- ARSAMAN.UZ | Arsenal Fan-klubi sayti

Sayt xaritasi

Anons

07-May-17	APL
Arsenal 2:0 Manchester Yunayted

10-May-17	APL
Sautgempton 0:2 Arsenal

13-May-17	APL
Stok Siti 1:4 Arsenal

16-May-17	APL
Arsenal 2:0 Sanderlend

21-May-17	APL
Arsenal 3:1 Everton

27-May-17	FA CUP
Arsenal 2:1 Chelse

Toifalar

Kun mavzusi [268]

Kunning muhim xabarlari

Mini CHAT

So'rovnoma

Statistika

Saytda: 8

Mehmonlar: 8

Fanatlar: 0

Hamkorlar

Ijtimoiy tarmoqlar

Vkontakte

Twitter

Твиты от https://twitter.com/arsaman_uz/lists/arsenal

Bosh sahifa » » Чемпионлар Лигаси! Ким ғолиб бўлади? Фаворит ва аутсайдерлар..

16:08
Яна икки ҳафтадан сўнг барча футбол ишқибозлари орзиқиб кутаётган кўҳна қитъа чемпионлар Лигаси плей-офф учрашувлари бошланади. Европаниннг клублар ўртасидаги бош турнири ғолиблиги борасида олдиндан тахмин қилиш қийин масала. Шундай бўлсада иштирокчи клубларни фаворитлар аутсайдерлар ва кутилмаган натижаларга эришиши мумкин бўлган жамоалардан иборат гуруҳларга бўлиб чиқдик. “Мўжизага ишонасизми?” гуруҳи Жамоалар: «Байер», «Шахтер», «Шальке-04», «Порту», «Монако», «Боруссия» Кутилмаган натижага эришиши мумкин — «Базель» Чемпионлар Лигаси финалида ҳеч ким кутмаган жамоалар иштирок этиши 2004-йили содир бўлган эди. Эсласангиз, финалда Моуриньонинг “Порту”си “Монако”ни тор-мор қилганди. Ўшандан бери финалга фақат гранд жамоалар йўл оляпти, холос. Жорий мавсум якуни ҳам ана шундай бўлиши кутилмоқда, бунинг сабаби бой ва маблағи нисбатан оз бўлган клублар ўртасидаги тафовут борган сари кўпайиб бораётганидадир. Балки, кўп азият чекаётган «Боруссия» энди уйғониб кетар ёки “Монако”нинг кучли ҳимояси рақибларни ожиз қолдириб, ўта кучли маъсулият билан ўйнайдиган «Байер» мусобақадошларни ҳайратга солар... Лекин, бу жиҳатлар бош совринни қўлга киритиш учун камлик қилиши, тайин гап. Юқоридаги клублар орасидан «Базель»га алоҳида эътибор қаратмоқ керак. “Ливерпуль”ни қадрдон “Энфилд” стадионида чемпионлар Лигасидан мосуво қилиб, “Челси” клубини икки бор ютган жамоадан антиқа “совға”лар кутиш мумкин. Бундан ташқари қуръа 1/8 финалда швейцарияликларга енгиб ўтиш имконияти бўлган “Порту” клубини рўбарў қилди. Гуруҳнинг бош совринга эгалик қилиш имконияти : 1% «Имкониятлар» гуруҳи Жамоалар «Манчестер Сити», «ПСЖ», «Ювентус», «Арсенал» Кутилмаган натижага эришиши мумкин — «Атлетико» Бу гуруҳда ўз олдига чемпионлар Лигаси ғолиблигини қўйган кучли жамоалар йиғилган бўлиб, бироқ бу совринни қўлга киритиш учун уларда доим нимадир етишмайди. «ПСЖ» ва «Манчестер Сити» ажойиб таркибга эга бўлсада, ҳар икки клубда еврокубоклардаги тажриба кам. Бу жиҳат айниқса “шаҳарликлар”нинг гуруҳ босқичидаги ўйинларида яққол сезилиб қолди. «Арсенал» доимгидек зўрлар орасида (клуб қаторасига 17-бор плей-оффга чиқди), лекин ҳеч биринчи бўлмаган. «Ювентус» — итальянларнинг энг зўр клуби бўлсада Европа ареналаридаги рақобатга бардош