Bosh sahifa » 2014 » Noyabr » 14 » 'Венгердан Венгергача' N.3

---

06:51 'Венгердан Венгергача' N.3

@Венгер ва «сўз жанг»лари@ Арсен Венгер «Арсенал»га келган илк кунлариданоқ ўзига муносиб рақиб сифатида «Манчестер Юнайтед» устози Алекс Фергюсонни танлади ва у билан даҳанаки «жанг»га киришди. Чунончи, бу вақтда айнан «қизил иблислар» «тўпчилар» учун энг асосий рақиб ҳисобланарди. Бу икки мураббий ўртасидаги сўз жанг­ лари 2004 йил октябрида энг юқори чўққига чиқди. Ўшанда «Арсенал» «МЮ»га 0:2 ҳисобида ютқазиб қўйди ва бунинг оқибатида, «канонирлар»нинг премьер-лигадаги 49 ўйиндан иборат мағлубиятсиз серияси барҳам топди. Албатта, бу Венгернинг жаҳлини чиқармай қолмасди ва у бор аламини ўйинни бошқарган ҳакам Майк Райлидан олмоқчи бўлди. Венгернинг фикрича, рақиб ҳужумчиси Рууд ван Нистелрой ўйин охирларида пенальти ишлаш учун симуляция ишлатган, Райли эса буни била туриб, «Арсенал» дарвозаси томон жарима тўпи белгилаган. Ўшанда ўринсиз жаҳл учун Венгерни жаримага тортишди. Бу эса акс таъсир бериб, мураббийлар жанги баттар авж олишига замин яратди. Фергюсон француз ҳамкасбининг кинояли сўзларига жавоб қайтаришни ўзига эп кўрмади ва ўч олишнинг бошқа йўлидан бориб, Робин ван Персини енг ичида «Юнайтед»га қўшиб олди. Ҳозирги вақтда Фергюсон нафақага чиқиб кетди, бироқ унга мос ўринбосар ўзини узоқ куттирмади. Яъни, Моуриньо яна «Челси»га қайтди. Мана, яқинда бўлиб ўтган антиқа ҳодисани ҳаммамиз кўрдик: жамоасининг мағлубиятига чидолмаган Венгер Жозе Моуриньо билан даҳанаки жанжаллашибгина қолмай, унинг ёқасидан олди ва бир-икки силтаб ташлашга ҳам улгурди. Ўйиндан кейин эса ҳатто дўстона қўл сиқишиб қўйишдан ҳам бош тортди. Демак, Арсен Венгер премьер- лигада ишлар экан, сўз ва киноя, писанда-ю, заҳархандалар ҳали- бери тугамайди.

1 2 3 4 5 O'qildi: 873 | Kiritdi: Fly_Emirates_111 | Reyting: 0.0/0

Вarcha fikrlar: 1
Порядок вывода комментариев: По умолчанию Сначала новые Сначала старые 0Спам 1 Arshavin • 15:08, 14-Noy-14 bushashma venger omad...