Iqtibos:

“Albatta, yaqinlashib kelayotgan o’yin biz uchun muhim ahamiyatga ega va biz o’z sovrinimizni munosib himoya qilmoqchimiz. Mening qo’l ostimda “Arsenal” bu sovrinni 5 marta qo’lga kiritdi va buning qadrini bilamiz”. Arsen Venger.

O’yindan oldin:

O’tgan mavsumdagi “Arsenal” uchun dramatik kechgan, lekin baribir omadli chiqqan o’yin takrorlanarmikan?

O’sha o’yin uzoq kutilgan sovrinsiz seriyaga barham berish bilan birga unutilmas xotiralarni berdi. Avvaliga 2-0 hisobida mag’lub bo’la turib, sahnaga Kasorla va Koselni chiqishi va Remsining qo’shimcha vaqtdagi goli har bir “kanonir”ning qalbida qolgan bo’lsa ajab emas.

Lekin hammadan ham ko’proq Venger quvondi desak adashmaymiz. Nihoyat kubok yutildi va qo’shimchasiga Super Kubok ham.

“Bu juda ajoyib edi- deydi Venger o’sha o’yinni xotirlab, - Biz “Everton”, “Liverpul”, “Tottenxem” kabi kuchli raqiblarni yengdik va finalda ham qiyin vaziyatda kuch topib g’olib bo’la oldik. Lekin endi u o’tmish. Biz esa shu kubokni himoya qilishimiz kerak. Himoya bugundan boshlanadi”.

Jamoa yangiliklari:

“Boksing dey” ni ajoyib o’tkazgan jamoa Soutgemptonga ko’ngilsiz hisobda yutqazib qo’ydi. Markaziy chiziqda shunday ham muammolar yetarli bo’lib turganda, Venger Chembers va Koklenni tajribasi kamligiga qaramay markazga qo’yishga majbur bo’ldi.

“Kim tayyor, kim yo’q bir narsa deyolmayman. Ospina va Martinez “zayavka”ga kiritiladi. Boshqalarga kelsak – ko’ramiz. Bizda Soutgemptonga qarshi qaydnomaga kiritilmagan 18 ta futbolchi bor, boshqa hech kim…

Biz o’z maydonimizda o’ynaymiz. Bu esa qo’shimcha kuch degani”.

Yo’qotishlar:

"Arsenal" : Uilshir (bilagi), Arteta , Ramsey, Sanogo (tizza osti paylari), Mathieu Flamini (son mushak), Ozil (tizza), Uelbek (son), Giru (diskvalifikatsiya).

"Xall Siti": Rosenor, Douson (tizza osti paylari), Robertson (oyoq bilagi ), Diam, Snodgrass (tizza)