Bosh sahifa » 2014 » Sentabr » 16 » Футболнинг янада қизиқарли бўлиши учун 10 та янги қоида

---

05:09 Футболнинг янада қизиқарли бўлиши учун 10 та янги қоида

Ўтган ойда ФИФА президенти Йозеф Блаттер томонидан амалдаги қоидаларга ўзгартиришлар киритилиши мумкинлиги тўғрисида айтилган гаплар футбол жамоатчилиги томонидан яхшигина шов- шувларга сабаб бўлди. Қуйида таниқли мутахассислар томонидан сўнги йилларда таклиф этилган турли жўяли ва ажабтовур янги қоидалар билан таништирамиз. 1.Баҳсли ҳолатларда видеотакрордан фойдаланиш Ғоя муаллифи : ФИФА президенти Йозеф БЛАТТЕР Бунда, икки жамоа мураббийлари майдонда юз берган баҳсли ҳолатларни такрор кўриб чиқиш ҳуқуқига эга бўладилар. Бу имтиёздан бир бўлим давомида икки марта ўйин тўхтатилган пайтдагина фойдаланиш мумкин. Агар ҳакамнинг биринчи чиқарган хулосаси тўғри бўлса, жамоани видеотакрорларни сўраш сўрови сони камайиб боради. Бу амалиёт теннис, волейбол ва америка футболида аллақачон амалиётдан ўтган. Блаттер ҳакам ва мураббийлар учун майдон четига махсус мониторлар ўрнатилишини таклиф қилди. Бундан ташқари, ФИФА раҳбари бу янгиликдан фақат телевидения орқали трансляция қилинадиган ўйинларда фойдаланиш мумкинлигини ҳам билдирди. Бу қоидани илк бор 2015 йили Янги Зеландияда бўлиб ўтадиган ёшлар ўртасидаги жаҳон чемпионатида синаб кўриш кўзда тутилмоқда. Хулоса: Жуда кўпчилик мутахассислар бу қоида мукаммал ишлаб чиқиладиган бўлса футбол ўйинига катта фойда келтиришини билдиришяпти 2. Аутни оёқ билан ўйинга киритиш Таклиф муаллифи: “МЮ” мураббийи Луи ВАН ГАЛ Бу ғоя пайдо бўлганига юз йилдан ошди. Лекин ван Гал бу масалага энг кўп тўхталаётганининг моҳияти унинг асосларида. Голландиялик мураббийнинг фикрича, агар аут қўл билан эмас, балки оёқ билан киритиладиган бўлса ҳимояланаётган жамоа имкон қадар тўпни майдон четига чиқармасликка интилади. Хулоса: ФИФА бундай ғояларни ўсмирлар ўртасидаги мусобақаларда синаб кўрган. Яхши биламиз, аут ташалаётган вақтда “ўйиндан ташқари ҳолат” ҳисобга олинмайди. 1993 йилги синовларда ҳатто майдон ўртасидан оёқ билан берилаётган аутларда ҳужум қилаётган жамоанинг деярли барча ўйинчилари рақиб жарима майдонига бориб қолаверган. Бу янгилик бўйдор ўйинчилари нисбатан кўп бўлган жамоага устунлик беради. 3. Зарғалдоқранг карточка ва жарима ўриндиғи Таклиф муаллифи: ФИФА президентлигига номзод Жером ШАМПАНЬ Шимолий Ирландия футбол Федерацияси бундан беш йил олдин ҳакамларга учинчи рангдаги карточкадан фойдаланиш ғояси билан чиққан эди. Италиялик машҳур ҳакам Пьерлуиджи Колина ҳам бу ғоя тарафдорларидан биридир. Жером Шампаннинг яқиндагина чиқишларидан сўнг бу янгиликка эътибор янада кучайди. Зарғалдоқ рангли карточка ўйинчи томонидан амалга оширилган қўполликка сариқ бериш озлик қиладиган, лекин қизилга тортмайдиган ҳаракати учун қўлланилади. Масалан, битта сариқ олган футболчи голни нишонлаётиб, футболкасини ечиб юборса.. Ҳозирда мана шундай ҳолатда қоида бузган футболчига зарғалдоқ карточка кўрсатиб, 5-10 дақиқага майдондан четлатиш масаласи муҳокама қилинмоқда. Шундай қилиб, футболда ҳам худди хоккейдагидек жарима ўриндиғи пайдо бўлиши мумкин. Лекин бу қоидани амалга ошириш муаммоларни келтириб чиқариши ҳақида ҳам кўп гапирилмоқда. Чунки, худди сариқ ва қизил карточкаларни ҳисоби кейинги ўйинларга таъсир қилганидек, янги рангдаги карточканинг сони қандай юритилиши энг катта муаммодир. Хулоса: Барча кўзга кўринган мутахассислар бу ғояга қарши чиқмоқда. Чунки, футбол - хоккей эмас. Бу янгилик ўйин тезлигига путур етказади. 