Joel (yoki Xoel)Nataniel Kempbell Simuels 26-iyun 1992-yil Kosta-Rikaning San-Xose shahrida tug’ilgan. Xujumchi. Kosta-Rika terma jamoasi va Arsenal klubi a’zosi.

Kempbell faoliyatini Kosta-Rikaning Saprissa jamoasida 2009-yildan boshlagan. 2 yil davomida zahira tarkibini “gullatgan” futbolchi Saprissa tarkibida 3 tagina o’yinda qatnashgan.

2011-yil Puntarenas klubiga ijaraga berilgan va 5 ta o’yin o’tkazib qaytgan.

Shu yili terma jamoa tarkibidan chaqiruv oladi va KONKAKAF kubogi, Amerika kubogi va Yoshlar o’rtasidagi jahon chempionatlarida ishtirok etadi.

Bu turnirlardagi omadli o’yinlari tufayli Arsenal skautlari e’tiboriga tushadi va 28-iyuldan boshlab OAV uning Londonga o’tishi haqida xabarlar chiqarishni boshlashadi.

6-avgust kuni Saprissa va Arsenal transfer so’mmasini kelishib olinganini e’lon qilishadi. Unga ko’ra londonliklar Joel uchun 1 mln yevro to’lashlari kerak edi.

12-avgustda nihoyat shartnoma imzolanadi. Ammo futbolchining talablari qondirilmagan edi. 19-avgust kuni hammasi kelishilib transfer rasman e’lon qilinadi.

Lekin afsuski, Kempbell Angliyada o’ynash huquni ololmaydi va 31-avgust kuni Fransiyaning Loryan klubiga ijaraga beriladi. Loryan tarkibida 25 o’yin o’tkazib 3 ta gol urib mavsumni yakunlaydi.

Shundan keyin ham Angliya eshiklari u uchun ochilmaydi va Real Betisda o’ynash uchun Ispaniyaga yo’l oladi. 2012-13-yilgi mavsumni ham ijarada o’ynagan hujumchi 28 ta o’yinda 2 ta gol kiritadi.

O’tgan mavsum boshidan Gretsiyaga yo’l olgan Kempbell Olimpiakos tarkibida 32 ta o’yinda maydonga tushdi va 8 ta gol kiritdi. Ulardan biri CHL doirasidagi matchda MYU darvozasiga urildi.

Yutuqlari:

Klubda: Gretsiya chempioni (2013-14)

Termada: Markaziy Amerika kubogi g’olibi (2013), Shimoliy va Markaziy Amerika va Karib sohillari kubogi(U-20) finalchisi (2011).

Shaxsiy yutuq: Markaziy Amerika kubogi g’olibi (2013), Shimoliy va Markaziy Amerika va Karib sohillari kubogi(U-20) to’purari (6 ta gol).

Faoliyatidagi eng yorqin o’yinlaridan biri JCH-2014 guruh bosqichidagi Urugvay-Kosta-Rika o’yini. Unda Joel 1 ta gol va 1 ta golli uzatma bilan uchrashuvning eng yaxshi futbolchisi bo’ldi.