Bosh sahifa » 2017 » Fevral » 26 » "Александр Лаказетт" қўлга киритолмаган жамоалар

---

01:32 "Александр Лаказетт" қўлга киритолмаган жамоалар

Нафақат Франция чемпионати, балки дунёнинг кўзга кўринган ҳужумчиларидан бири бўлган Александр Лаказетт мана икки йилдирки, «Лион»дан кетиш ниятида. Шу давр ичида у бир қатор рисоладагидек таклифлар олган бўлсада, Лионни тарк этмади. «ПСЖ» (Париж, Франция) Қачон харидор бўлган: 2015 йил Таклиф баҳоси: 45 млн. евро Молиявий «фэйр-плей» қоидаларига амал қилмаганлиги учун трансфер мавсумларидан четлатилган «ПСЖ» жазо муддати тугаши ҳамоно бозор сари отланди. 2015 йил ёз ойларида жамоа таркибни бир қатор ўйинчилар, жумладан, ҳужумкор футболчилар билан кучайтиришни режалаштирганди. Парижликлар Поль Погба ва Александр Лаказетт­ни нишонга олгандилар. Ўша пайтда улардан кўра жиддийроқ муаммога дуч келган «МЮ» айнан шу футболчиларни кўз остига олиб қўйганди. Ҳар икки харидор ҳам Лаказетт учун 30 млн. евро таклиф этишди. Аммо бу нарх «Лион»ни қониқтирмади. «МЮ»дан фарқли ўлароқ, «ПСЖ» Лига 1нинг энг яхши тўпурарини қўлга киритиш режасидан воз кечмай, музокарани давом эттирди. Президентларнинг ўзаро учрашувида томонлар бир тўхтамга келишди - парижликлар Лаказетт учун 45 млн. евродан воз кечадилар, лекин ҳужумчи яна бир мавсум «Лион»да тўп сурганидан кейин янги жамоасига йўл олади. Буни қарангки, деярли нақддек кўринган келишув ҳам амалга ошмади - сўнгги паллада «Лион» соҳиби Жан-Мишель Олес лафзидан қайтиб, бундай сермаҳсул ҳужумчи учун 50 млн. ҳам кам эканини маълум қилди. Охир-оқибат, «ПСЖ» «МЮ» вакили Анхель Ди Марияни сафига қўшиб олди. «Арсенал» (Лондон, Англия) Қачон харидор бўлган: 2016 йил Таклиф баҳоси: 40 млн. евро Кейинчалик Арсен Венгер Лаказеттни ўз жамоасига қўшиб олишга уриниб кўрди. Маълумки франциялик мутахассис ўз юртидаги кўплаб иқтидор соҳибларига катта футбол эшикларини очиши билан донг таратган. Маҳсулдорлиги аввалги мавсумга қараганда бироз пасайиб қолган ҳужумчи эса Францияни тезроқ тарк этиш пайига тушиб қолди. Режани тезроқ амалга ошириш мақсадида Лондонга йўл олиш ҳақидаги хабарни «Твиттер» орқали маълум қилди. Шунингдек, футболчининг Арсен Венгер билан учрашгани тўғрисида маълумот пайдо бўлди. Александрнинг «Лион»даги шартнома муддатини узайтиришдан бош тортганлиги миш-мишларнинг бежиз эмаслигини исботлаётгандек эди. Нима бўлганда ҳам, жамоа розилигисиз 2019 йилнинг ёзигача «Лион»дан кетолмасди. «Арсенал» эса уни қўйиб юборишлари учун «шерлар»га 40 млн. еврони ҳозирлаб қўйганди. Бироқ «Лион»дан рад жавоби берилди. Бу сафар бош мураббий Юбер Фурнье мутасаддилар фикрини баён этди: «Баҳо 50-60 миллионга кўтарилмагунча Лаказетт «Лион»дан ҳеч қаерга кетмайди!». Нарх эса ошмади. «Атлетико» (Мадрид, Испания) Қачон харидор бўлган: 2015 ва 2016 йиллар Таклиф баҳоси: 40 млн. евро Франция ва Англия грандлари таклифини рад этган ҳужумчини Диего Симеоне икки марта Мадридга олиб келишга уриниб кўрди. Аввалига мураббий Лаказеттни Марио Манжукич ўрнига мўлжаллади, кейин Диего Кос­танинг «Челси»дан қайтиши устида бош қотирди. Бу режа ҳам амалга ошмагач, Симеоне яна Александрни қўлга киритишга ҳаракат қилди. Барча уринишлар зое кетди - мураббий «ҳиндулар» билан сезиларли силжишга эришган бўлсада, «ПСЖ» ва «Арсенал»дек грандлар уддалай олмаган ишни рўёбга чиқаришга «Атлетико» ҳам ожизлик қилди. Боз устига, мадридликлар ҳужумчига камтарона иш ҳақи таклиф этишганди. Барчага рад жавобини берган француз яна «Лион»­да қолди.

1 2 3 4 5 O'qildi: 536 | Kiritdi: Месут-Озил | Reyting: 0.0/0

Вarcha fikrlar: 4
Порядок вывода комментариев: По умолчанию Сначала новые Сначала старые 0Спам 4 iwobearsenal • 16:53, 27-Fev-17 Лукаку аплда топурар шу болани олиш кере 0 3 F-S • 07:13, 27-Fev-17 Йозда сотволиш керак зор трансфер боларди. 0 2 F-S • 07:12, 27-Fev-17 Йозда сотволиш керак зор трансфер боларди. 0 1 Месут-Озил • 02:22, 27-Fev-17 Shu bolani xam qolga kiritsak kam bulmasdi