Англия премьер лигасининг 22-тури бу сафар ҳам ғаройиботу ажойиботларга тўла бўлди. Бу турда “Челси”, “Арсенал”, “Саутгемптон”, “Манчестер Юнайтед” жамоалари ғалаба қозонишди. “Манчестер Сити” эса ўз уйида мағлуб бўлди.

“Манчестер Сити” ўз уйида таслим этилди

22-турнинг марказий учрашувида “Манчестер Сити” ўз уйида “Арсенал” клубини қабул қилди ва мағлубиятга учради. Ўйин асосан “тўпчилар” устунлиги остида ўтди. Ҳозирда жуда кўп танқидга учраётган Арсен Венгер шогирдлари шу куни бетакрор ўйин намойиш қилишда ва шунга яраша ғалаба нашидасини суришди.

18 январь. Манчестер. “Этихад” стадиони, 45596 томошабин.
Ҳакам: Майк Дин (Хесволл).
“Манчестер Сити” – “Арсенал” - 0:2 (0:1)
Голлар: Санти Касорла, 24 – пенальтидан (0:1). Жиру, 67 (0:2).

“Челси” йирик ҳисобда ғалаба қозонди

“Либерти” стадионида “аристократлар” “Суонси” устидан йирик ҳисобда ғалаба қозонишди. Бу ўйинда тўлиқ устунлик Жозе Моуриньо шогирдлари тарафида бўлди. Шунинг учун Азар ва Коста иккитадан гол уришди. Умуман, “Челси” чемпионлик сари одимлашда давом этади.

17 январь. Суонси. “Либерти” стадиони, 20785 томошабин.
Ҳакам: Жонатан Мосс (Йоркшир).
“Суонси Сити” – “Челси” - 0:5 (0:4)
Голлар: Оскар, 1 (0:1). Диего Коста, 20 (0:2). Диего Коста, 34 (0:3). Оскар, 36 (0:4). Шюррле, 79 (0:5).

“Саутгемптон” бўш келишни истамаяпти

“Ньюкасл” жамоаси ўз уйида “Саутгемптон”ни қабул қилиб, мағлубиятга учради. Шу куни меҳмонлар анча яхши ҳаракат қилишди. Агар Элёрнинг, ие, узр, Эльеронинг дубли бўлмаганида, улар очко йўотиши ёки мағлуб бўлиши мумкин эди.

17 январь. Ньюкасл. “Спортс Директ Арена” стадиони, 49307 томошабин.
Ҳакам: Роберт Мэдли (Йоркшир).
“Ньюкасл” – “Саутгемптон” - 1:2 (1:1)
Голлар: Элиа, 14 (0:1). Гуффран, 29 (1:1). Элиа, 62 (1:2).

“Манчестер Юнайтед” ғалаба қозонди

“КПР” клуби меҳмони бўлган “Манчестер Юнайтед” ниҳоят яна ғалаба қозонди. Айтиш керакки, шу куни ҳар икки жамоага ҳам осон бўлмади. Иккинчи бўлимда майдонга тушган Феллаини ва Уилсон эса “қизил иблислар” ғалабасини таъминлади.

17 январь. Лондон. “Лофтус Роуд” стадиони, 18098 томошабин.
Ҳакам: Нил Сварбрик (Ланкашир).
“КПР” – “Манчестер Юнайтед” - 0:2 (0:0)
Голлар: Феллаини, 58 (0:1). Уилсон, 90+4 (0:2).

“Вест Хем”дан йирик ҳисобдаги ғалаба

Лондон шаҳрида “Вест Хем” клуби “Халл Сити”ни қабул қилди ва йирик ҳисобдаги натижага эришди. Алоҳида эътироф этиш керакки, мезбонлар ғалаба учун ҳақли ҳаракат қилишди. Энг қизиғи, биринчи таймда ҳисоб очилмади, лекин иккинчи бўлимда “Вест Хэм” ташаббусни ўз томонига оғдириб, кетма-кет голлар уриб ташлади.

