Англия премьер лигасининг 12-тури бу сафар ҳам ғаройиботу ажойиботларга тўла бўлди. “Челси”, “Манчестер Юнайтед” ва “Манчестер Сити” жамоалари ғалаба қозондилар. “Ливерпуль” ютқазишда, “Ньюкасл” эса ютишда давом этмоқда.

Тур ўйини: Руни қайтди

12-турда “Арсенал” ўз уйида “Манчестер Юнайтед” клубини қабул қилди ва мағлубиятга учради. Мағлубиятга “тўпчилар”нинг ўзлари ҳам “қарашиб” юбордилар. Гиббснинг ўз дарвозасига урган голи ҳисобни очиб берди. Энг қизиғи, “Арсенал” футболчилари иккита гол уришди, лекин “МЮ” битта гол билан ғалаба қозонишди.

22 ноябрь. Лондон. “Эмирейтс” стадиони, 60074 томошабин.
Ҳакам: Майк Дин (Хесволл).
“Арсенал” – “Манчестер Юнайтед” - 1:2 (0:0)
Голлар: Гиббс, 56 – ўз дарвозасига (0:1). Руни, 85 (0:2). Жиру, 90+5 (1:2).

“Челси” хотиржам тарзда олға борадир

“Стемфорд Бриж” стадионида “аристократлар” “Вест Бромвич”ни қабул қилди ва ишончли тарзда ғалабага эришди. Ушбу ўйинда Диего Коста ва Эден Азар биттадан гол уриб, жамоасининг ғалабасини таъминлади.

22 ноябрь. Лондон. “Стэмфорд Бриж” стадиони, 41600 томошабин.
Ҳакам: Ли Мэйсон (Болтон).
“Челси” – “Вест Бромвич” - 2:0 (2:0)
Голлар: Диего Коста, 11 (1:0). Азар, 25 (2:0).

Туре — барибир Туре-да!

Манчестер шаҳрида “шаҳарликлар” “Суонси Сити” жамоасини қабул қилиб, Йоветич ва Туренинг голлари эвазига ғалаба қозонишди. Улар ҳозирча 3-ўринни маҳкам ушлаб қолиш пайида, лекин иккинчи ўрин учун имконият бор. Кейинги турда бундан фойдаланиб, иккинчи поғонага ҳам кўтарилиб олиши мумкин.

22 ноябрь. Манчестер. “Этихад” стадиони, 45488 томошабин.
Ҳакам: Нил Сварбрик (Ланкашир).
“Манчестер Сити” – “Суонси Сити” - 2:1 (1:1)
Голлар: Бони, 9 (0:1). Йоветич, 19 (1:1). Туре, 62 (2:1).

“Ньюкасл” ростданам қайтмоқда

Ньюкасл шаҳрида меҳмон бўлган “КПР” клуби кичик ҳисобда мағлубиятга учради. “Ньюкасл” энди ўзига кела бошлади. Жамоа аъзоларининг аксарияти ёш бўлишига қарамай, бу клуб айни пайтда “МЮ” билан бир хил очко жамлаган ҳолда мусобақа жадвалининг 5-ўрнини банд қилиб турибди.

22 ноябрь. Ньюкасл. “Спортс Директ Арена” стадиони, 51915 томошабин.
Ҳакам: Крис Фой (Мерсисайд).
“Ньюкасл” – “КПР” - 1:0 (0:0)
Гол: Сиссоко, 78 (1:0).

Балотеллининг югургани шу ергачамиди?

Лондонда яна бир муҳим учрашув бўлиб ўтди. Унда “Кристал Пэлас” ўз уйида грандлар сафидан чиқаётган “Ливерпуль” клубини қабул қилди ва кутил(ма)ганда ғалаба қозонди. Аввалига меҳмонлар ҳисобни очишганди, лекин кейин мезбонлар “меҳмондўстлик” қилишиб, учта гол уриб ташлашди.

23 ноябрь. Лондон. “Селхерст Парк” стадиони, 24862 томошабин.
Ҳакам: Жонатан Мосс (Йоркшир).
“Кристал Пэлас” – “Ливерпуль” - 3:1 (1:1)
Голлар: Ламберт, 2 (0:1). Гэйл, 17 (1:1). Ледли, 78 (2:1). Единак, 81 (3:1).

“Саутгемптон”га кўз тегди(ми?)

Охирги турларда фақат ғалаба қозониб келаётган “Саутгемптон” клуби ва ниҳоят Бирмингемда очко йўқотди. “Астон Вилла” меҳмони бўлган “Саутгемптон” сал қолса, мағлубиятга ҳам учраши мумкин эди. Лекин сўнгги дақиқаларда ҳимоячи Клайн ҳисобни тенглаштирди.

24 ноябрь. Бирмингем. “Вилла Парк” стадиони, 25311 томошабин.
Ҳакам: Фил Дауд (Стэффордшир).
“Астон Вилла” – “Саутгемптон” - 1:1 (1:0)
Голлар: Агбонлахор, 29 (1:0). Клайн, 81 (1:1).

Қолган-қутганлар

Турнинг бошқа ўйинлари ҳам қизиқарли тус олди. Масалан, “Эвертон” жамоаси ўз уйида ғалаба қайд этган бўлса, “Сандерленд” меҳмонда дурангни расмийлаштирди. “Бернли” ҳужумчиси Дэнни Ингснинг икки дақиқада урган дубли жамоасига ғалаба тақдим этди.

