Россиялик ярим ҳимоячи Андрей Аршавин жуда ҳам хазилкаш футболчилар сирасига киради. Ишонмайсизми? Унда унинг энг сара 7 та иқтибосини ўқиб кўринг, сўнгра шубҳангиз тарқаса ажаб эмас.

- Ўтмишда ким бўлгандим? Менимча, Пеле. Келажакни эса, билмайман.

- Бир куни уйғониб, қиз бола бўлиб қолганимни билсам, нима қилардим? Кўзларимни ҳам очмаган ҳолда ўзимни ташлардим.

- Арсен Венгер мағлубиятдан кейин жуда дарғазаб бўлади. Кийиниш хонасида сувдан бўшаган пластик идишлар тез-тез учиб туради (Венгер «Арсенал» мағлубиятини қандай қабул қилиши ҳақида).

- Қайси рақам ҳақида сўраяпсан? Ўйиндагими ёки циркдагисини? Машинам ёки телефон рақамларини...? Менга ҳаммасидан кўра банк рақами кўпроқ ёқади (севимли рақами ҳақида).

- «Арсенал» Премьер - Лигадан тушиб кетадиган тақдирда мукофот пуллари қисқариши борасидаги шарт мени ҳайрон қолдирди (шартномаси бандларида ғаройиб шарт ҳақида).

- «Арсенал» янги мавсумда отлиқларга ўхшаб қолмаса бўлди. Сабаби клубнинг янги формаси худди «жокей»ларнинг кийимини эслатмоқда («Арсенал»нинг янги мавсумга киядиган янги дизайндаги либосига берган таърифи, 2011).

- Мессини ўйинини кўриб ўйланиб қоласан: Нимага футболчи бўлдим-а?

Фурқат Юсупов
Манба: www.Furkat.uz