18 январь. Лондон. “Болейн Граунд” стадиони, 34914 томошабин.
Ҳакам: Мартин Аткинсон (Лидс).
“Вест Хэм” – “Халл Сити” - 3:0 (0:0)
Голлар: Кэрролл, 49 (1:0). Амальфитано, 69 (2:0). Даунинг, 72 (3:0).

“Ливерпуль” ҳам ғалаба қозонди

Бирмингем шаҳрида “Астон Вилла” жамоаси “Ливерпул”ни қабул қилди ва мағлуб бўлди. Алоҳида қайд этиш керакки, шу куни ҳар икки жамоа учун ҳам ўйин осон кечмади. Лекин мерсисайдликлар энди ўзига кела бошлагани ва барқарорликни ушлаб туришга уринаётгани ўйинларидан сезилиб турибди.

17 январь. Бирмингем. “Вилла Парк” стадиони, 39758 томошабин.
Ҳакам: Марк Клаттенбург (Ньюкасл-апон-Тайн).
“Астон Вилла” – “Ливерпуль” - 0:2 (0:1)
Голлар: Борини, 24 (0:1). Ламберт, 79 (0:2).

Қолган-қутганлар

Турнинг бошқа ўйинлари ҳам қизиқарли тус олди. Масалан, “Тоттенхем” – “Сандерленд” ўйинида мезбонлар ғалаба қозонишди. Шунингдек, “Кристал Пэлас” “Бернли” устидан ғалаба қозонди. “Эвертон” эса ўз уйида “Вест Бромвич”ни мағлуб эта олмади, агар пенальтини урганида, балки ютармиди.

17 январь. Лестер. “Кинг Пауэр” стадиони, 31772 томошабин.
Ҳакам: Андре Марринер (Бирмингем).
“Лестер Сити” – “Сток Сити” - 0:1 (0:0)
Гол: Кркич, 63 (0:1).

17 январь. Лондон. “Уайт Харт Лэйн” стадиони, 35973 томошабин.
Ҳакам: Крис Фой (Мерсисайд).
“Тоттенхэм” – “Сандерленд” - 2:1 (1:1)
Голлар: Вертонген, 3 (1:0). Ларссон, 31 (1:1). Эриксен, 88 (2:1).

17 январь. Бернли. “Терф Мур” стадиони, 17782 томошабин.
Ҳакам: Фил Дауд (Стэффордшир).
“Бернли” – “Кристал Пэлас” - 2:3 (2:1)
Голлар: Ми, 12 (1:0). Ингс, 16 (2:0). Гэйл, 28 (2:1). Панчон, 48 (2:2). Гэйл, 87 (2:3).

19 январь. Ливерпуль. “Гудисон Парк” стадиони, 34739 томошабин.
Ҳакам: Майкл Оливер (Нортумберленд).
“Эвертон” – “Вест Бромвич” - 0:0 (0:0)
Урилмаган пенальти: Миральяс, 44 (устун).

Тур трансфери: Вильфрид Бони

“Суонси Сити” таркибида ёрқин ўйин намойиш қилган Вилфрид Бони “шаҳарликлар” эътиборига тушди ва ўтган ҳафта уларнинг сафига келиб қўшилди. “Манчестер Сити” эса Настасич билан хайрлашишга қарор қилди. Шунингдек, “Эвертон” клубида ўйнаган Самуэль Это‘О Италия сафарига отланди.

Тур жазолари: “раҳмдил” ҳакамлар

АПЛ 22-турида ҳакамлар унчалик шафқатсиз чоралар кўришмади. Ҳакамлар томонидан футболчиларга жами 32 марта сариқ карточкакўрсатилди. Қизил карточкалар қайд этилмади.

22-тур: “энг, энг, энг...”

22-турда “энг, энг, энг” номинацияси бўйича ғолибларни аниқлаймиз. Демак, бу турда энг кўп гол урган футболчидан бошлаймиз.

