Bosh sahifa » » Ochko hammaga kerak. Hall Siti - Arsenal. Prevyu

---

09:25

35-turning so'nggi o'yinida Hall Siti o'z maydonida Arsenalni qabul qiladi. Bir necha mavsumdan buyon davom etib kelayotgan sovrinsiz yillar oqibatida Arsenalni ko'pgina yetakchilar tark etib kelishdi. Lekin klub hech qachon o'z mavqeini yo'qotmadi va doimo kuchlilar qatorida bo'ldi. O'tgan mavsumga kelibgina Angliya kubogini qo'lga kiritishdi. Bu yil ham bunga juda yaqin, ammo bu oson bo'lmasligi tabiiy. Avvalgi turda Arsenal o'z maydonida Chelsi bilan nursiz durang o'ynab raqibi uchun chempionlik imkoniyatini biroz oshirdi. Oqibatda, "ko'klar" Lester va Kristal Pelas ustidan g'alaba qozonib muddatidan avval chempionlikni tantana qildi. 4-o'rin odat bo'lib ulgurgan jamoa uchun bu yil kumush medallar uchun imkoniyat yuqori. Arsenal hozir Manchester Sitidan 3 ochko kam jamg'argan holda 3-o'rinda bormoqda. Ammo 2 ta zahira o'yini ham bor. Biri Sanderlendga qarshi, ikkinchisi Hall Sitiga. Bugun tunda bo'lib o'tadigan o'yin oson bo'lmaslini Venger bir necha marta ta'kidladi. "Bir necha kun avval Hall Siti Liverpuldek kuchli klubni mag'lub etdi. Oxirgi ikki turda ular jadvaldagi o'rnini yaxshilay olishdi. Ligada qolish uchun ham bahs chempionlik bahsidan kam emas. Men hozir kim turnirni tark etishini aytolmayman. 35 va undan kam ochko to'plaganlarga qiyin bo'lishi tayin. Ammo kim "omadsizlar" qatorida bo'lishini vaqt ko'rsatadi. Biz Hall ga qarshi ancha qiyin o'yinda harakat qilamiz va bunga o'zimizni tayyorlayabmiz" - deydi Venger. Hozir Premier Ligani tark etishi mumkin bo'lganlar: QPR va Byornli. Ammo ularda ham nazariy jihatdan imkon bor. Lekin ular bu darajada buyuk emaslar. 3-omadsiz jamoa bo'lmaslik uchun kurashayotganlar qatorida Hall Siti ham bor. Oxirgi 2 turda 6 ochko yiqqan (biri Liverpulga qarshi) klub jiddiy harakatga kirishgani aniq. O'tgan mavsumda, Hall va Arsenal Angliya kubogi finalida uchrashganda ham "yo'lbarslar" londonliklarning asablarini sinab ko'rishgandi. To'g'ri yakunda Arsenal g'alaba qilgandi. Lekin o'yin qanday qiyin bo'lganini eslasangiz kerak. Angliya Premier Ligasi 35-tur Hall Siti - Arsenal Kingston Kommunikishion (Key-Si Stadium) stadioni. 00:00 (o'zb) Hakam: Li Meyson Translyatsiya: NTV + Futbol 1 O'zaro o'yinlar: Hall: 3 Durang: 4 Arsenal: 14 Gollar nisbati: 20-41. Hall Siti tarkibida jarohat sabab Nikitsa Yelavich, Robert Snodgrass, Kyortes Devis va Endryu Robertsonlar o'ynamasa, Arsenal safida Matyu Debyushi jamoaga yordam berolmaydi.

1 2 3 4 5 Toifa: Kun mavzusi | O'qildi: 883 | Kiritdi: Emirates_Star | Reyting: 0.0/0

Вarcha fikrlar: 5
Порядок вывода комментариев: По умолчанию Сначала новые Сначала старые 0 5 ЛУЧШИЙ-КАНОНИР • 15:18, 04-May-15 Демак бугун заменага киради 0 4 Emirates_Star • 15:13, 04-May-15 OX, mashg'ulotda qatnashdiku umumiyda 0 3 ЛУЧШИЙ-КАНОНИР • 14:45, 04-May-15 Чемберлен чикдими травмадан 0Спам 2 Jafar_fanat_Arsenal • 11:16, 04-May-15 olg'aaaaaa KANONERLAR 0 1 F-S • 09:57, 04-May-15 Ютиш керак