Боксинг дэй бу сафар ҳам ғаройиботу ажойиботларга тўла бўлди. Бу турда “Челси”, “Манчестер Сити”, “Манчестер Юнайтед” жамоалари дуранг ўйнашди, худди келишиб олгандек.

“Арсенал” эса меҳмонда ғалаба қозонди. Умуман, боксинг дэй ўзининг таъсирини ўтказишни бошлади. Бу турда дуранглар кўпроқ қайд этилди.

Дарвозабонлардан мастер-класс

19-турда “Манчестер Юнайтед” сафарда “Тоттенхем” клуби меҳмони бўлди ва ўйинда ҳисоб очилмади. Ҳар икки жамоа учун ҳам учрашув қийин кечди. Лекин айнан дарвозабонларнинг маҳорати эвазига ҳар икки дарвоза ҳам ишғол қилинмади. Бу борада нафақат Де Хеага, балки Уго Льорисга-да тасанно айтиш керак.

28 декабрь. Лондон. “Уайт Харт Лэйн” стадиони, 35711 томошабин.
Ҳакам: Жонатан Мосс (Йоркшир).
“Тоттенхэм” – “Манчестер Юнайтед” - 0:0 (0:0)

“Челси” сафарда очко йўқотди

Саутгемптон шаҳрига ташриф буюрган “аристократлар” икки очкодан қуруқ қолишди. Аслида мезбонлар ҳисобда олдинга чиқиб олишганди. Боксинг дэй таъсиридан бўлса керак, “Челси” бу ўйинда анча қийналди. Лекин Азар аталмиш қутқарувчи бу гал ҳам жамоаси жонига ора кирди.

28 декабрь. Саутгемптон. “Сент-Мэрис” стадиони, 31641 томошабин.
Ҳакам: Энтони Тейлор (Манчестер).
“Саутгемптон” – “Челси” - 1:1 (1:1)
Голлар: Мане, 17 (1:0). Азар, 45+1 (1:1).

“Манчестер Сити” ҳам ўз уйида икки очкосиз қолди

“Манчестер Сити” ўз уйида аутсайдер жамоа “Бернли”ни қабул қилиб, дуранг қайд этди. Шу куни “шаҳарликлар” биринчи таймда анча яхши ҳаракат қилишди. Ҳатто 2:0 ҳисобида олдинда бораётган ҳам эдилар. Лекин иккинчи бўлимда майдонга “Бернли” аталмиш бошқа жамоа тушдими, ўйин охиригача ҳисобни тенглаштиришди.

28 декабрь. Манчестер. “Этихад” стадиони, 45608 томошабин.
Ҳакам: Кевин Френд (Лестершир).
“Манчестер Сити” – “Бернли” - 2:2 (2:0)
Голлар: Давид Сильва, 23 (1:0). Фернандиньо, 33 (2:0). Бойд, 47 (2:1). Барнс, 81 (2:2).

“Арсенал”дан ишончли ғалаба

Турнир жадвалида бир-бирини “қувиб келаётган” Лондон дербисида “Вест Хэм” ўз уйида “Арсенал”ни қабул қилди ва мағлубиятга учради. Айтиш керакки, шу куни ҳар икки жамоага ҳам осон бўлмади. Биринчи таймдаги ишонч иккинчи бўлимда сал сусайгандек бўлдию, бироқ “тўпчилар” ишончли тарзда 3 очколи бўлишди.

28 декабрь. Лондон. “Болейн Граунд” стадиони, 34977 томошабин.
Ҳакам: Нил Сварбрик (Ланкашир).
“Вест Хэм” – “Арсенал” - 1:2 (0:2)
Голлар: Санти Касорла, 41 – пенальтидан (0:1). Уэлбек, 44 (0:2). Куяте, 54 (1:2).

