Англия премьер лигасининг 21-тури бу сафар ҳам ғаройиботу ажойиботларга тўла бўлди. Бу турда “Челси”, “Арсенал”, “Саутгемптон” жамоалари ғалаба қозонишди. “Манчестер Юнайтед” эса ўз уйида мағлуб бўлди. “Манчестер Сити” меҳмонда дуранг ўйнади.

“Манчестер Сити” яна очко йўқотди

21-турда “Манчестер Сити” сафарда “Эвертон” клуби меҳмони бўлди ва дуранг ўйнади. Биринчи таймда ҳар икки жамоа ҳам қийин аҳволда қолишди. Лекин иккинчи бўлимда ҳаракатлари бесамар кетмаган “шаҳарликлар” ташаббусни ўз оёқларига олишдию лекин барибир хурсандчиликлари 4 дақиқагина чўзилди холос.

10 январь. Ливерпуль. “Гудисон Парк” стадиони, 39499 томошабин.
Ҳакам: Мартин Аткинсон (Лидс).
“Эвертон” – “Манчестер Сити” - 1:1 (0:0)
Голлар: Фернандиньо, 74 (0:1). Нейсмит, 78 (1:1).

“Арсенал” йирик ҳисобда ғалаба қозонди

“Эмирейтс” стадионида “тўпчилар” “Сток Сити” устидан йирик ҳисобда ғалаба қозонишди. Бу ўйинда омадли трансферлардан бири бўлмиш Алексис Санчес анча яхши ҳаракат қилди. Шунингдек, Тео Уолкотт ва Месут ЎЗил ҳам майдонга қайтишди.

11 январь. Лондон. “Эмирейтс” стадиони, 59956 томошабин.
Ҳакам: Жонатан Мосс (Йоркшир).
“Арсенал” – “Сток Сити” - 3:0 (2:0)
Голлар: Косельни, 6 (1:0). Санчес, 33 (2:0). Санчес, 49 (3:0).

“Челси” етакчиликда давом этади

“Челси” жамоаси ўз уйида “Ньюкасл”ни қабул қилиб, хотиржам тарзда ғалаба қозонди. Шу куни “аристократлар” анча яхши ҳаракат қилишди. Ахир сал қолса, “Манчестер Сити” уларга етиб олганди.

10 январь. Лондон. “Стэмфорд Бриж” стадиони, 41612 томошабин.
Ҳакам: Рожер Ист (Уилтшир).
“Челси” – “Ньюкасл” - 2:0 (1:0)
Голлар: Оскар, 43 (1:0). Диего Коста, 59 (2:0).

“Манчестер Юнайтед” бу сафар мағлуб бўлди

“Саутгемптон”ни ўз уйига меҳмонга чақирган “Манчестер Юнайтед” кичик ҳисобда ютқазди. Айтиш керакки, шу куни ҳар икки жамоага ҳам осон бўлмади. Тадичнинг чиройли голига мезбонлар жавоб қайтара олишмади. Айтиш керакки, юқорига кўтарилишга бўлган иштиёқ меҳмонлар устунлигини таъминлади.

11 январь. Манчестер. “Олд Траффорд” стадиони, 75395 томошабин.
Ҳакам: Фил Дауд (Стэффордшир).
“Манчестер Юнайтед” – “Саутгемптон” - 0:1 (0:0)
Гол: Тадич, 69 (0:1).

“Вест Хем” ўзи билан ўзи дуранг ўйнади

Суонси шаҳрида меҳмон бўлган “Вест Хем” “Суонси Сити” клуби билан дуранг қайд этди. Алоҳида эътироф этиш керакки, меҳмонлар ғалаба учун ҳақли ҳаракат қилишди. Энг қизиғи, ҳисоб 1:1 бўлишига қарамай, ҳар иккала голни ҳам “Вест Хэм” футболчилари уришди.