бера олмайди. Туринликлар ўтган мавсум плей-оффга ҳам чиқа олмай, бу сафар йўлланмани сўнги турдаги нокаут-раундда ҳал қилган. Диего Симеоне бошчилигидаги мадридлик қароқчилардан эса ҳар нарсани кутиш мумкин. Улар доим барчани ҳайрон қолдиришни ўрнига қўйишади. Жамоани ёзда бир қатор етакчилар тарк этган бўлсада “матрасчилар” муаммосиз плей-оффга чиқишди. Ҳақиқий андреналин ишқибозларига “Атлетико” иштирокидаги ўйинларни томоша қилишни тавсия этамиз. Гуруҳнинг бош совринга эгалик қилиш имконияти: 14% "Совринга асосий даъвогарлар" гуруҳи Жамоалар: «Реал», «Бавария», «Барселона» Кутилмаган натижага эришиши мумкин — «Челси» «Реал» айни пайтда чемпионлар Лигаси ғолиби, унинг таркибида жаҳоннинг энг зўр ўйинчиси иштирок этиши билан биргаликда мадридликлар жорий мавсумда 22 бор тўҳтовсиз ғалабалар сериясига эга. Карло Анчелотти жамоаси совринни иккинчи бор қўлга киритмоқчидек кўринмоқда. Бир томонда бундеслигада рақобатчиларни бирин-кетин қақшатаётган даҳо мураббий Гвардиола ва бир-бирини сўзсиз тушунадиган таркиб билан “Бавария” турибди. Ўтган мавсум нишонга ўқ отиб мўлжални келтириб олган мюнхенликлар бу сафар чемпионлар Лигасида ғалаба қозонишни ўз олдиларига мақсад қилиб қўйганлар. «Барселона» раҳбарият ҳамда мураббийларни алмашиши билан барчани таҳликага солиб турсада - Месси, Неймар ва Суарес гуруҳи қўлидан ҳар нарса келади. Айтгандай, яна Иньестадек совринларга ўч футболчиси бор клуб бошқаларни доим чўчитишга тайёр. «Челси» бўлса доимгидек шу яқин атрофда, лекин лондонликларнинг аҳволи рақобатчиларникидан бироз ёмонроқ. Сабаби, Англиядаги жуда оғир ўйинлар календари ва премьер лигадаги рақобатнинг кучлилигидир. Бошқа жиҳатларга тўҳталадиган бўлсак, Туманли альбион клублари сўнги йиллар еврокубокларда яхши иштирок этишмаяпти. Бундан ташқари, “Челси” заҳира ўриндиғи жуда ғариблиги боис клуб мавсумнинг биринчи қисмини деярли бир таркиб билан ўтказди. Бор умид эса – совринлар овчиси, ҳар қандай камчиликдан - устунлик ярата оладиган Моуриньодан. Гуруҳнинг бош совринга эгалик қилиш имконияти: 85%
1 2 3 4 5 Toifa: Kun mavzusi \| O'qildi: 1163 \| Kiritdi: livermore \| Reyting: 0.0/0

Вarcha fikrlar: 7
Порядок вывода комментариев: 0Спам 7 temurtoshquvvatov • 14:48, 05-Fev-15 0 6 ARSENCHIK • 00:35, 05-Fev-15 umidimiz 0 5 ТЕО-УОЛКОТТ • 20:40, 03-Fev-15 Бу йил умидим катта олга арcенал 0 4 ARSENCHIK • 20:02, 03-Fev-15 omad omad va yana omad 0 3 livermore • 18:34, 03-Fev-15 Манако қишки трансфер пайтида асосий ўйинчиси Лукас Окампосни Марселга сотиб юборди! Мана буни трансфер деса бўлади! 0Спам 2 Azimjon_Arsenal • 18:04, 03-Fev-15 Hudo hohlasa va dubllari evaziga manakoni tor-mor qilamiz 1Спам 1 Arshavin • 16:26, 03-Fev-15 omad yor bulsa siz aytgan sovringa albata yetishadi faqat uziga ishonishi kerag har bir futbolchi arsenal kuchli sakistalika kirishiga ishonaman omad venger va unig jamoasiga...