Англия премьер лигасининг 11-тури бу сафар ҳам ғаройиботу ажойиботларга тўла бўлди.

“Челси” меҳмонда “Ливерпуль” клубини бир амаллаб ютиб олди. Агуэронинг дубли “Манчестер Сити”ни мағлубиятдан қутқариб қолди. “Тоттенхем” ютқазишда, “Ньюкасл” ютишда давом этмоқда. "Арсенал" эса барқарорликни топа олмаяпти.

Тур ўйини: енгилмас "Челси"

11-турда “Ливерпуль” ўз уйида “Челси” клубини қабул қилди ва яна ютқазди. Мерсисайдликлар бу ўйини билан тобора пастга қулаётган бўлсалар, "аристократлар" 1-ўрнини тобора мустаҳкамлаб бормоқда.

8 ноябрь. Ливерпуль. "Энфилд" стадиони, 44698 томошабин.
Ҳакам: Энтони Тейлор (Манчестер).
"ЛИВЕРПУЛЬ" - "ЧЕЛСИ" - 1:2 (1:1)
Голлар: Жан, 9 (1:0). Кэхилл, 14 (1:1). Диего Коста, 67 (1:2).

Шейн Лонг аталмиш "қотил"

"Саутгемптон" ўз уйида "Лестер Сити" клубини қабул қилди ва ғалаба қозонди. 75-дақиқагача мезбонлар рақиб дарвозасини ишғол қила олмади. Лекин 68-дақиқадаги ўйинчи алмаштиришдан кейин Шейн Лонг майдонга тушиб, дубль қайд этди.

8 ноябрь. Саутгемптон. "Сент-Мэрис" стадиони, 31297 томошабин. 
Ҳакам: Майкл Оливер (Нортумберленд).
"САУТГЕМПТОН" - "ЛЕСТЕР СИТИ" - 2:0 (0:0)
Голлар: Лонг, 75 (1:0). Лонг, 80 (2:0).

Лондондаги йўқотиш

Лондоннинг "КПР" жамоаси "шаҳарликлар"дан очко олишга муваффақ бўлишди. Лекин Серхио Агуэро отлиқ бир "ўзга сайёралик" футболчи ўз дубли билан жамоасини мағлубиятдан қутқариб қолди.

8 ноябрь. Лондон. "Лофтус Роуд" стадиони, 18005 томошабин. 
Ҳакам: Майк Дин (Хесволл).
"КПР" - "МАНЧЕСТЕР СИТИ" - 2:2 (1:1)
Голлар: Остин, 21 (1:0). Агуэро, 32 (1:1). Демичелис, 76 - ўз дарвозасига (2:1). Агуэро, 83 (2:2).

Кичик ҳисобдаги натижа

Ўтган турда мағлубиятга учраган Луи ван Гаал шогирдлари бу гал ўз уйида "Кристал Пэлас"ни кичик ҳисобда енгди. Ягона голга Хуан Мата муаллифлик қилди.

8 ноябрь. Манчестер. "Олд Траффорд" стадиони, 75325 томошабин. 
Ҳакам: Крис Фой (Мерсисайд).
"МАНЧЕСТЕР ЮНАЙТЕД" - "КРИСТАЛ ПЭЛАС" - 1:0 (0:0)
Гол: Мата, 67 (1:0).

Тур сенсацияси: Санчес бу гал ёрдам беролмади

Суонси шаҳрига ташриф буюрган "тўпчилар" кутил(ма)ганда мезбонларга ютқазиб қўйди. Айнан шу ғалаба бу икки жамоанинг мусобақа жадвалидаги жойлашувига жиддий таъсир кўрсатиши мумкин эди. Шундай бўлди ҳам. "Суонси" "Арсенал"дан олдинга ўтиб кетди.

9 ноябрь. Суонси. "Либерти" стадиони, 20812 томошабин. 
Ҳакам: Фил Дауд (Стэффордшир).
"СУОНСИ СИТИ" - "АРСЕНАЛ" - 2:1 (0:0)
Голлар: Санчес, 63 (0:1). Сигурдссон, 75 (1:1). Гомис, 78 (2:1).

“Ньюкасл”нинг ишончли ғалабаси

Мана, бир неча турдирки, мағлубият нималигини билмай келаётган "Ньюкасл" жамоаси бу турда ҳам меҳмонда ғалабага эришди. Бу гал у жадвалда бирин-кетин турган рақиби "Вест Бромвич"ни енгиб, уни ортда қолдириб кетди.

9 ноябрь. Вест Бромвич. "Хауторнс" стадиони, 26476 томошабин. 
Ҳакам: Крэйг Поусон (Лондон).
"ВЕСТ БРОМВИЧ" - "НЬЮКАСЛ" - 0:2 (0:1)
Голлар: Айосе Перес, 45 (0:1). Колоччини, 62 (0:2).

Қолган-қутганлар

Турнинг бошқа ўйинлари ҳам қизиқарли тус олди. Масалан, “Эвертон” жамоаси меҳмонда яна дуранг қайд этган бўлса, “Сток Сити” меҳмонда 3 очкони расмийлаштирди. “Бернли” эса ниҳоят ғалаба қозонди.

8 ноябрь. Лондон. "Болейн Граунд" стадиони, 34857 томошабин. 
Ҳакам: Жонатан Мосс (Йоркшир).
"ВЕСТ ХЭМ" - "АСТОН ВИЛЛА" - 0:0 (0:0)

8 ноябрь. Бернли. "Терф Мур" стадиони, 16998 томошабин. 
Ҳакам: Марк Клаттенбург (Ньюкасл-апон-Тайн).
"БЕРНЛИ" - "ХАЛЛ СИТИ" - 1:0 (0:0)
Гол: Барнс, 50 (1:0).