Энг кўп гол урган футболчилар
Диего Коста – 2та (“Челси”)
Оскар – 2та (“Челси”)
Дуайт Гэйл – 2та (“Кристал Пэлас”)
Эльеро Элиа – 2та (“Саутгемптон”)

Энг тез урилган гол
Оскар, 1-дақиқа (“Челси”)

Энг кўп томошабин
“Спортс Директ Арена” стадиони — 49307 томошабин

Энг кам томошабин
“Терф Мур” стадиони — 17782 томошабин

Энг кўп сариқ карточка кўрсатган ҳакам
Майк Дин – 6та сариқ (“Манчестер Сити” – “Арсенал”)

Энг кам сариқ карточка кўрсатган ҳакам
Жонатан Мосс – 0 (“Суонси” – “Челси”)

Тўпурарлар

17та
Диего Коста (“Челси”)

14та
Серхио Агуэро (“Манчестер Сити”, 2)

13та
Чарли Остин (“КПР”)

12та
Алексис Санчес (“Арсенал”)

9та
Паписс Сиссе (“Ньюкасл”, 1)
Вилфрид Бони (“Суонси Сити”, 1)
Саидо Берахино (“Вест Бромвич”, 3)

Автоголурарлар

Симон Миньоле (“Ливерпуль”)
Киран Гиббс (“Арсенал”)
Эстебан Камьбяссо, Уэсли Морган (“Лестер Сити”)
Уэсли Браун, Сантьяго Вергини, Лайам Бридкатт (“Сандерленд”)
Ричард Данн, Стивен Кокер, Недум Онуоха (“КПР”)
Эляким Мангалья, Пабло Сабалета, Мартин Демичелис (“Манчестер Сити”)
Кёртис Дэйвис (“Халл Сити”)
Харри Кэйн (“Тоттенхэм”)
Жон Терри (“Челси”)
Шеймус Коулмен, Ромелу Лукаку (“Эвертон”)
Али Сиссоко (“Астон Вилла”)
Марк Ноубл (“Вест Хэм”)
Пол Дамметт (“Ньюкасл”)
Жонжо Шелви (“Суонси Сити”)

22-тур рамзий терма жамоаси (uff.uz версияси)

Давид Де Хеа (“Манчестер Юнайтед”, 5) - Бранислав Иванович (“Челси”, 5), Лоран Косельни (“Арсенал”, 5), Ян Вертонген (“Тоттенхэм”, 1), Начо Монреаль (“Арсенал”, 1) - Санти Касорла (“Арсенал”, 3), Александр Сонг (“Вест Хэм”, 2), Оскар (“Челси”, 3), Эльеро Элиа (“Саутгемптон”, 1) - Диего Коста (“Челси”, 5), Дуайт Гэйл (“Кристал Пэлас”, 1).

Тур қаҳрамони — Санти Касорла (uff.uz версияси)

22-турнинг энг яхши футболчиси “Арсенал” ҳужумчиси Санти Касорла бўлди. Айни шу куни Коста, Оскар ва Гэйл ҳам дубль қайд этган бўлса-да, Касорла доимгидек ишончли ҳаракат қилди. Марказий ўйинда ўзи гол уриш билан бирга, битта голли пас ҳам берди. Умуман, ўйин охиригача диққат марказида турди.

23-тур ўйинлари

АПЛнинг 23-тур учрашувлари 31 январь ва 1 февраль кунлари бўлиб ўтади. Унда ҳам марказий учрашувлар топилади. Масалан, “Челси” – “Манчестер Сити ўйини ҳам катта қизиқиш билан кутилмоқда. Шунингдек, “Саутгемптон” – “Суонси”, “Арсенал” – “Астон Вилла”, “Манчестер Юнайтед” – “Лестер Сити” учрашувлари ҳам қизиқарли тус олади.

31 январь, шанба
“Халл Сити” – “Ньюкасл” (7:45)
“Кристал Пелас” – “Эвертон” (20:00)
“Ливерпуль” – “Вест Хем” (20:00)
“Манчестер Юнайтед” – “Лестер Сити” (20:00)
“Сток Сити” – “КПР” (20:00)
“Сандерленд” – “Бернли” (20:00)
“Вест Бромвич” – “Тоттенхем” (20:00)
“Челси” – “Манчестер Сити” (22:30)

1 февраль, якшанба
“Арсенал” – “Астон Вилла” (18:30)
“Саутгемптон” – “Суонси Сити” (21:00)