“Ливерпул”дан ҳам яна ғалаба

“Ливерпуль” ўз уйида “Суонси Сити” клубини қабул қилди ва йирик ҳисобда ғалаба қозонди. Алоҳида қайд этиш керакки, мезбонлар ғалаба учун ҳақли ҳаракат қилишди. Адам Лаллананинг голлари эса мезбонлар ғалабасига катта ҳисса қўшди ва мерсисайдликлар “Суонси”га очколар бўйича етиб олишди.

29 декабрь. Ливерпуль. “Энфилд” стадиони, 44714 томошабин.
Ҳакам: Андре Марринер (Бирмингем).
“Ливерпуль” – “Суонси Сити” - 4:1 (1:0)
Голлар: Морено, 33 (1:0). Лаллана, 51 (2:0). Сигурдссон, 52 (2:1). Лаллана, 61 (3:1). Шелви, 69 – ўз дарвозасига (4:1).

Маме Бирам Диуф – “Вест Бромвич” 2:0

“Британниа” стадионида “Сток Сити” жамоаси “Вест Бромвич”ни қабул қилди ва ҳақли тарзда ғалабага эришди. Алоҳида қайд этиш керакки, шу куни мезбонлар ҳужумчиси Маме Бирам Диуф 15 дақиқа ичида дубль қайд этиб, ўз жамоасига муҳим уч очкони тақдим этди.

28 декабрь. Сток-он-Тренте. “Британниа” стадиони, 27070 томошабин.
Ҳакам: Рожер Ист (Уилтшир).
“Сток Сити” – “Вест Бромвич - 2:0 (0:0)
Голлар: Диуф, 51 (1:0). Диуф, 66 (2:0).

Қолган-қутганлар

Турнинг бошқа ўйинлари ҳам қизиқарли тус олди. Масалан, “Халл Сити” – “Лестер Сити” ўйинида меҳмонлар ғалаба қозонишди. Шунингдек, “Ньюкасл” ҳам мағлубиятлар аламини “Эвертон”дан олиб, ғалаба қозонди. “КПР” – “Кристал Пэлас” ва “Астон Вилла” – “Сандерленд” ўйинларида ҳисоб очилмади.

28 декабрь. Кингстон-апон-Халл. “Кингстон Коммьюникейшн” стадиони, 23809 томошабин.
Ҳакам: Фил Дауд (Стэффордшир).
“Халл Сити” – “Лестер Сити” - 0:1 (0:1)
Гол: Маре, 32 (0:1).

28 декабрь. Лондон. “Лофтус Роуд” стадиони, 18011 томошабин.
Ҳакам: Майкл Жонс (Честер).
“КПР” – “Кристал Пэлас” - 0:0 (0:0)

28 декабрь. Бирмингем. “Вилла Парк” стадиони, 35436 томошабин.
Ҳакам: Мартин Аткинсон (Лидс).
“Астон Вилла” – “Сандерленд” - 0:0 (0:0)

28 декабрь. Ньюкасл. “Спортс Директ Арена” стадиони, 52313 томошабин.
Ҳакам: Крэйг Поусон (Лондон).
“Ньюкасл” – “Эвертон” - 3:2 (1:1)
Голлар: Коне, 5 (0:1). Сиссе, 34 (1:1). Айосе Перес, 51 (2:1). Колбэк, 68 (3:1). Миральяс, 84 (3:2).

Тур жазолари: шафқатсиз ҳакамлар

АПЛ 19-турида ҳам ҳакамлар енгил чоралар кўришди. Ҳакамлар томонидан футболчиларга жами 39 марта сариқ карточка, 4 марта қизил карточка (иккитаси тўғридан-тўғри) кўрсатилди.

19-тур: “энг, энг, энг...”

19-турда “энг, энг, энг” номинацияси бўйича ғолибларни аниқлаймиз. Демак, бу турда энг кўп гол урган футболчидан бошлаймиз.

