Bosh sahifa » 2014 » Noyabr » 5 » АПЛ: 10-тур ҳайратлари

---

15:08 АПЛ: 10-тур ҳайратлари

Англия премьер лигасининг 10-тури бу сафар ҳам ғаройиботу ажойиботларга тўла бўлди. “Манчестер Сити” ўз уйида 10 кишилик “Манчестер Юнайтед” клубини бир амаллаб ютиб олди. Санчеснинг дубли “Арсенал”га ғалаба келтирди. “Ливерпуль” ютқазишда, “Ньюкасл” ютишда давом этмоқда. Тур дербиси: Нимадир бўлди 10-турда “Манчестер Сити” ўз уйида “Манчестер Юнайтед” клубини қабул қилди ва қийинчилик билан ғалаба қозонди. Албатта, бу дерби, осон ўйин бўлмайди. Смоллинг йўқ жойдан қизил карточка олмаганида учрашув нурсиз дуранг билан ҳам тугаши мумкин эди. Лекин натижа муҳим, Агуэро 10та гол билан пешқадам тўпурар. 2 ноябрь. Манчестер. “Этихад” стадиони, 45358 томошабин. Ҳакам: Майкл Оливер (Нортумберленд). “Манчестер Сити” – “Манчестер Юнайтед” - 1:0 (0:0) Гол: Агуэро, 63 (1:0). Санчесни сотганига “Барса” пушаймонми? “Эмирейтс” стадионида “тўпчилар” аутсайдер жамоа “Бернли”ни қабул қилди ва ишончли тарзда йирик ғалабага эришди. Ушбу ўйинда ҳам Алексис Санчес дубль қайд этиб, жамоасининг ғалабага катта ҳисса қўшди. 1 ноябрь. Лондон. “Эмирейтс” стадиони, 60012 томошабин. Ҳакам: Крэйг Поусон (Лондон). “Арсенал” – “Бернли” - 3:0 (0:0) Голлар: Санчес, 70 (1:0). Чамберс, 72 (2:0). Санчес, 90+1 (3:0). “Саутгемптон” — янги гранд жамоа Мусобақа жадвалидаги иккинчи ўрнини бошқаларга бериш нияти йўқлигини исботлаб келаётган “Саутгемптон” клуби бу турда ҳам кичик ҳисобдаги ғалабага эришди ва 3 очколи бўлди. Ягона тезкор голни Ваняма киритди. 1 ноябрь. Кингстон-апон-Халл. “Кингстон Коммьюникейшн” стадиони, 22828 томошабин. Ҳакам: Мартин Аткинсон (Лидс). “Халл Сити” – “Саутгемптон” - 0:1 (0:1) Гол: Ваньяма, 2 (0:1). “Ливерпуль” ютқазишда, “Ньюкасл” ютишда давом этади Ньюкасл шаҳрида меҳмон бўлган “Ливерпуль” клуби қийинчилик билан кичик ҳисобда мағлубиятга учради. “Ньюкасл” эса энди ўзига кела бошлади. Нима қипти, шу ғалабалари билан очколар бўйича “МЮ”га етиб олди. 1 ноябрь. Ньюкасл. “Спортс Директ Арена” стадиони, 52166 томошабин. Ҳакам: Андре Марринер (Бирмингем). “Ньюкасл” – “Ливерпуль” - 1:0 (0:0) Гол: Айосе Перес, 73 (1:0). Костанинг югургани шу ергачамиди? Кичик Лондон дербиси мақомига эга ўйинда “Челси” “КПР” устидан ғалаба қозонди. Шу тургача тўпурар бўлиб турган Диего Коста майдонда 78 дақиқа ҳаракат қилди ва гол уролмади. Натижада, Агуэро олдинга ўтиб кетди. 1 ноябрь. Лондон. “Стэмфорд Бриж” стадиони, 41486 томошабин. Ҳакам: Майкл Жонс (Честер). “Челси” – “КПР” - 2:1 (1:0) Голлар: Оскар, 32 (1:0). Остин, 62 (1:1). Азар, 75 – пенальтидан (2:1). “Тоттенхем”нинг иродали ғалабаси Ўтган турда ўз уйида 2:1 ҳисобида ютқазган “Тоттенхем” бу гал меҳмонда иродали ғалабага эришди. Кичик ҳисобда ортда бораётган “тақачилар” кейинчалик ташаббусни қўлига олиб, иккита гол билан югуриб кетишди. 2 ноябрь. Бирмингем. “Вилла Парк” стадиони, 32049 томошабин. Ҳакам: Нил Сварбрик (Ланкашир). “Астон Вилла” – “Тоттенхэм” - 1:2 (1:0) Голлар: Вайманн, 16 (1:0). Шадли, 84 (1:1). Кейн, 90 (1:2). Қолган-қутганлар Турнинг бошқа ўйинлари ҳам қизиқарли тус олди. Масалан, “Эвертон” жамоаси ўз уйида нурсиз дуранг қайд этган бўлса, “Сандерленд” меҳмонда 3 очкони расмийлаштирди. “Лестер” футболчиси Эстебан Камьбяссонинг ягона голи “Вест Бромвич”га ғалаба тақдим этди. 1 ноябрь. Сток-он-Тренте. “Британниа” стадиони, 27174 томошабин. Ҳакам: Крис Фой (Мерсисайд). “Сток Сити” – “Вест Хэм” - 2:2 (1:0) Голлар: Мозес, 33 (1:0). Диуф, 56 (2:0). Валенсия, 60 (2:1). Даунинг, 73 (2:2). 