Biz muxlislik qiladigan Londonning Arsenal jamoasi haqida ko’p ma’lumotlarni deyarli hamma bilsa kerak. Ammo ba’zi paytlarda futbol saytlarida Arsenal Kiev, Arsenal Tula degan jamoalarni ham eshitib qolamiz. Xattoki hamyurtimiz Maksim Shatskix Kievning Arsenalida o’ynaganidan ham xabardor bo’lsangiz kerak.

Keling shu “klon”lar bilan yaqindan tanishsak:

Arsenal (Sarandi)

Ispanchada Arsenal de Sarandí  deb nomlanuvchi klub Argentinaning Avelyanedasida 11-yanvar 1957-yilda tashkil topgan. O’zining eng yaxshi davrlarini oxirgi 10 yillikda o’tkazayotgan klub tarixida 1 marta, 2012-yilda Argentina chempioni bo’lgan. 2007-yilda Janubiy Amerika kubogini qo’lga kiritgan.

Klubning ramziy ranglari och ko’k va qizil ranglardan iborat.

Laqablari: El Viadukto (Viaduk), El Arse

Tashkil topgan: 1957

Stadion: Xulio Umberto Grondona

Stadion sig’imi: 19300

Klub prezidenti: Xulio Rikardo Grondona

Murabbiy: Martin Palermo

Musobaqa: Argentina Premyerosi

Arsenal ( Xarkov)

1998-yilda tashkil topgan ukrain klubi unchalik qiziqarli tarixga ega emas. Asosan, Ukraina 2-ligasida o’ynaydigan klub bir martagina 2004-2005-yillardagi mavsumda 1-ligaga chiqqan va 2-o’rinni egallagan. Tashkiliy muammolar tufayli keying mavsum yana “o’z” ligasiga qayta tushgan.

2010-yilda Xarkov viloyati kubogini qo’lga kiritgan.

Laqabi: Qizil-oqlar

Tashkil topgan: 1998

Stadion: Arsenal-Spartak (Xarkov)

Sig’imi: 1500

Prezident: Vladimir Chumak

Murabbiy: Rinat Morozov

Musobaqa: Ukraina 2-ligasi

Arsenal (Tula)

Rossiyaning professional futbol klubi 2011-yilda tashkil topgan. Klub 1946-yilda tashkil topgan Zenit-Tula jamoasining asosi hisobanadi. Keyinchalik Trud, Shaxtyor, Metallurg, Mashinostroitel, TOZ nomlari bilan ham faoliyat yuritgan. 2011-yilda qayta tashkil qilinib, PFK Arsenal nomi berilgan.

2012-13-yillarda, 2-ligada 1-o’rin va 2013-14-yilgi mavsumda Rossiya birinchiligida 2-o’rinni olib Premier Ligaga yo’l olgan.

Laqablari: Qizil-sariqlar, Kanonirlar, To’pchilar, Samovarchilar, Qurolsozlar.

Tashkil topgan: 1946

Stadion: Arsenal

Sig’imi: 20048

Prezident: Pyotr Koshelnikov

Murabbiy: Dmitriy Alinechev

Musobaqa: Rossiya Premier Ligasi

Arsenal (Kiev)

Kievning bu klubi  1925-yilda 14-iyul kuni “Arsenal” qurol zavodi ishchilar tomonidan tashkil qilingan. Shu kuni yangi stadion ochilish marosimi o’tkazilgan va 1500 muxlis qarshisida ilk match uyushtirilgan.

Ukraina chempionatida eng yaxshi natijasi 5-o’rin (2003-yil va 2012-yil).

2011-yilda Ukraina kubogida Yarim finalgacha borgan.

Laqablari: Kanonirlar, qurolsozlar.

Tashkil topgan: 1925

Prezident: Aleksey Kikireshko

Murabbiy: Andrey Annenkov

Musobaqa: Ukraina chempionati.

Arsenal (London)

1886-yilda “Royal Arsenal” zavodi ishchilari tomonidan tashkil qilingan. Dastlabgi nomi Dayal Skuer bo’lgan.

13 marta Angliya chempioni va 11 marta Angliya kubogi sohibi. Eng yorqin davrlari 90-yillar oxiri va yangi asr boshlariga to’g’ri keladi.

Laqablari: Kanonirlar, To’pchilar, Gunnerlar.

Tashkil topgan: 1886

Stadion: Emireyts

Sig’imi: 60361

Rahbar: Sten Kronke

Prezident: Ser Jon Chips Kesvik

Murabbiy: Arsen Venger

Musobaqa: APL