Bosh sahifa » 2017 » May » 10 » Венгер 4-ўрин илинжида. Арсен ва «Арсенал»нинг «ҳаёт-мамот даври» олдидан

---

22:08 Венгер 4-ўрин илинжида. Арсен ва «Арсенал»нинг «ҳаёт-мамот даври» олдидан

Англия премьер-лигасида қолдирилган учрашув бўлиб ўтади. Чемпионлар лигаси йўлланмаси учун кураш олиб бораётган «Арсенал» «Саутҳемптон» меҳмони бўлади. Tribuna.Uz лондонликлар учун муҳим учрашув ҳақида батафсил тўхталади. «Саутҳемптон» - «Арсенал» (10 май, 23:45, Матч! Футбол 1) «Арсенал» бу учрашувда ғалаба қозонган тақдирда «Манчестер Юнайтед»ни қувиб ўтиб, 5-ўринга кўтарилиб олади ва ЕЧЛ йўлланмасини берувчи ўринлар учун жуда яқин келади. «Саутҳемптон» учун эса бу учрашув ҳеч нарсани англатмайди. Жамоа еврокубоклар ҳудудига даъвогарлик қилмаяпти. Шунингдек, АПЛдан тушиб кетиш деган муаммо ҳам уларда йўқ. Ўзаро ўйинлар Премьер-лига ташкил этилганидан буён икки жамоа ўзаро 35 марта рўбарў келган. «Саутҳемптон» 6 марта ғалаба қозонган бўлса, уларнинг барчаси ўз уйида қайд қилинган. «Арсенал»да 19та ғалаба (6 меҳмонда). Шунингдек 10 учрашувда дуранг қайд қилинган. Сўнгги бешта учрашувдан буён «Арсенал» «Саутҳемптон» уйидан ғалаба билан қайта олмаяпти. Аммо жорий мавсумда икки жамоа «Саутҳемптон» мезбонлигидаги учрашувда майдонга тушишди. Англия кубоги доирасидаги учрашувда «Арсенал» 5:0 ҳисобидаги йирик ғалабага эришди. Қизиқарли фактлар — «Саутҳемптон» ўз тарихида биринчи марта «Арсенал»ни кетма-кет уч учрашувда (уйда) мағлуб этиши мумкин; — «Арсенал» юқорида айтиб ўтилганидек беш учрашувдан буён «Сент Мэри» стадионидан ғалабасиз қайтмоқда. — Сўнгги марта лондонликлар бу ерда 2003 йилнинг декабрида ғалаба қозонган; Йўқотишлар «Саутҳемптон» таркибида жароҳат олган футболчилар йўқ. Бироқ дам олиш кунлари жамоа ўйин ўтказгани сабабли Клод Пюэл баъзи футболчиларга дам бериши мумкин.Чарли Остин ва Мэтт Тарретт жамоага машғулотларига қайтган ва бу учрашувда иштирок эта олиши мумкин «Арсенал» таркибида ҳимоячи Лорана Косельни майдонга туша олмаслиги мумкин. Шунингдек, Гранит Чака ҳам ўйинга тайёр бўлиши кутилмоқда. Бундан ташқари ҳужумчи Лукас Перес узоқ танаффусдан сўнг бу учрашувда майдонга тушиши мумкин бўлади.

1 2 3 4 5 O'qildi: 460 | Kiritdi: Arsenal49 | Reyting: 0.0/0

Вarcha fikrlar: 0