Энг кўп гол урган футболчилар
Адам Лаллана – 2та (“Ливерпуль”)
Маме Бирам Диуф – 2та (“Сток Сити”)

Энг тез урилган гол
Аруна Коне, 5-дақиқа (“Эвертон”)

Энг кўп томошабин
“Спортс Директ Арена” стадиони — 52313 томошабин

Энг кам томошабин
“Лофтус Роуд” стадиони — 18011 томошабин

Энг кўп сариқ карточка кўрсатган ҳакам
Жонатан Мосс – 6та сариқ (“Тоттенхем” – “Манчестер Юнайтед”)

Энг кам сариқ карточка кўрсатган ҳакам
Андре Марринер – 1та (“Ливерпуль” – “Суонси Сити”)

Тўпурарлар

14та
Серхио Агуэро (“Манчестер Сити”, 2)

13та
Диего Коста (“Челси”)

12та
Чарли Остин (“КПР”)

10та
Алексис Санчес (“Арсенал”)

9та
Паписс Сиссе (“Ньюкасл”)

Автоголурарлар

Жонжо Шелви (“Суонси Сити”)
Симон Миньоле (“Ливерпуль”)
Киран Гиббс (“Арсенал”)
Эстебан Камьбяссо, Уэсли Морган (“Лестер Сити”)
Уэсли Браун, Сантьяго Вергини, Лайам Бридкатт (“Сандерленд”)
Ричард Данн, Стивен Кокер, Недум Онуоха (“КПР”)
Эляким Мангалья, Пабло Сабалета (“Манчестер Сити”)
Кёртис Дэйвис (“Халл Сити”)
Харри Кэйн (“Тоттенхэм”)
Жон Терри (“Челси”)
Шеймус Коулмен, Ромелу Лукаку (“Эвертон”)
Али Сиссоко (“Астон Вилла”)

19-тур рамзий терма жамоаси (uff.uz версияси)

Уго Льорис (“Тоттенхэм”, 1) - Алан Хаттон (“Астон Вилла”, 2), Федерико Фасио (“Тоттенхэм”, 1), Уэсли Морган (“Лестер”, 2), Альберто Морено (“Ливерпуль”, 2) - Адам Лаллана (“Ливерпуль”, 1), Фернандиньо (“Манчестер Сити”, 1), Жек Колбэк (“Ньюкасл”, 1), Эден Азар (“Челси”, 7) - Эшли Барнс (“Бернли”, 1), Маме Бирам Диуф (“Сток Сити”, 1).

Тур қаҳрамони — Адам Лаллана (uff.uz версияси)

19-турнинг энг яхши футболчиси “Ливерпуль” ярим ҳимоячиси Адам Лаллана бўлди. Айни шу куни Лаллана “Суонси”га қарши ўйинда ишончли ҳаракат қилди. Шунингдек, у дубль қайдт этиш билан бирга, анча фаол ҳаракат қилди, хавфли вазиятлар содир этди.

20-тур ўйинлари

АПЛнинг 20-тур учрашувлари 2015 йилнинг 1 январь куни бўлиб ўтади. Унда ҳам марказий учрашувлар топилади. Масалан, “Саутгемптон” – “Арсенал”, “Тоттенхем” – “Челси” ўйинлари ҳам катта қизиқиш билан кутилмоқда. Шунингдек, “Сток Сити” – “Манчестер Юнайтед”, “Манчестер Сити” – “Сандерленд” учрашувлари ҳам қизиқарли тус олади.

1 январь, пайшанба
“Сток Сити” – “Манчестер Юнайтед” (17:45)
“Астон Вилла” – “Кристал Пелас” (20:00)
“Халл Сити” – “Эвертон” (20:00)
“Ливерпуль” – “Лестер Сити” (20:00)
“Манчестер Сити” – “Сандерленд” (20:00)
“Ньюкасл” – “Бернли” (20:00)
“КПР” – “Суонси Сити” (20:00)
“Саутгемптон” – “Арсенал” (20:00)
“Вест Хем” – “Вест Бромвич” (20:00)
“Тоттенхем” – “Челси” (22:30)

Манба: www.uff.uz