9 ноябрь. Сандерленд. "Стадиум оф Лайт" стадиони, 43476 томошабин. 
Ҳакам: Ли Мэйсон (Болтон).
"САНДЕРЛЕНД" - "ЭВЕРТОН" - 1:1 (0:0)
Голлар: Ларссон, 67 (1:0). Бэйнс, 76 - пенальтидан (1:1).

9 ноября. Лондон. "Уайт Харт Лэйн" стадиони, 35699 томошабин. 
Ҳакам: Майкл Жонс (Честер).
"ТОТТЕНХЭМ" - "СТОК СИТИ" - 1:2 (0:2)
Голлар: Кркич, 6 (0:1). Уолтерс, 33 (0:2). Шодли, 77 (1:2).

Тур жазолари: шафқатсиз ҳакамлар

АПЛ 11-турида ҳам ҳакамлар кескин чоралар кўришди. Ҳакамлар томонидан футболчиларга жами 52 марта сариқ карточка, 1 марта тўғридан-тўғри қизил карточкакўрсатилди. Шунингдек, “Вест Бромвич” – “Ньюкасл” ўйинини бошқарган ҳакам Крейг Поусон ўз чўнтагидан биронта ҳам карточка чиқармади.

11-тур: “энг, энг, энг...”

11-турда “энг, энг, энг” номинацияси бўйича ғолибларни аниқлаймиз. Демак, бу турда энг кўп гол урган футболчидан бошлаймиз.

Энг кўп гол урган футболчилар
Шейн Лонг – 2та (“Саутгемптон”)
Серхио Агуэро – 2та (“Манчестер Сити”)

Энг кўп томошабин
“Олд Тарффорд” стадиони — 75325 томошабин

Энг кам томошабин
“Терф Мур” стадиони — 16998 томошабин

Энг кўп сариқ карточка кўрсатган ҳакамлар
Марк Клаттенбург – 10та (“Бернли” – “Халл Сити”)
Фил Дауд - 10та ("Суонси Сити" - "Арсенал")

Энг кам сариқ карточка кўрсатган ҳакам
Крейг Поусон – 0 (“Вест Бромвич” – “Ньюкасл”)

Тўпурарлар

12та
Серхио Агуэро (“Манчестер Сити”, 2)

10та
Диего Коста (“Челси”)

8та
Алексис Санчес (“Арсенал”)

7та
Саидо Берахино (“Вест Бромвич”, 3)

6та
Грациано Пелле (“Саутгемптон”)
Чарли Остин ("КПР")
Носир Шодли ("Тоттенхэм")

Автоголурарлар

Эстебан Камьбяссо (“Лестер Сити”)
Уэсли Браун, Сантьяго Вергини, Лайам Бридкатт (“Сандерленд”)
Ричард Данн, Стивен Кокер, Недум Онуоха (“КПР”)
Мартин Демичелис, Эляким Мангалья, Пабло Сабалета (“Манчестер Сити”)
Кёртис Дэйвис (“Халл Сити”)
Харри Кэйн (“Тоттенхэм”)
Жон Терри (“Челси”)
Шеймус Коулмен (“Эвертон”)
Али Сиссоко (“Астон Вилла”)

11-тур рамзий терма жамоаси (uff.uz версияси)

Брэд ГУЗАН (Астон Вилла, 2) - Дэрил ЯНМАТ (Ньюкасл, 1), Фабрисио КОЛОЧЧИНИ (Ньюкасл, 2), Гэри КЭХИЛЛ (Челси, 1), Сесар АСПИЛИКУЭТА (Челси, 1) - Виктор ВАНЬЯМА (Саутгемптон, 2), Хуан МАТА (Манчестер Юнайтед), Гюльфи СИГУРДССОН (Суонси, 2) - Шэйн ЛОНГ (Саутгемптон, 1), Чарли ОСТИН (КПР, 2), Серхио АГУЭРО (Манчестер Сити, 2)

Тур қаҳрамони — Шейн Лонг (uff.uz версияси)

11-турнинг энг яхши футболчиси бу сафар Шейн Лонг бўлди. Айни шу куни “Саутгемптон” клубининг ғалабасига у катта ҳисса қўшди. 68-дақиқада майдонга тушган Лонг 0:0 ҳисобини 2:0га ўзгартириб, жамоасининг ишончли ғалабасини таъминлади.

12-тур ўйинлари

АПЛнинг 12-тур учрашувлари 22-24 ноябрь кунлари бўлиб ўтади. Ушбу турнинг марказий учрашуви, албатта, "Арсенал" - "Манчестер Юнайтед" тўқнашувидир. Шунингдек, “Манчестер Сити” – “Суонси”, “Ньюкасл” – “КПР” учрашувлари ҳам қизиқарли тус олади.

22 ноябрь, шанба
ЧЕЛСИ : ВЕСТ БРОМВИЧ (20:00)
ЭВЕРТОН : ВЕСТ ХЭМ (20:00)
ЛЕСТЕР СИТИ : САНДЕРЛЕНД (20:00)
МАНЧЕСТЕР СИТИ : СУОНСИ СИТИ (20:00)
НЬЮКАСЛ : КПР (20:00)
СТОК СИТИ : БЕРНЛИ (20:00)
АРСЕНАЛ : МАНЧЕСТЕР ЮНАЙТЕД (22:30)

23 ноябрь, якшанба
КРИСТАЛ ПЭЛАС : ЛИВЕРПУЛЬ (18:30) 
ХАЛЛ СИТИ : ТОТТЕНХЭМ (21:00)

25 ноябрь, сешанба
АСТОН ВИЛЛА : САУТГЕМПТОН (01:00)

Manba: Uff.uz