10 январь. Суонси. “Либерти” стадиони, 20745 томошабин.
Ҳакам: Майк Дин (Хесволл).
“Суонси Сити” – “Вест Хэм” - 1:1 (0:1)
Голлар: Кэрролл, 43 (0:1). Ноубл, 74 – ўз дарвозасига (1:1).

“Ливерпуль” кичик ҳисобда ғалаба қозонди

Сандерленд шаҳрида “Сандерленд” жамоаси “Ливерпул”ни қабул қилди ва кичик ҳисобда мағлуб бўлди. Алоҳида қайд этиш керакки, шу куни ҳар икки жамоа учун ҳам ўйин осон кечмади. Лекин мерсисайдликларнинг тезкор голи ўйин охиригача кичик устунликни сақлаб қолди.

10 январь. Сандерленд. “Стадиум оф Лайт” стадиони, 45369 томошабин.
Ҳакам: Крэйг Поусон (Лондон).
“Сандерленд” – “Ливерпуль” - 0:1 (0:1)
Гол: Маркович, 8 (0:1).

Қолган-қутганлар

Турнинг бошқа ўйинлари ҳам қизиқарли тус олди. Масалан, “Кристал Пэлас” – “Тоттенхем” ўйинида мезбонлар ғалаба қозонишди. Шунингдек, “Бернли” “КПР” устидан ғалаба қозонди. “Вест Бромвич” эса ўз уйида “Халл Сити”ни мағлуб этди.

10 январь. Бернли. “Терф Мур” стадиони, 17523 томошабин.
Ҳакам: Андре Марринер (Бирмингем).
“Бернли” – “КПР” - 2:1 (2:1)
Голлар: Эрфилд, 12 (1:0). Остин, 33 – пенальтидан (1:1). Ингс, 37 (2:1).

10 январь. Вест Бромвич. “Хауторнс” стадиони, 24818 томошабин.
Ҳакам: Нил Сварбрик (Ланкашир).
“Вест Бромвич” – “Халл Сити” - 1:0 (0:0)
Гол: Берахино, 78 (1:0).

10 январь. Лондон. “Селхерст Парк” стадиони, 24193 томошабин.
Ҳакам: Энтони Тейлор (Манчестер).
“Кристал Пэлас” – Тоттенхэм” - 2:1 (0:0)
Голлар: Кейн, 49 (0:1). Гэйл, 69 – пенальтидан (1:1). Панчон, 80 (2:1).

10 январь. Лестер. “Кинг Пауэр” стадиони, 31728 томошабин.
Ҳакам: Майкл Оливер (Нортумберленд).
“Лестер Сити” - Астон Вилла” - 1:0 (1:0)
Гол: Кончески, 45+1 (1:0).

Тур трансфери: Виктор Вальдес

Ўтган йилнинг март ойидан бери жароҳати туфайли майдонга тушмай, энди сафга қайтган, лекин “Барселона”га керак бўлмай қолган дарвозабон Виктор Вальдес ўтган ҳафта “Манчестер Юнайтед” билан шартнома имзолади. Луи ван Гаал Линдегорддан кўра буниси тажрибалироқ деб ўйлади шекилли.

Тур жазолари: шафқатсиз ҳакамлар

АПЛ 21-турида ҳам ҳакамлар шафқатсиз чоралар кўришди. Ҳакамлар томонидан футболчиларга жами 39 марта сариқ карточка, 3 марта қизил карточка (биттаси тўғридан-тўғри) кўрсатилди.

21-тур: “энг, энг, энг...”

21-турда “энг, энг, энг” номинацияси бўйича ғолибларни аниқлаймиз. Демак, бу турда энг кўп гол урган футболчидан бошлаймиз.

