Bosh sahifa » 2015 » Mart » 07 » Манчестер Юнайтед ва Арсенал Гигантлар тўқнашганда.

---

17:32 Манчестер Юнайтед ва Арсенал Гигантлар тўқнашганда.

Кўплаб муҳлис-у мутаҳассислар 9-март куни афсонавий Олд Трафордда бўлиб ўтадиган Манчестер Юнайтед ҳамда Арсенал жамоалари ўртасидаги баҳсни интиқлик билан кутишмоқда. Одатда, чемпионлик учун курашувчи ушбу икки жамоа, афтидан, бу йилги мавсумда кумуш ёки бронзага ҳам розидек кўринишмоқда. Европа клублари ўртасидаги энг муҳим мусобақа Чемпионлар Лигаси баҳсларидан бебаҳра қолган “Қизил Иблислар” бор эътиборларини ички чемпионат баҳсларига қаратганлар, аммо мавсум охирлагани сайин улар совриндан узоқлашишмоқда. Бундан келиб чиқадики, улар ҳеч бўлмаганда ФА КУП учун курашишлари тайин. Манчестерликлар 53 очко жамғарган ҳолда жадвалнинг 4-поғонасида бормоқда. Ангилия Лига Кубоги баҳсларини эрта тарк этган “Канонирлар”, ЧЛда ҳам қийин вазиятга тушиб қолдилар. Монокодан кутилмаганда йирик ҳисобда мағлубиятга учраганларидан сўнг жамоа бош мураббийининг ҳам кейинг босқичдан умиди қолмаган кўринади, аммо биз Арсеналнинг метин иродасига кўп бор гувоҳ бўлганмиз ва ижобий натижа кутиб қоламиз. Ҳозирда Арсенал жадвалнинг учинчи поғонасини банд қилиб турибди. Биринчи ўриндаги жамодан 9 очко кам жамғарган ( Челсининг заҳирасида битта қолдирилган ўйин бор). Юқоридаги манбаларга таянадиган бўлсак, Арсенал ҳам МЮ га қарши ўйинда бор куч ва маҳоратини ишга солиши кутилмоқда. Арсенал Арсен Венгер қўл остида бу йил 11-маротаба ФА КУП мусобақаларида иштирок этмоқда. Ўтган 10 мусобоқадан 9 тасида ярим финалга чиқишни уддалаганлар. “Канонирлар” Юнайтедга қарши Олд Трафорда кечган охирги 10 учрашувдан фақатгина 1 тасида ( 2011-йил) ғалабага эришишган. Таркибдаги янгиликлар: Арсеналнинг янги ҳимоячиси ҳам жамоага анча кўникиб кетган кўринади чунки ҚПР га қарши кечган баҳсда жароҳат олиб майдонни тарк этди. Тикланиш жараёнига эса 3 ҳафтадан кўпроқ вақт кетиши маълум бўлди. Бунга қўшимча равишда Шеснй, Монреал, Фламинилар тиббий кўрикдан ўтишларига тўғри келади. Жек Уилшер (Тўпиғидан), Микел Артета (Тўпиғидан), Абу Диабй (Болдиридан) ва Дебушй (Елкасидан) даволанишда давом этмоқдалар. Статистика Маълумотлари: Увейн Руней Арсеналга қарши баҳсларда 11 бор дарвозани ишғол қилган ва Премиер Лига тарихида ҳеч ким Арсенал дарвозасига ундан кўп гол ура олмаган. Ўзи иштирок этган Арсеалга қарши 3 та ФА КУП баҳсларининг ҳар бирида гол уришни уддалаган МЮ Арсеналга қарши, барча мусобақаларда, 15 та ўйиндан 11 тасида ғалабага эришган ва биттасида мағлубиятга учраган. Арсенал ва МЮ ФА КУП финалида 2 бор тўқнаш келган ва ҳар иккисида ҳам Канонирлар совринни бошлари узра кўтарганлар, аммо ярим финал баҳсларида икки жамоа 3 бор тўқнаш келишган бўлса, ҳар бирида Қизил Иблислар финалга чиқишган. Хулоса қилиб айтганда, биз барибир супер баҳсга гувоҳ бўлишимиз аниқ. Ушбу икки гигантлар тўқнашувини ҳаяжон билан кутиб қоламиз.

1 2 3 4 5 Bloger: Rifat Inomov blogi | O'qildi: 935 | Muallif: Forever-Gooner021 | Reyting: 0.0/0

Barcha fikrlar: 1
Порядок вывода комментариев: По умолчанию Сначала новые Сначала старые 0Спам 1 GooNeR • 19:41, 07-Mar-15 olga arsenal. Bz sen bilanmz. Ey xudo man utd yutili. Arsenalli korishsn nmalaga qodrligini