий учрашувлар топилади. Масалан, “Тоттенхем” – “Арсенал”, “Эвертон” – “Ливерпуль” ўйинлари ҳам катта қизиқиш билан кутилмоқда. Шунингдек, “Астон Вилла” – “Челси”, “Ньюкасл” – “Сток Сити”, “Вест Хэм” – “Манчестер Юнайтед” учрашувлари ҳам қизиқарли тус олади.

7 февраль, шанба
“Тоттенхем” – “Арсенал” (17:45)
“Астон Вилла” – “Челси” (20:00)
“Лестер Сити” – “Кристал Пелас” (20:00)
“Манчестер Сити” – “Халл Сити” (20:00
“КПР” – “Саутгемптон” (20:00)
“Суонси Сити” – “Сандерленд” (20:00)
“Эвертон” – “Ливерпуль” (22:30)

8 февраль, якшанба
“Бернли” – “Вест Бромвич” (17:00)
“Ньюкасл” – “Сток Сити” (19:05)
Вест Хем” – “Манчестер Юнайтед” (21:15)

Манба: www.uff.uz