Мадриднинг Қироллик клуби дея аталмиш Реал Мадрид жамоаси ўз анъанасига мувофиқ “юлдузларни кашф қилгандан кўра, уларни сотиб олган яҳшироқ” қабилида иш кўришда давом этмоқда.

Ҳар доимгидек фудбол осмонида қайсидир юлдуз порлайди ва у Реалнинг ўлжасига айланади, лекин минг афсуски, унинг ўрнида яна кимдир пайдо бўлгани заҳоти “совуқ заҳира”га ёки бошқа бир клубнинг ихтиёрига йўналтирилади.

Бунга кўплаб мисолларни келтиришимиз мумкин, лекин бугун “Қироллик Клубининг” собиқ икки юлдузининг ҳозирги кундаги фаолиятига назар солмоқчимиз: Анхел Ди Мариа ва Месут Озил. Ушбу икки етакчи Реалнинг банкига £100м дан зиёдроқ фойда келтирдилар. Ҳозирги жамоаларига қанчалик фойда келтиришмоқда? Улар янги жамоаларига қанчалик киришиб кетдилар? Келинг, статистика маълумотларига назар ташлаймиз.

АНХЕЛ ДИ МАРИА Реал Мадриднинг ўнинчи маротаба Чемпионлар Лигаси бахсларида зафар қучишига ўзига хос хиссасини қўшгандан кейин, Манчестер Юнайтед таркибига қўшилди ва клубнинг афсонавий рақамига ҳам эга чиқди. Дарвоқеа, маълумот учун МЮ унинг трансферига £59м сарфлади ва фудболчи сотиб олиш борасида жамоа рекорди қўйилди. Қисқа вақт мобайнида 27 ёшли Ди Мариа Премер Лиганинг юлдузига айланиб улгурди, аммо Ҳалл Ситйга қарши учрашувда олган жароҳатидан сўнг унинг ўйинида пасайиш кузатилмоқда. Шу кунларда, унга қарата танқидлар ёмғири ёғилмоқда. Жамоа бош мураббийи Луи Ван Гал эса унинг ўйинига барқарорлик етишмаётганлигини таъкидлаб ўтди. Ўртача бир ўйинда 0.18 гол, 0.49 ассистентлик ва аниқ пас 78%.

МЕСУТ ОЗИЛ Ди Мараидан атига бир йил олдин £42.5м эвазига Арсенал таркибига келиб қўшилди. Дастлабки ўйинларни собиқ жамоадоши каби супер тарзда бошлади, аммо кейинчалик у ҳам танқидчиларнинг ашаддий мавзусига айланиб қолди. Шуни таъкидлашимиз керакки, Озил жароҳатдан қайтгандан сўнг ажойиб ўйин намойиш қилмоқда ва унинг ҳаракатлари муҳлислар томонидан олқишларга сабаб бўлмоқда. Арсенал иштирокидаги ўйинлардан бирида бир муҳлиснинг қўлида “Менга “Янги Озил” ёқмоқда” – деб ёзилган Арсенал байроғи фикримиз исботи бўлиши мумкин. Германиялик фудбол юлдузи барча мусобақаларда охирги 9 та ўйинда 4 та гол ва 4 та голли узатмани амалга оширишга улгурди. Ўртача бир ўйинда 0.25 гол, 0.42 ассистентлик ва аниқ пас 87%. Ушбу икки истедод эгалари Душанба куни Ангилия ФА Cуп мусобақаси доирасида Олд Трафордда бир-бирларига қарши майдонда ҳаракат қилишлари мумкин.

Done By: Rifat Inomov