1 ноябрь. Лестер. “Кинг Пауэр” стадиони, 31819 томошабин. Ҳакам: Стюарт Атвелл (Нунатон). “Лестер Сити” – “Вест Бромвич” - 0:1 (0:0) Гол: Камбьяссо, 47 – ўз дарвозасига (0:1). 3 ноябрь. Лондон. “Селхерст Парк” стадиони, 23212 томошабин. Ҳакам: Фил Дауд (Стэффордшир). “Кристал Пэлас” – “Сандерленд” - 1:3 (0:1) Голлар: Флетчер, 31 (0:1). Браун, 55 – ўз дарвозасига (1:1). Хорди Гомес, 79 (1:2). Флетчер, 90+5 (1:3). 1 ноябрь. Ливерпуль. “Гудисон Парк” стадиони, 39149 томошабин. Ҳакам: Кевин Френд (Лестершир). “Эвертон” – “Суонси Сити” - 0:0 (0:0) Тур жазолари: шафқатсиз ҳакамлар АПЛ 10-турида ҳам ҳакамлар кескин чоралар кўришди. Ҳакамлар томонидан футболчиларга жами 32 марта сариқ карточка, 4 марта қизил карточка кўрсатилди. Шунингдек, “Челси” – “КПР” ўйинини бошқарган ҳакам Майкл Жонс ўз чўнтагидан биронта ҳам карточка чиқармади. Ўтган турда ҳам шу ҳакам чўнтагидан карточка чиқаришга эринганди. 10-тур: “энг, энг, энг...” 10-турда “энг, энг, энг” номинацияси бўйича ғолибларни аниқлаймиз. Демак, бу турда энг кўп гол урган футболчидан бошлаймиз. Энг кўп гол урган футболчилар Алексис Санчес – 2та (“Арсенал”) Стивен Флетчер – 2та (“Сандерленд”) Энг кўп томошабин “Эмирейтс” стадиони — 60012 томошабин Энг кам томошабин “Кингстон Коммьюникайшн” стадиони — 22828 томошабин Энг кўп сариқ карточка кўрсатган ҳакам Андре Марринер – 7та (“Ньюкасл” – “Ливерпуль”) Энг кам сариқ карточка кўрсатган ҳакам Майкл Жонс – 0 (“Челси” – “КПР”) Тўпурарлар 10та Серхио Агуэро (“Манчестер Сити”, 2) 9та Диего Коста (“Челси”) 7та Саидо Берахино (“Вест Бромвич”, 3) Алексис Санчес (“Арсенал”) 6та Грациано Пелле (“Саутгемптон”) Автоголурарлар Эстебан Камьбяссо (“Лестер Сити”) Уэсли Браун, Сантьяго Вергини, Лайам Бридкатт (“Сандерленд”) Ричард Данн, Стивен Кокер, Недум Онуоха (“КПР”) Эляким Мангалья, Пабло Сабалета (“Манчестер Сити”) Кёртис Дэйвис (“Халл Сити”) Харри Кэйн (“Тоттенхэм”) Жон Терри (“Челси”) Шеймус Коулмен (“Эвертон”) Али Сиссоко (“Астон Вилла”) 10-тур рамзий терма жамоаси (uff.uz версияси) Жо Харт (“Манчестер Сити”, 2) - Калум Чамберс (“Арсенал”, 1), Фабрисио Колоччини (“Ньюкасл”, 1), Жозе Фонте (“Саутгемптон”, 2), Гаэль Клиши (“Манчестер Сити”, 2) - Виктор Ваньяма (“Саутгемптон”, 1), Мусса Сиссоко (“Ньюкасл”, 1) - Стюарт Даунинг (“Вест Хэм”, 1), Оскар (“Челси”, 1), Алексис Санчес (“Арсенал”, 4) - Стивен Флетчер (“Сандерленд”, 2). Тур қаҳрамони — яна Алексис Санчес (uff.uz версияси) 10-турнинг энг яхши футболчиси яна Алексис Санчес бўлди. Айни шу куни “Арсенал” клубининг ғалабасига у катта ҳисса қўшди. Санчес кетма-кет иккинчи марта тур қаҳрамони мақомига лойиқ кўрилмоқда. 11-тур ўйинлари АПЛнинг 11-тур учрашувлари 8-9 ноябрь кунлари бўлиб ўтади. Ушбу турда “Ливерпуль” ўз уйида “Челси” клубини қабул қилади. Шунингдек, “Вест Бромвич” – “Ньюкасл”, “Суонси” – “Арсенал” учрашувлари ҳам қизиқарли ту олади. 8 ноябрь, шанба “Ливерпуль” – “Челси” (17:45) “Вест Хем” – “Астон Вилла” (20:00) “Бернли” – “Халл Сити” (20:00) “Манчестер Юнайтед” – “Кристал Пелас” (20:00) “Саутгемптон” – “Лестер Сити” (20:00) “КПР” – “Манчестер Сити” (22:30) 9 ноябрь, якшанба “Вест Бромвич” – “Ньюкасл” (18:30) “Сандерленд” – “Эвертон” (18:30) “Тоттенхем” – “Сток Сити” (18:30) “Суонси Сити” – “Арсенал” (21:00

1 2 3 4 5 O'qildi: 821 | Kiritdi: BR_HAKKIYEV | Reyting: 0.0/0

Вarcha fikrlar: 1
Порядок вывода комментариев: По умолчанию Сначала новые Сначала старые 0Спам 1 @rSeNaL_^ • 22:30, 05-Noy-14 yaxshi