Бугун АПЛ нинг 26 – туридан ўрин олган “Арсенал” - “Лестер Сити” учрашуви бўлиб ўтади. Албатта  бу тўқнашув турни марказий ўйиниларидан биридир, чунки бугун икки турнир пешқадамларлари куч синашишади. “Эмиратес” стадионида чемпионатнинг хал қилувчи ўйини бўлиб ўтади.

Ўзаро ўйинлар статистикаси  

“Арсенал” шу вақтгача “Лестер Сити” билан 134 маротаба куч синашган. Шу ўйинларнинг 62 тасида канонирлар ғалаба қозонишган.“ Лестер Сити” ни 28 та ўйинда қўли баланд келган. Қолган 44 ўйинда жамоалар муроса йўлини танлаган. Тўплар нисбати: 255 - 166 (+89) кононирлар фойдасига.

Венгер бугун қандай тактика танлайди?

Венгер “Лестер” га қарши майдонга клубнинг жарохат олган ўйинчиларидан келиб чиқган холда энг оптимал таркибини туширса ажаб эмас, чунки бу ўйин иккала клуб учун хам хал қилувчиси бўлиши мумкин. Бугунги оптимал таркиб қуйдагича бўлиши мумкин:  дарвозада Чех, химояда : Монреал, Коселни,Габриел, Белларин, таянч ярим химоячилар: Коклен, Ремси ярим химоячилар: Ўзил, Санчес, Чемберлен хужумчи: Жиру.

Чехни асосий таркибда тушиш аниқ, чунки охирги ўйинларда Петр анча ишончли ўйин ўтказмоқда. Химоя чизиғида ўзгариш йўқ. 2 та ўйиндан бери Мертасакерни ўрнига Габриел асосий таркибдан жой олмоқда. Бунинг асосий сабаби Мертасакерни  “Челси” га қарши ўйинда Костага қилган қўполлигидир. Менимча бу Габриел Паулистага ажойиб имкониятдир, агар хозирги холатда у ўзини химоя чизиғида яхши кўрсата олса, асосий таркибдан қайсидир химоячини сиқиб чиқаради. Таянч ярим химояда бугун Коклен ва Ремси харакат қилиши кутимоқда. Ремси бугун таянчда ўйнаса хам хар галгидек хужумга кўпроқ қўшилади. Венгер жамоага янги қўшилган таянч ярим химоячи Эл-Ненини ўйин қайдномасига киритган, лекин у захирада. Ярим химояда ўтган ўйиндаги трио яьни: Ўзил, Чемберлен, Санчеслар харакат қилади. Венгерда хозирча ярим химоячилар борасида танлаш имконияти йўқ. Кўп ўйинчилар жарохати сабаб ўйинни ўтказиб юборишади.(Касорла, Уилшер, Росицки) Хужум чизиғида хар доимгидек Оливе Жиру харакат қилади. Бу йил хужумчи анча сермахсул харакат қилмоқда ва АПЛ нинг тўпурарлар бахсида 12 тагол билан 6-ўринда кетмоқда! Клуб лазеретидан янги хабар келган: “Уелбек сафга қайтди” Ха хужумчи 9 ойлик тикланишдан сўнг яна машғулотларга қайтган. Дени “Арсенал” ни ёшлар таркибида 60 дақиқа ўйнади. Уелбек катта эхтимол билан кейинги ўйинда асосий таркибда тушиши мумкин. 

Ўйинги оид маьлумотлар:

• Канонирлар биринчи даврада “Лестер” ни 5-2 хисобида доғда қолдирган. Лестер бу мавсумда хали бунақа тарзда мағлубиятга учрамаган эди.
• Охирги 18 та чемпионат ўйинларида тулкилар “Арсенал” ни мағлуб эта олмаган.(Д6, М12).
• “Лестер” охирги маротаба “Арсенал” устидан 1994-йилги мавсумда ғалаба қозонган эди. Ўйин 2-1 хисобида тулкилар фойдасига хал бўлган эди.
•  “Арсенал охирги 4 та ўйинни 2 тасида рақиблари билан муроса йўлини танлади. “Челси” га ютқазди, ванихоят ўтган хафтани охирида “Борнмут” мағлубиятга учратилди.(Д2, М1,Ғ1).
• Алексис Санчеснинг чемпионатдаги 6 та голини ярми “Лестер” дарвозасига урилган.
• “Лестер” шу пайтгача сафар ўйинларида  28 очко топлади.
• Тулкилар шу пайтгача  47 маротаба рақиблари дарвозасига гол уришган.
• “Лестер” нинг асосий ўйинчиси Рияд Махрез АПЛ да  14 та гол урди ва 10 маротаба голли пасни амалга оширди. Фақат Махрезгина гол + пас ни стабил кўриншда ушлаб турибди                                        

Бу тўқнашув бизга ажойиб дуэлларни тақдим этади. Булар: Варди-Коселни, Махрез-Монреал, Ўзил-Канте, Жиру-Хут...Бу қатор хали якунига етмади, қолган дуэлларни ўйинда билиб оласиз.

2016-йил 14 – феврал Якшанба

Арсенал vs Лестер Сити  
Стадион: Эмиретс
Бошланиш вақти: 21:30(Тошкент вақти билан)
TV: Футбол2, UzReport TV,Sky Sport1

Арсеналнинг тахминий таркиби (4-2-3-1): Чех, Монреал, Коселни,Габриел, Белларин, Коклен, Ремси, Чемберлен, Ўзил, Санчес, Жиру

Захира:  Оспина, Чемберс, Гиббс, Фламини, Артета, Эл-Нени, Ивоби, Уолкот, Кембелл, Мертасакер.

Ўйинга тушмайди: Касорла, Уилшер, Росицки, Уелбек.

Ўйинга тушиши сўроқ остида: -

Лестернинг тахминий таркиби (4-4-2): Шмейхел, Хут, Морган, Симпсон, Фугс, Канте, Дринкуотер, Махрез, Олбрайтон, Оказаки, Варди.

Захира: Шварцер, Василевски, Кинг, Амартей, Инлер, Грей, Даер, Ульоа

Ўйинга тушмайди: Шлупп, Жамес.

Ўйинга тушиши сўроқ остида: Амартей

Хакам: Мартин Аткинсон 

When we`re together we have a good time...

livermore