22 ноябрь. Ливерпуль. “Гудисон Парк” стадиони, 39182 томошабин.
Ҳакам: Марк Клаттенбург (Ньюкасл-апон-Тайн).
“Эвертон” – “Вест Хэм” - 2:1 (1:0)
Голлар: Лукаку, 26 (1:0). Сарате, 56 (1:1). Осман, 73 (2:1).

22 ноябрь. Лестер. “Кинг Пауэр” стадиони, 31825 томошабин.
Ҳакам: Роберт Мэдли (Йоркшир).
“Лестер Сити” – “Сандерленд” - 0:0 (0:0)

22 ноябрь. Сток-он-Тренте. “Британниа” стадиони, 27018 томошабин.
Ҳакам: Мартин Аткинсон (Лидс).
“Сток Сити” – “Бернли” - 1:2 (1:2)
Голлар: Ингс, 12 (0:1). Ингс, 13 (0:2). Уолтерс, 32 (1:2).

23 ноябрь. Кингстон-апон-Халл. “Кингстон Коммьюникейшн” стадиони, 23561 томошабин.
Ҳакам: Крэйг Поусон (Лондон).
“Халл Сити” – “Тоттенхэм” - 1:2 (1:0)
Голлар: Ливермур, 8 (1:0). Кейн, 61 (1:1). Эриксен, 90 (1:2).

Тур жазолари: шафқатсиз ҳакамлар

АПЛ 12-турида ҳам ҳакамлар кескин чоралар кўришди. Ҳакамлар томонидан футболчиларга жами 36 марта сариқ карточка, 2 марта қизил карточка кўрсатилди. Ҳар икки қизил қарточка ҳам тўғридан-тўғри кўрсатилган.

12-тур: “энг, энг, энг...”

12-турда “энг, энг, энг” номинацияси бўйича ғолибларни аниқлаймиз. Демак, бу турда энг кўп гол урган футболчидан бошлаймиз.

Энг кўп гол урган футболчи
Дэнни Ингс – 2та (“Бернли”)

Энг кўп томошабин
“Эмирейтс” стадиони — 60074 томошабин

Энг кам томошабин
“Кингстон Коммьюникейшн” стадиони — 23561 томошабин

Энг кўп сариқ карточка кўрсатган ҳакамлар
Марк Клаттенбург – 5та (“Эвертон” – “Вест Хэм”)
Роберт Мэдли – 5та (“Лестер Сити” – “Сандерленд”)
Крис Фой – 5та (“Ньюкасл” – “КПР”)

Энг кам сариқ карточка кўрсатган ҳакам
Ли Мэйсон – 1та (“Челси” – “Вест Бромвич”)

Тўпурарлар

12та
Серхио Агуэро (“Манчестер Сити”, 2)

11та
Диего Коста (“Челси”)

8та
Алексис Санчес (“Арсенал”)

7та
Саидо Берахино (“Вест Бромвич”, 3)

Автоголурарлар

Киран Гиббс (“Арсенал”)
Эстебан Камьбяссо (“Лестер Сити”)
Уэсли Браун, Сантьяго Вергини, Лайам Бридкатт (“Сандерленд”)
Ричард Данн, Стивен Кокер, Недум Онуоха (“КПР”)
Эляким Мангалья, Пабло Сабалета (“Манчестер Сити”)
Кёртис Дэйвис (“Халл Сити”)
Харри Кэйн (“Тоттенхэм”)
Жон Терри (“Челси”)
Шеймус Коулмен (“Эвертон”)
Али Сиссоко (“Астон Вилла”)

12-тур рамзий терма жамоаси (uff.uz версияси)

Давид Де Хеа (“Манчестер Юнайтед”, 2) - Натаниэль Клайн (“Саутгемптон”, 1), Пол Дамметт (“Ньюкасл”, 1), Гэри Кэхилл (“Челси”, 2), Жоэл Уорд (“Кристал Пэлас”, 1) - Мусса Сиссоко (“Ньюкасл”, 2), Миле Единак (“Кристал Пэлас”, 1), Яҳё Туре (“Манчестер Сити”, 2) - Эден Азар (“Челси”, 4) - Уэйн Руни (“Манчестер Юнайтед”, 1), Дэнни Ингс (“Бернли”, 1).

Тур қаҳрамони — Дэнни Ингс (uff.uz версияси)

12-турнинг энг яхши футболчиси “Бернли” ҳужумчиси Дэнни Ингс бўлди. Айни шу куни “Бернли” клубининг ғалабасига у катта ҳисса қўшди. Ингс икки дақиқа ичида иккита гол киритди.

13-тур ўйинлари

АПЛнинг 13-тур учрашувлари 29-30 ноябрь кунлари бўлиб ўтади. Ушбу турда “Саутгемптон” ўз уйида “Манчестер Сити” клубини қабул қилади. Шунингдек, “Тоттенхем” – “Эвертон”, “Вест Бромвич” – “Арсенал” учрашувлари ҳам қизиқарли ту олади.

29 ноябрь, шанба
“Вест Бромвич” – “Арсенал” (17:45)
“Бернли” – “Астон Вилла” (20:00)
“Ливерпуль” – “Сток Сити” (20:00)
“Манчестер Юнайтед” – “Халл Сити” (20:00)
“КПР” – “Лестер Сити” (20:00)
“Суонси Сити” – “Кристал Пелас” (20:00)
“Вест Хем” – “Ньюкасл” (20:00)
“Сандерленд” – “Челси” (22:30)

30 ноябрь, якшанба
“Саутгемптон” – “Манчестер Сити” (18:30)
“Тоттенхем” – “Эвертон” (21:00)