Энг кўп гол урган футболчи
Алексис Санчес – 2та (“Арсенал”)

Энг тез урилган гол
Лоран Косенльни, 6-дақиқа (“Арсенал”)

Энг кўп томошабин
“Олд Траффорд” стадиони — 75395 томошабин

Энг кам томошабин
“Терф Мур” стадиони — 17523 томошабин

Энг кўп сариқ карточка кўрсатган ҳакам
Энтони Тэйлор – 8та сариқ (“Кристал Пэлас” – “Тоттенхем”)

Энг кам сариқ карточка кўрсатган ҳакамлар
Нил Сварбрик – 1та (“Вест Бромвич” – “Халл Сити”)
Майк Дин – 1та (“Суонси Сити” – “Вест Хэм”)

Тўпурарлар

15та
Диего Коста (“Челси”)

14та
Серхио Агуэро (“Манчестер Сити”, 2)

13та
Чарли Остин (“КПР”)

12та
Алексис Санчес (“Арсенал”)

9та
Паписс Сиссе (“Ньюкасл”, 1)
Вилфрид Бони (“Суонси Сити”, 1)
Саидо Берахино (“Вест Бромвич”, 3)

Автоголурарлар

Симон Миньоле (“Ливерпуль”)
Киран Гиббс (“Арсенал”)
Эстебан Камьбяссо, Уэсли Морган (“Лестер Сити”)
Уэсли Браун, Сантьяго Вергини, Лайам Бридкатт (“Сандерленд”)
Ричард Данн, Стивен Кокер, Недум Онуоха (“КПР”)
Эляким Мангалья, Пабло Сабалета, Мартин Демичелис (“Манчестер Сити”)
Кёртис Дэйвис (“Халл Сити”)
Харри Кэйн (“Тоттенхэм”)
Жон Терри (“Челси”)
Шеймус Коулмен, Ромелу Лукаку (“Эвертон”)
Али Сиссоко (“Астон Вилла”)
Марк Ноубл (“Вест Хэм”)
Пол Дамметт (“Ньюкасл”)
Жонжо Шелви (“Суонси Сити”)

21-тур рамзий терма жамоаси (uff.uz версияси)

Петр Чех (“Челси”, 1) - Скотт Данн (“Кристал Пэлас”, 1), Лоран Косельни (“Арсенал”, 4), Жозе Фонте (“Саутгемптон”, 5) - Лазар Маркович (“Ливерпуль”, 1), Морган Шнайдерлен (“Саутгемптон”, 3), Фернандиньо (“Манчестер Сити”, 2), Оскар (“Челси”, 2), Алексис Санчес (“Арсенал”, 7) - Эндрю Кэрролл (“Вест Хэм”, 2), Диего Коста (“Челси”, 4).

Тур қаҳрамони — Алексис Санчес (uff.uz версияси)

21-турнинг энг яхши футболчиси “Арсенал” ҳужумчиси Алексис Санчес бўлди. Айни шу куни Санчес доимгидек ишончли ҳаракат қилди. У шу куни дубль қайд этиш билан бирга битта голли пас ҳам берди. Умуман, ўйин охиригача диққат марказида турди.

22-тур ўйинлари

АПЛнинг 22-тур учрашувлари 17-19 январь кунлари бўлиб ўтади. Унда ҳам марказий учрашувлар топилади. Масалан, “Манчестер Сити” – “Арсенал”, “Ньюкасл” – “Саутгепмтон” ўйинлари ҳам катта қизиқиш билан кутилмоқда. Шунингдек, “Суонси” – “Челси”, “Астон Вилла” – “Ливерпуль”, “КПР” – “Манчестер Юнайтед” учрашувлари ҳам қизиқарли тус олади.

17 январь, шанба
“Лестер Сити” – “Сток Сити” (20:00)
“КПР” – “Манчестер Юнайтед” (20:00)
“Суонси Сити” – “Челси” (20:00)
“Тоттенхем” – “Сандерленд” (20:00)
“Астон Вилла” – “Ливерпуль” (20:00)
“Бернли” – “Кристал Пелас” (20:00)
“Ньюкасл” – “Саутгемптон” (22:30)

18 январь, якшанба
“Вест Хем” – “Халл Сити” (18:30)
“Манчестер Сити” – “Арсенал” (21:00)

20 январь, сешанба
“Эвертон” – “Вест Бромвич” (01:00)

Манба: www.uff.uz