4. “Уч томонлама жазони” бекор қилиш Таклиф муаллифи: УЕФА президенти Мишель ПЛАТИНИ Шу йилнинг февраль ойидаги “Арсенал” – “Бавария” учрашувининг 41-дақиқасида ҳакам Войчех Шеснини Арьен Роббенга нисбатан ишлатган қўполлиги учун майдондан четлатиб, рақиб дарвозасига пенальти белгилади. Аниқки, Польшалик голкипер кейинги ўйинда майдонга туша олмайдиган ҳам бўлди. “Пенальти, қизил карточка, дисквалификация” – бирданига уч томонлама жазоланиш кўпчиликнинг фикрича жуда қаттиқўлликдир. – 15 йилдирки, мана шу аҳмоқона қоидани чиқариб ташлашга ҳаракат қиляпмиз. ФИФА ва УЕФА бизни ҳар томонлама қўллаб-қувватлаётган бўлсада IFABга жўнатилган сўровнома рад этиляпти – дейди Платини. Маълумот учун айтиб ўтамиз: IFAB – бу энг машҳур ўйин қоидаларини назорат қилувчи ҳалқаро ташкилотдир. Хулоса: Бу қоида футбол жамоатчилиги томонидан ижобий қабул қилинмоқда. Пенальти белгиланганида энг максимал жазо – сариқ карточка бўлиши зарур. 5. Кўп урилган голга кўп очко бериш Таклиф муаллифи: “Арсенал” бош мураббийи Арсен ВЕНГЕР Айни пайтдаги очко ҳисоблаш тизими Англияда 80-йилларда амалга кирган бўлса, бошқа Европа давлатларида 90-йиллар ўртасида бошланган. Эслатиб ўтамиз, бу давргача ғалаба учун икки очко берилар эди. Лекин, "Арсенал" мураббийи ўн йилдан бери бу янгиликни киртиш кераклигини айтиб чарчамаяпти. Унинг фикрича катта ҳисобда ютган жамоани албатта рағбатлантириш зарур. У мана шундай қоида регбида азалдан борлигини мисол келтиради. Хулоса: Барча Венгер ғоясига қарши. Чунки, турнир пешқадамини кичик ҳисобда ютиб, уч очко қўлга киритиб, аутсайдерни кўп голлар эвазига ютиб, тўрт очко олиш ғализ фикр. 6. Тайм-аутлар Таклиф муаллифи: “Челси” бош мураббийи Жозе МОУРИНЬО Португалиялик мутахассис ўйинчи алмаштираётганида футболчига тактик ўзгаришлар тўғрисида узундан-узун кўрсатмалар беради. Балки шунинг учун у миллионлар ўйинида худди баскетбол ва хоккейдагидек паузалар бўлишини хоҳлаётгандир. “Мен мураббийларга ўйинни тўхтатиб, футболчиларга кўрсатмалар бериш тарафдориман. Бу жуда катта самара бериши тайин. Жаҳон чемпионати давомида Луи ван Гал футболчиларга томоқни ҳўллаш учун берилган танаффусдан фойдаланиб, жамоа тактикасига ўзгартириш киритди ва натижада ғалаба улар тарафида бўлди ”, дейди Жозе Хулоса: Бу ғоядан фақат реклама берувчилар ютади. Юқорида тилга олинган баскетбол, волейбол ва хоккейда мураббийларга ўйинга таъсир кўрсатиш учун имконият берилиши факт. Лекин, бу ғоя футболни зерикарли қилиб юборади. (давоми бор)

1 2 3 4 5 Bloger: Boshqalar | O'qildi: 941 | Muallif: ARSENCHIK | Reyting: 0.0/0

Barcha fikrlar: 2
Порядок вывода комментариев: По умолчанию Сначала новые Сначала старые 0Спам 2 Cansler • 01:20, 25-Sen-14 1ta platenini 3taraflama jazoni bekor qilish fikri ma'quk 0Спам 1 ARSENAL_ULUGBEK • 22:58, 24-Sen-14 qanaqa qoidalar bular xaxaxaxaxaxaxaxaxaxaxaxa