Bosh sahifa » 2014 » Avgust » 19 » Beshiktosh-Arsenal. Prevyu

---

13:29 Beshiktosh-Arsenal. Prevyu

Shu paytgacha biror marta ham o'zaro rasman o'yin o'tkazmagan Beshiktosh va Arsenal jamoalari bir-birlari uchun bugun chaqilmagan yong'oq bo'lishlari mumkin. Ammo Arsenal uchun Turkiya maydonlari va muxlislari begona emas. O'tgan mavsum ham CHL ning xuddi shu saralash bosqichida ham Turkiyaga safar qilib muvaffaqiyat qozongandi. Lekin bu safar o'zgacha jamoa, o'zgacha uslub. 82000 muxlis qarshisida turklarga qarshi to'p surish oson emas. Tunda bo'ladigan o'yin uchun Turkiya safariga Arsen Venger Sanogo, Ozil va Podolskilarni olib ketmadi. Sanogoda yengil jarohat kuzatilgan bo'lsa, nemislar yuqori formaga qaytishlariga imkon berdi. Gibbs esa biroz muddat safdan chiqqani uchun, Mertesaker ham tarkibga kiritilishi mumkin. Koselnida ham og'ir bo'lmagan jarohat bor edi. Ammo endi u jamoa bilan mashg'ulotlarda qatnashmoqda. Sitiga qarshi o'yinda jarohat olgan Loran Kristalga qarshi o'yinda o'zini zo'riqtirib qo'ygandi. Lekin bugun Koselni-Chembers juftligini himoyada ko'rishimiz mumkin. Qanotlarda Debyushi va Monreal uchrashuvga tayyor. Rus saytlarida Arsenal tarkibi quyidagicha tahmin qilinmoqda: Shesni, Debyushi, Koselni, Chembers, Monreal, Arteta, Uilsher, Rositski, Kempbell, Chemberlen, Jiru Ha, bugun Remsi zahirda qolishi kutilmoqda. (Tahmin). Beshiktosh haqida: O'tgan yilgi Fenerbaxchedek keng muxlislar auditoriyasiga ega bo'lmasa ham Beshiktoshdan ko'p narsa kutsa bo'ladi. Demba Ba dek xujumchini safiga qo'shib olgan va Feyenorddek klubni 2 o'yin natijasiga ko'ra 5-2 hisobida yutgan jamoa albatta jiddiy xavf tug'dira oladi. Qolaversa tarkibida Arsenal sobiq futbolchisi Ozyakub, Jermeyn Jons, Kerim Fray, Hugo Almeyida va Xatchinson kabi futbolchilar APL havosidan bahra olishgan. Eng katta quroli esa Slavin Bilich bo'lishi kutilmoqda ya'ni Beshiktoshning xorvatiyalik murabbiyi. O'yin boshlanish vaqti: 23:45 Stadion: Atatürk Olimpiyat Stadyum Translyatsiya: NTV+FUTBOL HD Bizning tahmin: 0-1 (Kempbell) Manba: fc-arsenal.uz

1 2 3 4 5 Bloger: Jiddiy gapiramiz, hazilga yo'ying | O'qildi: 914 | Muallif: Emirates_Star | Reyting: 0.0/0

Barcha fikrlar: 0